“გარდაბნის მუნიციპალიტეტის გამგეობის დებულების დამტკიცების შესახებ” გარდაბნის მუნიციპალიტეტის საკრებულოს 2014 წლის 27 ოქტომბრის №28 დადგენილებაში ცვლილებების შეტანის შესახებ

ა) დებულების მე-6 მუხლის მე-3 ნაწილს დაემატოს შემდეგი შინაარსის „ე.ვ¹“ ქვეპუნქტი:

„ე.ვ¹) კანონით გათვალისწინებულ შემთხვევაში ან/და დელეგირებული უფლებამოსილების განხორციელების (მათ შორის, შესაბამისი გადაწყვეტილებების მიღების) მიზნით ქმნის კომისიებს, რომელთა უფლებამოსილება და საქმიანობის წესი განისაზღვრება კანონით, უფლებამოსილების დელეგირების შესახებ ხელშეკრულებით ან/და კანონის საფუძველზე გამოცემული კანონქვემდებარე ნორმატიული აქტით; კომისიები ამ საქმიანობის განხორციელების შემთხვევაში უფლებამოსილი არიან, გამოსცენ ინდივიდუალურ სამართლებრივი აქტი - განკარგულება“;

ბ) დებულების მე-16 მუხლის მე-4 პუნქტს დაემატოს შემდეგი შინაარსის „ვ¹“ქვეპუნქტი:

„ვ¹) სამოქალაქო აქტების რეგისტრაციის ორგანოს აწვდის ინფორმაციას დაბადების რეგისტრაციის არარსებობის ან სამედიცინო დაწესებულების გარეთ დაბადების შესახებ სამედიცინო ცნობის გაცემის უფლებამოსილების მქონე პირის დახმარების გარეშე ბავშვის დაბადების თაობაზე შეტყობინებიდან 1 თვის ვადაში“;

გ) დებულების მე-16 მუხლის მე-4 პუნქტს დაემატოს შემდეგი შინაარსის „ვ²“ქვეპუნქტი:

„ვ²) თუ აქვს საკმარისი და უტყუარი ინფორმაცია პირის გარდაცვალების ფაქტის შესახებ, ადგენს ოქმს.“.

დ)  დებულების მე-16 მუხლის მე-4 პუნქტს დაემატოს შემდეგი შინაარსის „ვ³“ქვეპუნქტი:

„ვ³) სამოქალაქო აქტების რეგისტრაციის ორგანოს აწვდის ინფორმაციას პირის გარდაცვალების თაობაზე შეტყობინებიდან 5 სამუშაო დღის ვადაში“.