“ბაღდათის მუნიციპალიტეტის გამგეობის ადმინისტრაციული სამსახურის დებულების დამტკიცების შესახებ” ბაღდათის მუნიციპალიტეტის საკრებულოს 2015 წლის 27 თებერვლის №16 დადგენილებაში ცვლილების შეტანის თაობაზე

1. დებულების მე-2 მუხლის პირველი პუნქტი ჩამოყალიბდეს შემდეგი რედაქციით:

„1. სამსახური შედგება სამსახურის უფროსის,  სამსახურის სტრუქტურული ქვედანაყოფებისა და სამსახურის მოხელეებისაგან.“.

2. დებულების მე-2 მუხლს დაემატოს შემდეგი შინაარსის 4¹  და 4² პუნქტები:

ა)  „4¹ გამგეობის სამართლებრივი მომსახურება;

ბ) 4² მუნიციპალიტეტის ადმინისტრაციულ ერთეულში გამგებლის წარმომადგენელთა საქმიანობის კოორდინაცია;“.

3. დებულების მე-3 მუხლის მე-2 პუნქტი ჩამოყალიბდეს შემდეგი რედაქციით:

„2.  სამსახურის სტრუქტურული ქვედანაყოფებია:

ა) მომსახურების განყოფილება;

ბ) იურიდიული განყოფილება;

გ) წარმომადგენლების კოორდინაციის განყოფილება.

4.  დებულებას დაემატოს შემდეგი შინაარსის 4¹  მუხლი:

„მუხლი 4¹ .იურიდიული განყოფილების ძირითადი ფუნქციები

იურიდიული განყოფილება დადგენილი წესით უზრუნველყოფს:

ა) გამგეობის სამართლებრივ მომსახურებას;

ბ)  ორგანიზებას უწევს გამგეობის და მისი თანამდებობის პირების საქმიანობას, სამართლებრივ უზრუნველყოფას;

გ) ახორციელებს გამგეობის ადმინისტრაციულ-სამართლებრივი აქტების პროექტების მომზადებას, სამართლებრივ ექსპერტიზასა და მათ ვიზირებას;

დ) აწარმოებს სამსახურში მიღებული ადმინისტრაციულ-სამართლებრივი აქტებისა და სხვა დოკუმენტების (ასევე დოკუმენტების პროექტების)ანალიზს და განაზოგადებს წინადადებებს მათი სრულყოფის თაობაზე;

ე) წარმოადგენს გამგეობას სასამართლო ორგანოებში, სახელმწიფო ორგანოებთან და მესამე(ფიზიკურ და იურიდიულ) პირებთან ურთიერთობისას;

ვ) გამგეობაში შემუშავებული სამართლებრივი აქტების პროექტების, გარიგებების,  ადმინისტრაციული სამართალდარღვევის ოქმებისა და სხვა დოკუმენტების სამართლებრივ ექსპერტიზასა და მათ ვიზირებას.“.

5. დებულებას დაემატოს შემდეგი შინაარსის 4² მუხლი:

„მუხლი 4².  წარმომადგენლების კოორდინაციის განყოფილების ძირითადი ფუნქციები

წარმომადგენლების კოორდინაციის განყოფილების ძირითადი ფუნქციებია:

ა) მუნიციპალიტეტის ადმინისტრაციულ ერთეულში გამგებლის წარმომადგენელთა საქმიანობის კოორდინაცია;

ბ) წარმომადგენლთა საქმიანობის ხელშეწყობა, მათ საქმიანობაში მართვის ეფექტიანი და გამჭვირვალე სტილის დამკვიდრება;

გ) ამზადებს და ორგანიზებას უწევს მუნიციპალიტეტის გამგებელთან წარმომადგენელთა შეხვედრების თათბირებს;

დ) აკონტროლებს და გამგებელს წარუდგენს ინფორმაციას ადმინისტრაციულ ერთეულში მუნიციპალიტეტის ორგანოების მიერ მიღებული გადაწყვეტილებათა შესრულების მიმდინარეობის შესახებ;

ე) შესაბამისი ადმინისტრაციული ერთეულის წარმომადგენელთან ერთად ორგანიზებას უწევს ადმინისტრაციული ერთეულის მოსახლეობისათვის ბიუჯეტის პროექტის გაცნობას და საჯარო განხილვას;

ვ) აკონტროლებს ადმინისტრაციულ ერთეულში სოფლის მხარდამჭერი პროგრამების ადგილობრივი ბიუჯეტიდან, სხვა ფონდებიდან და ინვესტიციებით დაფინანსებული მიზნობრივი პროგრამების განხორციელების მიმდინარეობას. უზრუნველყოფს გამგებლისათვისა შესაბამისის ინფორმაციის მიწოდებას;

ზ) კოორდინაციას უწევს მუნიციპალიტეტის ადმინისტრაციულ ერთეულში სივრცით-ტერიტორიული დაგეგმარების, ტერიტორიის კეთილმოწყობის და საინჟინრო ინფრასტრუქტურის განვითარების პროგრამების მომზადებას;

თ) გამგებლის წარმომადგენლებთან ერთად ორგანიზებას უწევს „სოფლის მხარდამჭერი პროგრამების“ განხორციელების მიზნით მოსახლეობის გამოკითხვას და საერთო კრებების მომზადებასა და ჩატარებას, აანალიზებს მიღებულ გადაწყვეტილებებს  და სათანადო ინფორმაციას წარუდგენს გამგებელს;

ი) გამგებლის წარმომადგენლებს უწევს მეთოდურ დახმარებას მათზე დაკისრებული უფლება-მოვალეობების ჯეროვნად შესრულებისათვის.“.