„მცხეთის მუნიციპალიტეტის მოსახლეობის სოციალური დახმარების პროგრამის დამტკიცების შესახებ“ მცხეთის მუნიციპალიტეტის საკრებულოს 2015 წლის 30 იანვრის №2 დადგენილებაში ცვლილების შეტანის შესახებ

ა) დადგენილებით დამტკიცებული დებულების მე-2 მუხლი ჩამოყალიბდეს ახალი რედაქციით:

„მუხლი 2. პროგრამით მოსარგებლეები

პროგრამით მოსარგებლეები არიან:

1. მცხეთის მუნიციპალიტეტის ტერიტორიაზე რეგისტრირებული (არანაკლებ ექვსი თვისა) საქართველოს მოქალაქეები (შემდგომში - მოსარგებლე):

ა) ეკონომიურად გაჭირვებული პირები;

ბ) მე-2 მსოფლიო ომის მონაწილეები, საქართველოს ტერიტორიული მთლიანობისთვის დაღუპულ, უგზო-უკვლოდ დაკარგულ, მიღებული ჭრილობების შედეგად გარდაცვლილ პირთა და რეპრესირებულ პირთა ოჯახის წევრები;

გ)  მცხეთის მუნიციპალიტეტის გამგეობისა და საკრებულოს თანამშრომლები.

2. მოსარგებლე ამ პროგრამით გათვალისწინებულ დახმარებას იღებს სოციალური დახმარების სახით.

3. დადგენილებით დამტკიცებული დებულების მე-2 მუხლის პირველი პუნქტი (გარდა „გ“ ქვეპუქტისა) ძალაშია 2016 წლის 31 დეკემბრის ჩათვლით“;

ბ) დადგენილებით დამტკიცებული დებულების მე-4 მუხლის პირველი პუნქტის „ბ“ ქვეპუნქტი ჩამოყალიბდეს შემდეგი  რედაქციით:

„ბ) მოსარგებლის ან/და განმცხადებლის პირადობის მოწმობის ასლს, მცხეთის მუნიციპალიტეტის ტერიტორიაზე რეგისტრაციის დამადასტურებელ დოკუმენტს“;

გ) დადგენილებით დამტკიცებული დებულების მე-4 მუხლის მე-7 პუნქტი ჩამოყალიბდეს შემდეგი რედაქციით:

„7. კომისიის ოქმი დგება სხდომიდან არაუგვიანეს ხუთი დღისა, რომელსაც ხელს აწერს კომისიის თავმჯდომარე, მოადგილე და კომისიის დამსწრე ყველა წევრი.“