სს „ბათუმის ქიმიურ-ფარმაცევტული ქარხნის“ კრედიტორთა კრების მოწვევის შესახებ
🕸️ გრაფი — კავშირების ვიზუალიზაცია
🧬 სემანტიკურად მსგავსი დოკუმენტები — 10
ეს დოკუმენტები ნაპოვნია ვექტორული ემბედინგების (AI) საშუალებით — მათი შინაარსი ყველაზე ახლოსაა ამ აქტის ტექსტთან.
დოკუმენტის ტექსტი
საქმე№2/2337
გ ა ნ ჩ ი ნ ე ბ ა
საქართველოს სახელით
კრედიტორთა კრების მოწვევის შესახებ
2016წლის 10 ოქტომბერი
ქ . ქუთაისი
ქუთაისის საქალაქო სასამართლოს მოსამართლე გენადი მაკარიძემ განიხილა სს ,,ბათუმის ქიმიურ-ფარმაცევტული ქარხნის’’კრედიტორთა კრების მოწვევის საკითხი და
გ ა მ ო ა რ კ ვ ი ა :
2015 წლის 25 დეკემბრის განჩინებით განმცხადებლის სს ,,ბათუმის ქიმიურ-ფარმაცევტული ქარხნის’’(დირექტორი გიორგი სამველიძე) განცხადება გაკოტრების საქმის წარმოების დაწყების შესახებ მიღებულ იქნეს სასამართლოს წარმოებაში.
2016 წლის 7 ოქტომბერს ქუთაისის საქალაქო სასამართლოს განცხადებით მომართა სსიპ - აღსრულების ეროვნული ბიუროს გადახდისუუნარობის საქმის წარმოების სამსახურის ქეის-მენეჯერმა მიხეილ ლომთაძემ და განმარტა, რომ კომპანიას საბანკო ანგარიშზე განთავსებული აქვს თანხა 13511,50 ლარის ოდენობით, რაც აღემატება კრედიტორული მოთხოვნების ჯამურ ოდენობას. სსიპ - აღსრულების ეროვნული ბიუროს წარმომადგენელი ითხოვს კრედიტორთა კრების მოწვევას სს „ბათუმის ქიმიურ-ფარმაცევტული ქარხნის“ მიმართ გადახდისუუნარობის საქმის წარმოების მომდევნო ეტაპზე გადასვლის მიზნით.
სასამართლოს მიაჩნია, რომ მოწვეულ უნდა იქნეს სს „ბათუმის ქიმიურ-ფარმაცევტული ქარხნის’’ კრედიტორთა კრება.
სასამართლომ იხელმძღვანელა „გადახდისუუნარობის საქმის წარმოების შესახებ” საქართველოს კანონის მე-7, მე-8, 27-ე მუხლებით და
დ ა ა დ გ ი ნ ა :
1. მოწვეულ იქნეს სს ,,ბათუმის ქიმიურ-ფარმაცევტული ქარხნის’’ კრედიტორთა კრება 2016 წლის 24 ოქტომბერს, 14:00 საათზე .
2. კრედიტორთა კრება შედგება ქუთაისის საქალაქო სასამართლოს შენობაში (ქალაქი ქუთაისი, კუპრაძის ქ. №11, მესამე სართული, სხდომის დარბაზი№3).
3. განჩინება გამოქვეყნდეს საქართველოს საკანონმდებლო მაცნეში, სასამართლოს დაფაზე და სასამართლოს ვებგვერდზე www.geocourts.ge.
4 . განჩინებაზე შეუძლია კერძო საჩივრის შეტანა გადახდისუუნარობის საქმის წარმოების პროცესის მხარეებს, აგრეთვე იმ პირებს, რომელთაც უშუალოდ ეხებათ ეს განჩინება მისი გადაცემიდან 5 (ხუთი) დღის ვადაში ქუთაისის საქალაქო სასამართლოში (მის. ქ. ქუთაისი კუპრაძის №11). ამ ვადის გაგრძელება დაუშვებელია. თუ განჩინების გამოცხადებას ესწრებოდა კერძო საჩივრის შეტანის უფლების მქონე პირი, კერძო საჩივრის შეტანის ვადა დაიწყება მისი გამოცხადების მომენტიდან.
მოსამართლე გენადი მაკარიძე
ხშირად დასმული კითხვები
- მოქმედებს თუ არა „სს „ბათუმის ქიმიურ-ფარმაცევტული ქარხნის“ კრედიტორთა კრების მოწვევის შესახებ“?
- დიახ, სასამართლოს აქტები „სს „ბათუმის ქიმიურ-ფარმაცევტული ქარხნის“ კრედიტორთა კრების მოწვევის შესახებ“ ამჟამად ძალაშია. ბოლო კონსოლიდირებული რედაქცია — 10.10.2016.
- როდის იქნა მიღებული „სს „ბათუმის ქიმიურ-ფარმაცევტული ქარხნის“ კრედიტორთა კრების მოწვევის შესახებ“?
- „სს „ბათუმის ქიმიურ-ფარმაცევტული ქარხნის“ კრედიტორთა კრების მოწვევის შესახებ“ მიღებულია 10.10.2016. მიმღები ორგანო — ქუთაისის საქალაქო სასამართლო. დოკუმენტის ნომერი — №2/2337.
- სად არის „სს „ბათუმის ქიმიურ-ფარმაცევტული ქარხნის“ კრედიტორთა კრების მოწვევის შესახებ“-ის ოფიციალური ტექსტი?
- ოფიციალური წყაროა საქართველოს საკანონმდებლო მაცნე (matsne.gov.ge). legali.ge-ზე ტექსტი მოცემულია 10.10.2016 მდგომარეობით.
როგორ დავიმოწმოთ
სასამართლოს აქტები „სს „ბათუმის ქიმიურ-ფარმაცევტული ქარხნის“ კრედიტორთა კრების მოწვევის შესახებ“, №2/2337, 10.10.2016 (კონსოლიდირებული რედაქცია 10.10.2016). ხელმისაწვდომია: https://legali.ge/law/3418257/