სახელმწიფო საკუთრებაში არსებული უძრავი ქონების პირდაპირი მიყიდვის ფორმით პრივატიზების შესახებ

საქართველოს მთავრობის

განკარგულება №2269

2016 წლის 27 ოქტომბერი

ქ. თბილისი

სახელმწიფო საკუთრებაში არსებული უძრავი ქონების პირდაპირი მიყიდვის ფორმით პრივატიზების შესახებ

1. „სახელმწიფო ქონების შესახებ“ საქართველოს კანონის მე-18 მუხლის მე-3 პუნქტის შესაბამისად, სახელმწიფო საკუთრებაში არსებული, ქალაქ თბილისში, დაბა წყნეთში, ზონა „ა“-ში (ნაკვეთი: 110/002) მდებარე 8226.00 კვ.მ არასასოფლო-სამეურნეო დანიშნულების მიწის ნაკვეთი და მასზე განთავსებული შენობა-ნაგებობები: №1 – საერთო ფართით – 420.34 კვ.მ, მათ შორის: I სართული – 187.47 კვ.მ, II სართული – 232.87 კვ.მ; №2 – საერთო ფართით – 381.06 კვ.მ; №3 – საერთო ფართით – 24.35; №4 – საერთო ფართით – 16.73 კვ.მ (მიწის (უძრავი ქონების) საკადასტრო კოდი: №01.20.01.110.002), პირდაპირი მიყიდვის ფორმით, 4 288 320 (ოთხი მილიონ ორას ოთხმოცდარვა ათას სამას ოცი) ლარად, საკუთრებაში გადაეცეს ფიზიკურ პირ თამაზ სომხიშვილს.

2. ამ განკარგულების პირველი პუნქტით გათვალისწინებული უძრავი ქონების საპრივატიზებო პირობად განისაზღვროს საპრივატიზებო თანხის გადახდა შესაბამისი ხელშეკრულების გაფორმებიდან 30 (ოცდაათი) კალენდარული დღის ვადაში.

3. საქართველოს ეკონომიკისა და მდგრადი განვითარების სამინისტროს სისტემაში შემავალმა სსიპ – სახელმწიფო ქონების ეროვნულმა სააგენტომ, ამ განკარგულების შესრულების მიზნით, უზრუნველყოს კანონმდებლობით გათვალისწინებული ღონისძიების განხორციელება.

 

პრემიერ-მინისტრი                             გიორგი კვირიკაშვილი