„აჟარის (ზემო აფხაზეთის) მუნიციპალიტეტის 2016 წლის ადგილობრივი ბიუჯეტიდან სოციალური დახმარების გაცემის წესის დამტკიცების შესახებ“ აჟარის (ზემო აფხაზეთის) მუნიციპალიტეტის საკრებულოს 2015 წლის 28 დეკემბრის №30 დადგენილებაში ცვლილებების შეტანის თაობაზე

ა) დადგენილებით დამტკიცებული წესის მე-2 მუხლის პირველი პუნქტი ჩამოყალიბდეს შემდეგი სახით:

„1. აჟარის (ზემო აფხაზეთის) მუნიციპალიტეტის ბიუჯეტიდან ერთჯერადად ანაზღაურდება ამავე მუნიციპალიტეტში რეგისტრირებული იძულებით გადაადგილებული პირების ოპერაციები და მასთან დაკავშირებული ხარჯები და ასევე ოპერაციასთან დაკავშირებული მედიკამენტოზური მკურნალობის ხარჯები“;

ბ) დადგენილებით  დამტკიცებული წესის მე-2 მუხლის მე-3 პუნქტის „ვ“ ქვეპუნქტი ჩამოყალიბდეს შემდეგი სახით:

„ვ) ინფორმაცია საქართველოს შრომის, ჯანმრთელობისა და სოციალური დაცვის სამინისტროდან, სადაზღვევო კომპანიიდან ან სამედიცინო დაწესებულებიდან დაფინანსების თაობაზე  (ოპერაციის შემთხვევაში);

გ) დადგენილებით  დამტკიცებული წესის მე-5 მუხლის მე-3 პუნქტის „ვ“ ქვეპუნქტი ჩამოყალიბდეს შემდეგი სახით:

„ვ) ინფორმაცია საქართველოს შრომის, ჯანმრთელობისა და სოციალური დაცვის სამინისტროდან, სადაზღვევო კომპანიიდან ან სამედიცინო დაწესებულებიდან დაფინანსების თაობაზე  (გარდა მედიკამენტების ხარჯების ანაზღაურების შემთხვევისა);“;

დ) დადგენილებით  დამტკიცებული წესის მე-13 მუხლი  ჩამოყალიბდეს შემდეგი რედაქციით:

„1. ერთჯერად დახმარებას მიიღებენ იძულებით გადაადგილებული ოჯახები, რომლებიც რეგისტრირებულნი არიან აჟარის (ზემო აფხაზეთის) მუნიციპალიტეტში და ჰყავთ 1999-2016 წლებში დაბადებული ბავშვები.  1 ან 2 ბავშვის შემთხვევაში – 1 სასაქონლო პაკეტს, 3 ან 4 ბავშვის შემთხვევაში – 2 სასაქონლო პაკეტს, ხოლო 5 ან მეტი ბავშვის შემთხვევაში – 3  სასაქონლო პაკეტს.  

2. დახმარება გაეწევათ საახალწლოდ, სოციალური  დახმარების გაცემის სამუშაო ჯგუფის მიერ მოძიებული მონაცემების შესაბამისად.

3. თითოეული პაკეტის ღირებულება განისაზღვროს არაუმეტეს 70 ლარისა.

4. დახმარების გადაცემა მოხდება მიღება-ჩაბარების  აქტის გაფორმებით.“.