„წალკის მუნიციპალიტეტის მოსახლეობის სოციალური უზრუნველყოფის მუნიციპალური პროგრამის დამტკიცების შესახებ“ წალკის მუნიციპალიტეტის საკრებულოს 2016 წლის 1 თებერვლის №4 დადგენილებით დამტკიცებულ „წალკის მუნიციპალიტეტის მოსახლეობის სოციალური უზრუნველყოფის მუნიციპალურ პროგრამაში“ ცვლილების შეტანის შესახებ

1. მეორე მუხლის პირველი პუნქტის „ვ“ ქვეპუნქტი ჩამოყალიბდეს შემდეგი რედაქციით:

„ვ) სტიქიური მოვლენების ან/და ხანძრის შედეგად უსახლკაროდ ან/და მძიმე საცხოვრებელ პირობებში დარჩენილი ოჯახებისადმი ერთჯერადი დახმარება;“.

2. მეორე მუხლის პირველი პუნქტის „ზ“ ქვეპუნქტი ჩამოყალიბდეს შემდეგი რედაქციით:

„ზ) მძიმე საცხოვრებელ პირობებში დარჩენილი სოციალურად დაუცველი და უკიდურესად გაჭირვებული (სარეიტინგო ქულით 150000-მდე) ოჯახებისადმი ერთჯერადი დახმარება;“.

3. მე-9 მუხლი ჩამოყალიბდეს შემდეგი რედაქციით:

„მუხლი 9. სტიქიური მოვლენების ან/და ხანძრის შედეგად უსახლკაროდ ან/და მძიმე საცხოვრებელ პირობებში დარჩენილი ოჯახებისადმი ერთჯერადი დახმარება.

1. სტიქიური მოვლენების ან/და ხანძრის შედეგად უსახლკაროდ  დარჩენილი ოჯახებისადმი ერთჯერადი დახმარება განისაზღვროს არაუმეტეს 5000 (ხუთი ათასი) ლარისა.

2. წალკის მუნიციპალიტეტის გამგეობაში წარმოსადგენი დოკუმენტაცია:

ა) წერილობითი განცხადება;

ბ) განმცხადებლის პირადობის მოწმობის ასლი (ID ბარათის წარმოდგენის შემთხვევაში – საინფორმაციო ბარათი);

გ) ცნობა ადმინისტრაციული ერთეულიდან ფაქტობრივი საცხოვრებელი ადგილის შესახებ;

დ) გამგეობის შესაბამისი სამსახურის ან კომისიის დასკვნა საცხოვრებელი პირობების მდგომარეობის შესახებ;

ე) ცნობა სახანძრო-სამაშველო სამსახურიდან  (ხანძრის შემთხვევაში);

ვ) ცნობა მეტეოროლოგიური ბიუროდან სტიქიური მოვლენის შესახებ;     

ზ) ამონაწერი უძრავი ქონების რეესტრიდან;

თ) საბანკო ანგარიშის ნომერი.

 3. სტიქიური მოვლენების ან/და ხანძრის შედეგად მძიმე საცხოვრებელ პირობებში დარჩენილი ოჯახებისადმი ერთჯერადი დახმარება განისაზღვროს არაუმეტეს 2000 (ორიათასი) ლარისა.

 4. წალკის მუნიციპალიტეტის გამგეობაში წარმოსადგენი დოკუმენტაცია:

ა) წერილობითი განცხადება;

ბ) განმცხადებლის პირადობის მოწმობის ასლი (ID ბარათის წარმოდგენის შემთხვევაში – საინფორმაციო ბარათი);

გ) ცნობა ადმინისტრაციული ერთეულიდან ფაქტობრივი საცხოვრებელი ადგილის შესახებ;

დ) გამგეობის შესაბამისი სამსახურის ან კომისიის დასკვნა საცხოვრებელი პირობების მდგომარეობის შესახებ;

ე) ცნობა სახანძრო-სამაშველო სამსახურიდან  ( ხანძრის შემთხვევაში);

ვ) ცნობა მეტეოროლოგიური ბიუროდან სტიქიური მოვლენის შესახებ;

 ზ) საბანკო ანგარიშის ნომერი.

4. მე-10 მუხლის პირველი პუნქტი ჩამოყალიბდეს შემდეგი რედაქციით:

„1. საცხოვრებელი სახლის სიძველის გამო მძიმე საცხოვრებელ პირობებში დარჩენილი სოციალურად დაუცველი და უკიდურესად გაჭირვებული  ოჯახებისადმი (რომელთაც აქვთ 150 000-მდე სარეიტინგო ქულა) საცხოვრებელი სახლის სახურავის შესაკეთებლად  ერთჯერადი დახმარება განისაზღვროს არაუმეტეს 2000 (ორი ათასი) ლარისა;“

5. მე-12 მუხლის პირველი პუნქტი ჩამოყალიბდეს შემდეგი რედაქციით:

„1. მარჩენალდაკარგულ ოჯახებზე სოციალური დახმარება გაიცემა ერთჯერადად – 200 (ორასი) ლარის ოდენობით.“.

6. მე-13 მუხლის პირველი პუნქტის „ბ“ ქვეპუნქტი ჩამოყალიბდეს შემდეგი რედაქციით:

„ბ) წალკის მუნიციპალიტეტში რეგისტრირებული სოციალურად დაუცველი პირების (სარეიტინგო ქულით 150000-მდე)  დაკრძალვის ხარჯებისათვის  ოჯახის სრულწლოვან წევრზე გაიცემა ერთჯერადი სოციალური დახმარება 500 (ხუთასი) ლარის ოდენობით;“.