„ქალაქ რუსთავის მუნიციპალიტეტის მერიის საფინანსო-საბიუჯეტო სამსახურის დებულების დამტკიცების შესახებ“ ქალაქ რუსთავის მუნიციპალიტეტის საკრებულოს 2014 წლის 22 ოქტომბრის №29 დადგენილებაში ცვლილების შეტანის თაობაზე

ა)   მე-2 მუხლის პირველ პუნქტს დაემატოს შემდეგი შინაარსის „ყ“ ქვეპუნქტი:

„ყ) მერიის სტრუქტურული ერთეულების მატერიალურ-ტექნიკური საშუალებებით აღჭურვა და სამსახურის ფუნქციონირებისათვის საჭირო შესყიდვების დაგეგმვასთან დაკავშირებული წინადადებების მომზადება.“;

ბ) მე-3 მუხლის პირველ პუნქტს დაემატოს შემდეგი შინაარსის „დ“ ქვეპუნქტი:

„დ) მატერიალური უზუნველყოფის განყოფილება.“;

გ) მე-3 მუხლის დაემატოს შემდეგი შინაარსის მე-6 პუნქტი:

„6. მატერიალური უზუნველყოფის განყოფილების ფუნქციებია: 

ა)  მერიის სტრუქტურული ერთეულებისა და მერის წარმომადგენელების მატერიალურ-ტექნიკური საშუალებებით აღჭურვა და სამსახურების ფუნქციონირებისათვის საჭირო შესყიდვების დაგეგმვასთან დაკავშირებული წინადადებების მომზადება;

ბ) მერიის ბიუჯეტისა და შესყიდვების გეგმის დამტკიცების შემდეგ გამოცხადებელ ტენდერებსა და გასაფორმებელ ხელშეკრულებებთან დაკავშირებით შესაბამისი დოკუმენტაციის მომზადება;

გ) დამტკიცებულ ხარჯთაღრიცხვის ადმინისტრაციულ ნაწილში წლის განმავლობაში შესატან  ცვლილებებთან დაკავშირებით შესაბამისი დოკუმენტაციის მომზადება;

დ) საკრებულოს განკარგულებისა და მერის ბრძანების საფუძველზე, ტენდერში გამარჯვებული ორგანიზაციის პროგრამაში ეტაპობრივად  საწვავის ლიმიტის ცვლილების განხორციელება სამსახურებრივი საჭიროებისათვის გამოყენებულ საკუთარ ავტომანქანებზე;

ე)  მერის ბრძანების საფუძველზე ტენდერში გამარჯვებული ორგანიზაციის პროგრამაში კორპორატიული ტელეფონების მომსახურების კონტროლი და ცვლილებების შესატანად საჭირო დოკუმენტაციების მომზადება;

ვ)  მერიის სტრუქტურულ  ერთეულებში ბიუჯეტიდან დაფინანსებული ადმინისტრაციული ხარჯების დამადასტურებელი დოკუმენტაციის (მიღება-ჩაბარების აქტები) მომზადება და სხვა კანონით განსაზღვრული დოკუმენტაციის (ანგარიშფაქტურის, სასაქონლო ზედნადების და სხვა) შეგროვება და შესაბამისი ღონისძიებების გატარება;

ზ) დამტკიცებული ბიუჯეტისა და გაფორმებული ხელშეკრულების ხარჯვის კონტროლი.“.