„საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა სამინისტროს იურიდიული დეპარტამენტის დებულების დამტკიცების შესახებ” საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრის 2010 წლის 3 ივნისის N45 ბრძანებაში ცვლილების შეტანის თაობაზე

საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრის

2016 წლის 14 დეკემბერი

ქ. თბილისი

1. დებულების მე-2 მუხლის პირველი პუნქტის:

ა) „ზ“ ქვეპუნქტში შეტანილ იქნეს ცვლილება და ჩამოყალიბდეს შემდეგი რედაქციით:

„ზ) სხვა სახელმწიფო ორგანოებიდან შემოსული, ასევე სამინისტროს სტრუქტურული ქვედანაყოფების მიერ მომზადებული ნორმატიული აქტების, სხვადასხვა პროგრამებისა და ხელშეკრულებების პროექტებზე სამართლებრივი ხასიათის დასკვნების, შენიშვნებისა და წინადადებების მომზადება;“;

ბ) „ნ“ ქვეპუნქტში შეტანილ იქნეს ცვლილება და ჩამოყალიბდეს შემდეგი რედაქციით:

„ნ) სამინისტროს კომპეტენციას მიკუთვნებულ საკითხებთან დაკავშირებით ადმინისტრაციული საჩივრებისა და სასამართლო დავების შესახებ საინფორმაციო მონაცემთა ბაზის წარმოება, რომლის ადმინისტრირებაც ხორციელდება მინისტრის ინდივიდუალური ადმინისტრაციულ-სამართლებრივი აქტის შესაბამისად;“.

2. დებულების მე-4 მუხლის:

ა) მე-4 პუნქტს დაემატოს შემდეგი შინაარსის „ვ“ ქვეპუნქტი:

„ვ) აწარმოებს სასამართლო დავების შესახებ საინფორმაციო მონაცემთა ბაზას.“;

ბ) მე-5 პუნქტის „ვ“ქვეპუნქტში შეტანილ იქნეს ცვლილება და ჩამოყალიბდეს შემდეგი რედაქციით:

„ვ) ამზადებს სხვა სახელმწიფო ორგანოებიდან შემოსული, ასევე სამინისტროს სტრუქტურული ქვედანაყოფების მიერ მომზადებული ნორმატიული აქტების, სხვადასხვა პროგრამებისა და ხელშეკრულებების პროექტებზე სამართლებრივი ხასიათის დასკვნებს, შენიშვნებსა და წინადადებებს;“;

გ) მე-5 პუნქტს დაემატოს შემდეგი შინაარსის „კ“ ქვეპუნქტი:

„კ) აწარმოებს ადმინისტრაციული საჩივრების შესახებ საინფორმაციო მონაცემთა ბაზას.“.