„საქართველოს თავდაცვის სამინისტროს სამხედრო მოსამსახურეთა, სახელმწიფო სპეციალური წოდების მქონე და სამოქალაქო პირთა შრომის ანაზღაურების, სოციალური დაცვისა და მატერიალური უზრუნველყოფის შესახებ“ საქართველოს თავდაცვის მინისტრის 2007 წლის 26 სექტემბრის №560 ბრძანებაში ცვლილების შეტანის თაობაზე

საქართველოს თავდაცვის მინისტრის

2016 წლის 19 დეკემბერი

ქ. თბილისი

ვბრძანებ:

1. ბრძანების 19² -19⁴ პუნქტები ჩამოყალიბდეს შემდეგი რედაქციით:

„19². საქართველოს თავდაცვის სამინისტროს სამხედრო მოსამსახურეებს და სამოქალაქო პირებს, რომლებიც „პრაქტიკულ ფრენებზე დაშვებისათვის ყოველწლიური შემოწმების შედეგების საფუძველზე“ საქართველოს თავდაცვის მინისტრის ინდივიდუალური ადმინისტრაციულ-სამართლებრივი აქტით განისაზღვრებიან  ეკიპაჟების მეთაურებად ან მეორე მფრინავებად და ახორციელებენ პრაქტიკულ ფრენებს საჰაერო ხომალდზე ეძლევათ ყოველთვიური პროცენტული დანამატი შემდეგი ოდენობით:

ა) თვითმფრინავებისა და შვეულმფრენების ეკიპაჟების მეთაურებს – წოდებრივი/თანამდებობრივი სარგოს 70%-ის ოდენობით;

ბ) თვითმფრინავებისა და შვეულმფრენების მეორე მფრინავებს  –  წოდებრივი/თანამდებობრივი სარგოს 50%-ის ოდენობით.

19³. საქართველოს თავდაცვის სამინისტროს სამხედრო მოსამსახურეებს და სამოქალაქო პირებს, რომლებიც ახორციელებენ პრაქტიკულ ფრენებს საჰაერო ხომალდზე, საქართველოს თავდაცვის მინისტრის ინდივიდუალური ადმინისტრაციულ-სამართლებრივი აქტის საფუძველზე ეძლევათ ყოველთვიური პროცენტული დანამატი შემდეგი წესით:

ა) თვითმფრინავებისა და შვეულმფრენების შტურმანებს  –  წოდებრივი/თანამდებობრივი სარგოს 50%-ის ოდენობით;

ბ) თვითმფრინავებისა და შვეულმფრენების ბორტინჟინრებს (ბორტტექნიკოსებს, ბორტმექანიკოსებს)  –  წოდებრივი/თანამდებობრივი სარგოს 30 %-ს ოდენობით.

19⁴. საქართველოს თავდაცვის სამინისტროს სამხედრო მოსამსახურეებს და სამოქალაქო პირებს, რომლებიც არიან  თვითმფრინავების, შვეულმფრენების ინჟინრები და ტექნიკოსები, საქართველოს თავდაცვის მინისტრის ინდივიდუალური ადმინისტრაციულ-სამართლებრივი აქტის საფუძველზე ეძლევათ ყოველთვიური პროცენტული დანამატი  –  წოდებრივი/თანამდებობრივი სარგოს 5%-ის ოდენობით.”.

2. ბრძანებას დაემატოს 26¹ -26³  პუნქტები შემდეგი რედაქციით:

„26¹. კადრების განკარგულებაში გაყვანილ სამხედრო მოსამსახურეებს, პირადი  სურვილის საფუძველზე, საქართველოს თავდაცვის სამინისტროსთან შეთანხმებით სამხედრო სამსახურიდან დათხოვნის შემთხვევაში, მიეცემათ ერთჯერადი გასასვლელი დახმარება შემდეგი ოდენობით:

ა) პოლკოვნიკს – 29 000 ლარი;

ბ) ვიცე-პოლკოვნიკს – 23 000 ლარი;

გ) მაიორს – 18 000 ლარი;

დ) კაპიტანს – 14 000 ლარი;

ე) უფროს ლეიტენანტს, ლეიტენანტს – 10 000 ლარი.

26². სამხედრო მოსამსახურეებს, გარდა 26¹ პუნქტით გათვალისწინებული პირებისა, პირადი სურვილის საფუძველზე, საქართველოს თავდაცვის სამინისტროსთან შეთანხმებით სამხედრო სამსახურიდან დათხოვნის შემთხვევაში, მიეცემათ ერთჯერადი გასასვლელი დახმარება შემდეგი ოდენობით:

ა) პოლკოვნიკს  – 29 000 ლარი;

ბ) ვიცე-პოლკოვნიკს – 23 000 ლარი;

გ) მაიორს – 18 000 ლარი;

დ) კაპიტანს – 14 000 ლარი;

ე) უფროს ლეიტენანტს, ლეიტენანტს – 10 000 ლარი.

26³. 26¹ და 26²  პუნქტების მოქმედება ძალაშია 2017 წლის 15 იანვრამდე.“.