,,საქართველოს სახელმწიფო უშიშროების სამინიდსტროს დებულების დამტკიცების შესახებ`` საქართველოს პრეზიდენტის 2004 წლის 1 მარტის №74 ბრძანებულებით დამტკიცებულ საქართველოს სახელმწიფო უშიშროების სამინისტროს დებულებაში ცვლილებებეის შეტანის თაობაზე``

საქართველოს პრეზიდენტის

ბრძანებულება №127

2004 წლის 20 აპრილი

ქ. თბილისი

„საქართველოს სახელმწიფო უშიშროების სამინისტროს დებულების დამტკიცების შესახებ“ საქართველოს პრეზიდენტის 2004 წლის 1 მარტის №74 ბრძანებულებით დამტკიცებულ საქართველოს სახელმწიფო უშიშროების სამინისტროს დებულებაში ცვლილებების შეტანის თაობაზე

„საქართველოს სახელმწიფო უშიშროების სამინისტროს დებულების დამტკიცების შესახებ“ საქართველოს პრეზიდენტის 2004 წლის 1 მარტის №74 ბრძანებულებით დამტკიცებულ საქართველოს სახელმწიფო უშიშროების სამინისტროს დებულებაში (სსმ III, 2004 წლის 1 მარტი, №22, მუხ. 207) შეტანილ იქნეს შემდეგი ცვლილებები:

1. მე-18 პუნქტი ჩამოყალიბდეს შემდეგი რედაქციით:

„18. სამინისტროს სტრუქტურული ქვედანაყოფებია:

ა) კონტრდაზვერვის დეპარტამენტი;

ბ) კონტრტერორისტული დეპარტამენტი;

გ) საგამოძიებო დეპარტამენტი;

დ) კონსტიტუციური წყობილების დაცვის დეპარტამენტი;

ე) სამხედრო კონტრდაზვერვის დეპარტამენტი;

ვ) სამინისტროს ადმინისტრაცია (დეპარტამენტი);

ზ) ოპერატიულ-ტექნიკური დეპარტამენტი;

თ) ორგანიზაციული უზრუნველყოფის დეპარტამენტი;

ი) ინსპექტირებისა და საკუთარი უშიშროების დეპარტამენტი;

კ) ანალიტიკური დეპარტამენტი;

ლ) სპეციალური ოპერაციების ცენტრი (მთავარი სამმართველო);

მ) რადიოკონტრდაზვერვის ცენტრი (მთავარი სამმართველო).“.

2. 21-ე პუნქტის:

ა) „ა“ ქვეპუნქტი ჩამოყალიბდეს შემდეგი რედაქციით:

„ა) კონტრდაზვერვის დეპარტამენტი ახორციელებს კონტრ­დაზვერ­ვით საქმიანობას საქართველოს წინააღმდეგ მიმართული უცხოეთის წარმომადგენლობებისა და ორგანიზაციების საფარქვეშ მოქმედი სადაზვერვო საქმიანობის თავიდან აცილებისა და აღკვეთის მიზნით;“;           

 ბ) „ბ“ ქვეპუნქტი ჩამოყალიბდეს შემდეგი რედაქციით:

„ბ) კონტრტერორისტული დეპარტამენტის ძირითადი ამოცანაა ტერორიზმის, უკანონო შეიარაღებული ფორმირებების, საერთაშორისო ნარკობიზნესის, იარაღით, კერძოდ, მასობრივი განადგურების იარაღითა და მისი კომპონენტებით უკანონო ვაჭრობის წინააღმდეგ ბრძოლა, თავისი კომპეტენციის ფარგლებში საზოგადოებრივი უშიშ­რო­ებისა და წესრიგის წინააღმდეგ მიმართულ ცალკეულ დანაშაულთა გამოვლენა, თავიდან აცილება და აღკვეთა; კანონმდებლობით დადგე­ნილი წესით გარე მეთვალყურეობის, პიროვნების იდენტიფიკაციისა და ძებნის ფუნქციის განხორციელება;“;

გ) ამოღებულ იქნეს „ლ“ ქვეპუნქტი.

მ. სააკაშვილი