„საქართველოს სასჯელაღსრულებისა და პრობაციის სამინისტროს პენიტენციურ დეპარტამენტში წვევამდელთა ჩარიცხვისა და სამხედრო სამსახურის გავლის წესის დამტკიცების შესახებ“ საქართველოს სასჯელაღსრულების, პრობაციისა და იურიდიული დახმარების საკითხთა მინისტრის 2013 წლის 1 მარტის №46 ბრძანებაში ცვლილების შეტანის თაობაზე

1. 35-ე მუხლის პირველი პუნქტის შემდეგ დაემატოს შემდეგი შინაარსის 1¹ ქვეპუნქტი: 

„1¹. მინისტრის გადაწყვეტილებით, სამხედრო სავალდებულო მოსამსახურის მიმართ სამსახურებრივი შემოწმება შეიძლება აწარმოოს სამინისტროს გენერალურმა ინსპექციამ, „საქართველოს სასჯელაღსრულებისა და პრობაციის სამინისტროს გენერალური ინსპექციის დებულების დამტკიცების შესახებ“ საქართველოს სასჯელაღსრულებისა და პრობაციის მინისტრის 2015 წლის 25 ივნისის №55 ბრძანებით დადგენილი წესის შესაბამისად.“.

2. მე-40 მუხლი ჩამოყალიბდეს შემდეგი რედაქციით: 

„მუხლი 40. დისციპლინური პასუხისმგებლობის ზომის დადების ვადები

1. დისციპლინური პასუხისმგებლობის ზომა დადებულi უნდა იქნეს არაუგვიანეს 30 კალენდარული დღისა იმ დღიდან, როდესაც გადაცდომის შესახებ ცნობილი გახდა დეპარტამენტისათვის. აღნიშნული ვადა შეიძლება გაგრძელდეს დეპარტამენტის დირექტორის მიერ, მაგრამ არაუმეტეს 30 კალენდარული დღისა.

2. ამ მუხლის პირველი პუნქტით გათვალისწინებული ვადა არ ვრცელდება ამ წესის 35-ე მუხლის 1¹ პუნქტის საფუძველზე ჩატარებულ სამსახურებრივ შემოწმებაზე.“.