2017 წლისათვის ზუგდიდის მუნიციპალიტეტის ტერიტორიაზე რეგისტრირებული (ადგილობრივი და დევნილი) პირთა სამედიცინო მომსახურეობა და ძვირადღირებული მედიკამენტებით დაფინანსების პროგრამის დამტკიცების თაობაზე

2017 წლისათვის ზუგდიდის მუნიციპალიტეტის ტერიტორიაზე რეგისტრირებული (ადგილობრივი და დევნილი) პირთა სამედიცინო მომსახურეობა და ძვირადღირებული მედიკამენტებით დაფინანსების პროგრამის დამტკიცების თაობაზე ზუგდიდის მუნიციპალიტეტის საკრებულოს დადგენილება №6   2017 წლის 17 იანვარი ქ. ზუგდიდი 2017 წლისათვის ზუგდიდის მუნიციპალიტეტის ტერიტორიაზე რეგისტრირებული (ადგილობრივი და დევნილი) პირთა სამედიცინო მომსახურება და ძვირადღირებული მედიკამენტებით დაფინანსების პროგრამის დამტკიცების თაობაზე საქართველოს  ორგანული კანონის ,,ადგილობრივი თვითმმართველობის  კოდექსი’’ მე-16 მუხლის  მე-3 და მე-4 პუნქტების  და  61-ე  მუხლის  1-ლი და მე-2  პუნქტების შესაბამისად,ზუგდიდის მუნიციპალიტეტის საკრებულო ადგენს: მუხლი 1🔗 დამტკიცდეს  2017 წლისათვის ზუგდიდის  მუნიციპალიტეტის ტერიტორიაზე რეგისტრირებულ (ადგილობრივი და დევნილი) პირთა სამედიცინო მომსახურება და ძვირადღირებული მედიკამენტებით დაფინანსების პროგრამა (შემდგომში – ,,პროგრამა“), რომლის მიზანია დამტკიცდეს 2017 წლისათვის ზუგდიდის მუნიციპალიტეტის ტერიტორიაზე ზუგდიდის მუნიციპალიტეტის მოსახლეობის ჯანმრთელობის მდგომარეობის გაუმჯობესება ფინანსური ხელმისაწვდომობის გაზრდის გზით. მუხლი 2🔗 პროგრამა ვრცელდება წელიწადში ერთხელ ზუგდიდის მუნიციპალიტეტის ტერიტორიაზე რეგისტრირებულ ადგილობრივ და დევნილ მოქალაქეებზე  (შემდგომში – ,,ბენეფიციარი“). მუხლი 3🔗 სამედიცინო მომსახურება და ძვირადღირებული მედიკამენტებით დაფინანსების პროგრამა განისაზღვროს  ქვემოთ ჩამოთვლილთაგან ერთ-ერთი სამედიცინო მომსახურეობას წელიწადში ერთხელ: ა) კომპიუტერული და მაგნიტურ-რეზონანსული ტომოგრაფია, კორონაროგრაფია – ლიმიტი 500 (ხუთასი ) ლარი; ა.ა) სოციალურად დაუცველი პირები (სარეიტინგო ქულა 65 000-ზე ნაკლები) – 100 %; ა.ბ) 0-18 წლამდე ასაკის ბავშვები  – 100%; ა.გ) ონკოლოგიური ავადყოფები – 100%; ა.დ) შეზღუდული შესაძლებლობის მქონე (შემდგომში – შშმ) პირები – 100%;   ა.ე) ყველა სხვა მოსარგებლესთვის – 50%. ბ)  ძვირადღირებული მედიკამენტები, რომელთა ღირებულება აღემატება 50 ლარს – მაქსიმალური ლიმიტი – 500 (ხუთასი ) ლარი; მოსარგებლეები: ბ.ა) სოციალურად დაუცველი პირები (სარეიტინგო ქულა 65 000-ზე ნაკლები); ბ.ბ) შეზღუდული შესაძლებლობის მქონე (შემდგომში – შშმ) პირები – 100 %; ბ.გ) ონკოლოგიური ავადყოფები – 100 %; ბ.დ) 0-18 წლამდე ასაკის ბავშვები – 100 %; ბ.ე) ქრონიკული დაავადებების მქონე პირები (ბრონქიალური ასთმა, ფილტვის ქრონიკული ობსტრუქციული დაავადება, შაქრიანი დიაბეტი, გლაუკომა, გულის იშემიური დაავადება, ეპილეფსია, პარკინსონი) – 50 %; გ) მედიკამენტების დაფინანსება ხანდაზმული (ქალები  60 წ.,  მამაკაცები  65 წ.) უმწეო    (სარეიტინგო  ქულა 65000-მდე) პენსიონერებისთვის – მაქსიმალური ლიმიტი 200.00 ლარი; დ) ცერებრალური დამბლითა და დაუნის სინდრომით დაავადებულ 18 წლამდე ბავშვთა სარეაბილიტაციო მკურნალობა – ლიმიტი 500 (ხუთასი) ლარი; ე)  სტაციონარული სამედიცინო მომსახურება: ე.ა) ოპერაციის დაფინანსება  –  ლიმიტი 2000 ლარი; ე.ბ) 500 ლარის ოდენობით  – 100%. 500-დან – 1000 ლარის ოდენობით  – 70%. 1000 ლარზე ზემოთ – 50%; ე.გ.) საყოველთაო და სადაზღვევო პაკეტის არ მქონე – 50%; ე.დ) ჯანდაცვის საყოველთაო პაკეტით გაუთვალისწინებელი – 50%.  ვ) „C” ჰეპატიტის დიაგნოსტიკის თანადაფინანსების ქვეპროგრამა – ,,C” ჰეპატიტის დიაგნოსტიკა იმ პირებისთვის, რომლებიც რეგისტრირებული არიან სოციალურად დაცველი ოჯახების მონაცემთა   ერთიან ბაზაში და რომელთა სარეიტინგო ქულა არ აღემატება 70 000-ს დაფინანსდეს დიაგნოსტიკის დადგენილი ღირებულების 30%-ით. ყველა სხვა მოსარგებლისთვის – 50 %. მაქს. ლიმიტი – 500    (ხუთასი) ლარი; ზ)  ფენილკეტონურიის და ცელიაკიით დაავადებული 0-18 წლამდე ასაკის ბავშვების სპეციალიზებული საკვებით უზრუნველყოფა (ლიმიტი – 500 ლარი თვეში); თ) აუტიზმის სპექტრის დარღვევის მქონე ბავშვთა აბილიტაციის პროგრამა (თანდართული  სახით); ი) ქიმიოთერაპია, რადიოთერაპია, სხივურითერაპიისა და ქორმონოთერაპიის თანადაფინანსება  – ლიმიტი 1000 (ათასი ლარი) მოსარგებლეები: ი.ა) 0-18 წლამდე ბავშვები; ი.ბ) 60 წლის და ზემოთ ასაკის ქალების და 65 წლის და ზემოთ ასაკის მამაკაცების (პენსიონერი); კ)  ნეიოსენსორული ტიპის სმენის დაქვეითება მე-3, მე-4 ხარისხის (H 90.5)  მქონე 0-18 წლამდე სოციალურად დაუცველი ბავშვებისათვის  (სარეიტინგო ქულა 65 000-ზე ნაკლები)  რებილიტაცია და მკურნალობა  – 500 (ხუთასი) ლარი.             მუხლი 4🔗 ბენეფიციარი, თვითონ/ან მისი ოჯახის სრულწლოვანი წევრი პროგრამით გათვალისწინებული დაფინანსების მისაღებად ზუგდიდის მუნიციპალიტეტის გამგეობაში წარმოადგენს: ა) განცხადებას; ბ) განმცხადებლის პირადობის მოწმობის, დევნილის მოწმობის ქსეროასლს და რეგისტრაციის ბარათი; გ) სამედიცინო დაწესებულების მიერ გაცემულ სამედიცინო დოკუმენტაციას ფორმა №100-ს; დ) ანგარიშფაქტურას; ე) სოციალურად დაუცველის დამადასტურებელ მოწობას; ვ) შეზღუდული შესაძლებლობის სტატუსის დამადასტურებელი მოწმობა;                             ზ) საყოველთაო ან/ სადაზღვევო დაფინანსების ფურცელს;                         თ) ადმინისტრაციული ერთეულში გამგებლის წარმომადგენლის შუამდგომლობა. მუხლი 5🔗 ამ დადგენილების  საფუძველზე შეიქმნას კომისია, რომელიც კვირაში ერთხელ და გადაუდებელი შემთხვევის დროს რიგგარეშე იხილავს  ბენეფიციართა განცხადებებს. მუხლი 6🔗 სამედიცინო დაწესებულების მიერ წარმოდგენილი ანგარიშფაქტურისა და ბენეფიციარის მიერ წარმოდგენილი დოკუმენტაციის შესაბამისად, კომისიის მიერ ამ პროგრამის მე-3 მუხლის შესაბამისად, თითოეულ ბენეფიციარზე განისაზღვრება დაფინანსების ოდენობა. მუხლი 7🔗 კომისიის დასკვნა (რეკომენდაცია) წარედგინება გამგებელს, რის საფუძველზეც გამგებლის მიერ ბენეფიციარზე გაიცემა საგარანტიო წერილი სამედიცინო დაწესებულებაში წარსადგენად. მუხლი 8🔗 საგარანტიო წერილის „C” ჰეპატიტის დიაგნოსტიკის თანადაფინანსების ქვეპროგრამის მოქმედების ვადა განისაზღვროს 60 დღით. ქიმიოთერაპია, რადიოთერაპია, სხივური თერაპიისა და ქორმონოთერაპიის  ვადა განისაზღვროს 70 დღით, ხოლო დანარჩენ სხვა სამედიცინო მომსახურებაზე 45 დღით. მუხლი 9🔗 ბენეფიციარი და სამედიცინო დაწესებულება ვალდებულია ზუგდიდის მუნიციპალიტეტის გამგეობაში წარმოადგინოს ფინანსური დოკუმენტი, რომლითაც დასტურდება პაციენტის მიმართ გაწეული სამედიცინო მომსახურება.  აღნიშნული დოკუმენტის საფუძველზე ზუგდიდის მუნიციპალიტეტის მიერ განხორციელდება სამედიცინო მომსახურების ღირებულების დაფინანსება შესაბამის სამედიცინო დაწესებულების საბანკო ანგარიშზე თანხის გადარიცხვის გზით. მუხლი 10🔗 წარმოდგენილი ინფორმაციის სიზუსტეზე პასუხს აგებს დოკუმენტის გამცემი სამედიცინო დაწესებულება. მუხლი 11🔗 დადგენილება ძალაშია გამოქვეყნებისთანავე  და მისი მოქმედება გავრცელდეს 2017 წლის 17 იანვრიდან წარმოშობილ  სამართლებრივ  ურთიერთობებზე. ზუგდიდის მუნიციპალიტეტის საკრებულოს თავმჯდომარემაიზერ ნანავა