ქალაქ რუსთავის მუნიციპალიტეტში სათამაშო ბიზნესის მოსაკრებლის შემოღების შესახებ

ქალაქ რუსთავის მუნიციპალიტეტში სათამაშო ბიზნესის მოსაკრებლის შემოღების შესახებ   ქალაქ რუსთავის მუნიციპალიტეტის საკრებულოს დადგენილება №184 2017 წლის 25 იანვარი ქ. რუსთავი ქალაქ რუსთავის მუნიციპალიტეტში სათამაშო ბიზნესის მოსაკრებლის შემოღების შესახებ საქართველოს ორგანული კანონის „ადგილობრივი თვითმმართველობის კოდექსი“ მე-16 მუხლის  მე-2 ნაწილის „დ“ პუნქტის,  24-ე მუხლის პირველი ნაწილის „დ“ პუნქტის „დ.ბ“ ქვეპუნქტის, 54-ე მუხლის პირველი ნაწილის „გ“ პუნქტის „გ.დ“ ქვეპუნქტის, 61-ე მუხლის მე-2 ნაწილის,  93-ე მუხლის მე-2 ნაწილის, საქართველოს კანონის „სათამაშო ბიზნესის მოსაკრებლის შესახებ”, საქართველოს კანონის „ადგილობრივი მოსაკრებლების შესახებ“ მე-3 მუხლის პირველი და მე-5 პუნქტების და მე-5 მუხლის მე-4 პუნქტის, საქართველოს კანონის „ლატარიების, აზარტული და მომგებიანი თამაშობების მოწყობის შესახებ“, საქართველოს კანონის „ნორმატიული აქტების შესახებ“ 25-ე მუხლის საფუძველზე, ქალაქ რუსთავის მუნიციპალიტეტის საკრებულო ადგენს: მუხლი 1🔗 შემოღებულ იქნეს ქალაქ რუსთავის მუნიციპალიტეტში სათამაშო ბიზნესის მოსაკრებელი და დადგინდეს მისი  განაკვეთები  სახეობების მიხედვით, შემდეგი ოდენობით: ა)   თითოეულ სამორინეს მაგიდაზე     –   35 000 ლარი კვარტალში; ბ)   თითოეულ სათამაშო აპარატზე        –   3 000 ლარი კვარტალში; გ)   თითოეულ წამახალისებელ გათამაშებაზე – საპრიზო ფონდის 10%; დ)  სისტემურ – ელექტრონული    ფორმით    მოწყობილ     თამაშობაზე    250 000    ლარი  კვარტალში;   ე)   ლატარიების მოწყობაზე - ლატარიის ბილეთების რეალიზაციიდან მიღებული ამონაგების – 10%.; ვ)   აზარტული ან/და მომგებიანი თამაშობის მოწყობის ნებართვით ორგანიზებული ობიექტის გარეთ განთავსებული, სისტემურ-ელექტრონული ფორმით მოწყობილი აზარტული ან/და მომგებიანი თამაშობის თითოეულ სალაროზე   –   10 000 ლარი კვარტალში; ზ)  თითოეულ  კლუბის მაგიდაზე  –   9 000 ლარი კვარტალში. მუხლი 2🔗 ძალადაკარგულად გამოცხადდეს „თვითმმართველ ქალაქ რუსთავში სათამაშო  ბიზნესის მოსაკრებლის განაკვეთების დამტკიცების შესახებ“ თვითმმართველი ქალაქი რუსთავის საკრებულოს 2009  წლის  31 მარტის  №229 დადგენილება (საქართველოს იუსტიციის სამინისტრო, სახელმწიფო რეგისტრაციის კოდი №21002001035160005881; თარიღი: 07.04.2009წ.). მუხლი 3🔗 დადგენილება ამოქმედდეს გამოქვეყნებისთანავე.ქალაქ რუსთავის მუნიციპალიტეტის საკრებულოს თავმჯდომარედავით მაღლაკელიძე