,,მესტიის მუნიციპალიტეტის გამგეობის დებულების დამტკიცების შესახებ“ მესტიის მუნიციპალიტეტის საკრებულოს 2014 წლის 10 სექტემბრის №17 დადგენილებაში ცვლილების შეტანის თაობაზე

ა) „ადმინისტრაციული სამსახური შედგება ექვსი განყოფილებისაგან: საქმისწარმოების, ადამიანური რესურსების მართვის, იურიდიული, წარმომადგენელთა კოორდინაციის, ინფორმაციული უზრუნველყოფისა და საზოგადოებასთან ურთიერთობის განყოფილებებისგან, რომელთა ძირითადი ფუნქციებია გამგეობისა და მისი სამსახურების მუშაობის კოორდინაცია, მათი საქმიანობის სამართლებრივი გამართულობის უზრუნველყოფა, ადამიანური რესურსების მართვა და საკადრო საკითხთა ადმინისტრაციული ზედამხედველობა, კანონმდებლობით დადგენილი საქმისწარმოების ნორმების უზრუნველყოფა ორგანიზაციაში, გამგეობის თანამდებობის პირებისა და გამგეობის სამსახურების საზოგადოებასთან ურთიერთობის უზრუნველყოფა, მუნიციპალიტეტის ადმინისტრაციულ ერთეულებში გამგებლის წარმომადგენელთა მუშაობის კოორდინაცია;“.

ბ) „საფინანსო-საბიუჯეტო სამსახური შედგება ოთხი განყოფილებისაგან: ბუღალტრული აღრიცხვის, ანგარიშგებისა და ბიუჯეტის შესრულებაზე კონტროლის, ბიუჯეტის დაგეგმვისა და ფორმირების, სახაზინო მომსახურების, შემოსავლების ანალიზის და კონტროლის, მატერიალურ-ტექნიკური უზრუნველყოფის განყოფილებებისაგან, რომელთა ძირითადი ფუნქციებია: მუნიციპალიტეტის ყოველწლიური ბიუჯეტის პროექტის მომზადება, მუნიციპალური პროგრამების საფინანსო ანგარიშგება-დასაბუთება, ბიუჯეტის შესრულების მიმდინარეობისა და  საბიუჯეტო სახსრების ხარჯვის ეფექტიანი  და მიზნობრივი გამოყენების კონტროლი, ადგილობრივი თვითმმართველობის საკანონმდებლო და აღმასრულებელი ორგანოების მუშაობისთვის აუცილებელი მატერიალურ-ტექნიკური საშუალებებით უზრუნველყოფა, გამგეობაში მომზადებული საფინანსო დოკუმენტების ვიზირება,  ბიუჯეტის შესრულების შესახებ ანგარიშგება კანონმდებლობით განსაზღვრული უფლებამისილი პირებისა და სახელმწიფო ინსტიტუციების წინაშე;“.