„ბოლნისის მუნიციპალიტეტის 2017 წლის ადგილობრივი ბიუჯეტიდან სოციალური დახმარების გაცემისა და მიღების წესის დამტკიცების შესახებ“ ბოლნისის მუნიციპალიტეტის საკრებულოს 2017 წლის 16 იანვრის №2 დადგენილებაში ცვლილების შეტანის შესახებ

1. დადგენილებით  დამტკიცებული  დანართი  №1-ის  მეორე  მუხლის  მეორე  პუნქტის  „ბ“ ქვეპუნქტი  ამოღებული იქნეს.

2. დადგენილებით  დამტკიცებული  დანართი  №1-ის  მეორე  მუხლს დაემატოს  მე-2 პრიმა პუნქტი და ჩამოყალიბდეს   შემდეგი   რედაქციით:

„2¹. მედიკამენტური მკურნალობისათვის ერთჯერადად დახმარება, არაუმეტეს 200 ლარისა, გაეწევათ  შემდეგი დაავადებების მქონე  სიღარიბის ზღვარს მიღმა მყოფ მოქალაქეებს, რომელთა სარეიტინგო ქულა არ აღემატება 150 000-ს (მათ შორის მოქალაქეები, რომელთაც 65000-დან 150000-მდე სარეიტინგო ქულა მიენიჭათ 2016-2017წწ. პერიოდში):

ა)  შაქრიანი დიაბეტით დაავადებულ  ბენეფიციარებს;

ბ)   გულ-სისხლძარღვთა  დაავადებების მქონე   ბენეფიციარებს;

გ) პოსტოპერაციული მკურნალობის საჭიროების მქონე ბენეფიციარებს;

დ) მწვავე ანთებითი პროცესებით მიმდინარე დაავადებების მქონე ბენეფიციარებს.“.

3. დადგენილებით  დამტკიცებული  დანართი  №1-ის  მე-6   მუხლის   პირველ  პუნქტს დაემატოს „ე“ ქვეპუნქტი და  ჩამოყალიბდეს   შემდეგი   რედაქციით:

„ე)  სტუდენტებს  იმ  ოჯახებიდან, რომელ ოჯახშიც არის   ორი  ან  მეტი  სტუდენტი.“.

4. დადგენილებით  დამტკიცებული  დანართი  №1-ის  მე-15   მუხლის   მე-4  პუნქტი ჩამოყალიბდეს   შემდეგი   რედაქციით:

„4. სიღარიბის ზღვარს მიღმა მყოფი მოქალაქეებისათვის, რომელთა სარეიტინგო ქულა არ აღემატება 100 000-ს (მათ შორის მოქალაქეები, რომელთაც 65000-დან  100 000-მდე სარეიტინგო ქულა მიენიჭათ 2016-2017წწ. პერიოდში), ერთჯერადი სოციალური (ფულადი) დახმარების ოდენობა განისაზღვრება 200 (ორასი) ლარამდე.“.

5. დადგენილებით  დამტკიცებული  დანართი  №1-ის  მე-17 მუხლის  მე-4  პუნქტი ჩამოყალიბდეს   შემდეგი   რედაქციით:

„4. ბინის ქირის ანაზღაურება  მოხდება უნაღდო ანგარიშსწორების ფორმით  დამქირავებლის პირად ანგარიშზე.“.