„მარნეულის მუნიციპალიტეტის ტერიტორიაზე ადმინისტრაციულ სამართალდარღვევებზე საქართველოს ადმინისტრაციულ სამართალდარღვევათა კოდექსით გათვალისწინებული საჯარიმო სანქციების გამოყენებისა და ადმინისტრაციულ სამართალდარღვევათა ოქმის ფორმის, მისი წარმოების, გამოყენების, აღრიცხვა-ანგარიშგების წესის დამტკიცების შესახებ“ მარნეულის მუნიციპალიტეტის საკრებულოს 2014 წლის 16ოქტომბრის N34 დადგენილებაში ცვლილების შეტანის თაობაზე

საქართველოს ორგანული კანონის „ადგილობრივი თვითმმართველობის კოდექსი“ 61-ე მუხლის მე-2 ნაწილის და „ნორმატიული აქტების შესახებ“ საქართველოს კანონის მე-20 მუხლის მე-2 პუნქტის შესაბამისად, მარნეულის მუნიციპალიტეტის საკრებულო ადგენს:

შევიდეს ცვლილება მარნეულის მუნიციპალიტეტის საკრებულოს 2014 წლის 16 ოქტომბრის „მარნეულის მუნიციპალიტეტის ტერიტორიაზე ადმინისტრაციულ სამართალდარღვევებზე საქართველოს ადმინისტრაციულ სამართალდარღვევათა კოდექსით გათვალისწინებული საჯარიმო სანქციების გამოყენებისა და ადმინისტრაციულ სამართალდარღვევათა ოქმის ფორმის, მისი წარმოების, გამოყენების, აღრიცხვა-ანგარიშგების წესის დამტკიცების შესახებ“ №34 დადგენილებაში (www.matsne.gov.ge; 020080000.35.159.016166;22/10/2014წ.) და პირველი მუხლი ჩამოყალიბდეს შემდეგი რედაქციით:
„მუხლი 1. მარნეულის მუნიციპალიტეტის ტერიტორიაზე ადმინისტრაციულ სამართალდარღვევებზე  გამოყენებულ იქნეს ადმინისტრაციული სამართალდარღვევის ოქმი საქართველოს ორგანული კანონი „საარჩევნო კოდექსის“ მე-80 მუხლის, საქართველოს  ადმინისტრაციულ  სამართალდარღვევათა  კოდექსის  51³,  53³,  55,  55², 55^3, 127¹ მუხლის მეხუთე ნაწილი,  148-ე მუხლის პირველი და მეორე, 150, 150¹, 151-ე მუხლის პირველი და მეორე ნაწილები, 152, 152², 153⁴, 159, 159¹ მუხლებთან მიმართებით.“.

დადგენილება ამოქმედდეს გამოქვეყნებისთანავე