„საქართველოს თავდაცვის სამინისტროს სამხედრო მოსამსახურეთა, სახელმწიფო სპეციალური წოდების მქონე და სამოქალაქო პირთა შრომის ანაზღაურების, სოციალური დაცვისა და მატერიალური უზრუნველყოფის შესახებ“ საქართველოს თავდაცვის მინისტრის 2007 წლის 26 სექტემბრის №560 ბრძანებაში ცვლილების შეტანის თაობაზე

საქართველოს თავდაცვის მინისტრის

2017 წლის 7 მარტი

ქ. თბილისი

1. ბრძანების პირველი პუნქტის „ი“ ქვეპუნქტი ამოღებულ იქნეს.

2. ბრძანების 2⁴ პუნქტი ჩამოყალიბდეს შემდეგი რედაქციით:

„2⁴. სამხედრო თანამდებობაზე დანიშნული სამოქალაქო პირების შრომის ანაზღაურება განისაზღვრება №20 დანართით გათვალისწინებული თანამდებობრივი სარგოს ოდენობით, მე-12 და მე-20 პუნქტებით განსაზღვრული ყოველთვიური პროცენტული დანამატებითა და 2⁷ პუნქტის შესაბამისად საქართველოს თავდაცვის მინისტრის ინდივიდუალური ადმინისტრაციულ-სამართლებრივი აქტით განსაზღვრული დანამატებით.“.

3. ბრძანების მე-13 პუნქტი ჩამოყალიბდეს შემდეგი რედაქციით:

„13. სამხედრო მოსამსახურეს, სახელმწიფო სპეციალური წოდების მქონე და სამოქალაქო პირებს საჯარო მოხელის საკლასო ჩინისათვის ეძლევათ ყოველთვიური პროცენტული დანამატი თანამდებობრივი სარგოს შემდეგი ოდენობით:

ა) ნამდვილ სახელმწიფო მრჩეველს – 40%;

ბ) I კლასის სახელმწიფო მრჩეველს, I კლასის მრჩეველს – 35%;

გ) სახელმწიფო მრჩეველს, II კლასის მრჩეველს, საჯარო სამსახურის I კლასის მრჩეველს – 30%;

დ) III კლასის მრჩეველს, საჯარო სამსახურის II კლასის მრჩეველს, საჯარო სამსახურის I კლასის  რეფერენტს – 25%;

ე) საჯარო სამსახურის III კლასის მრჩეველს, საჯარო სამსახურის II კლასის რეფერენტს – 20%;

ვ) საჯარო სამსახურის III კლასის რეფერენტს – 15%.“.

4. ბრძანების მე-14, მე-18 და 30-ე პუნქტები და დანართი №24 ამოღებულ იქნეს.

5. ბრძანებას დაემატოს 47⁶ პუნქტი შემდეგი რედაქციით:

„47⁶. 47² პუნქტით განსაზღვრული ერთჯერადი დახმარება გაიცემა იმ შემთხვევაში, თუ საქართველოს თავდაცვის მინისტრის მიერ დამტკიცებული კონტრაქტის პირობები ითვალისწინებს ერთჯერადი დახმარების გაცემის ვალდებულებას.“.

6. ბრძანებით დამტკიცებული №1 დანართის მე-19 გრაფა ჩამოყალიბდეს შემდეგი რედაქციით:

,,

                                                                                                                                                    “.

7. ბრძანების №19 დანართის შენიშვნა ჩამოყალიბდეს შემდეგი რედაქციით:

„შენიშვნა:

1. იმ შემთხვევაში, თუ რომელიმე თანამდებობა არ არის გათვალისწინებული აღნიშნული დანართის ჩამონათვალში, მისი გათანაბრება შესაბამის თანამდებობასთან ხდება საქართველოს თავდაცვის მინისტრის ინდივიდუალური ადმინისტრაციულ-სამართლებრივი აქტით.

2. აღნიშნული დანართის მოქმედება არ ვრცელდება საქართველოს პრემიერ-მინისტრის მიერ დანიშნულ მოსამსახურეებზე.“.