„საქართველოს შინაგან საქმეთა სამინისტროს საპატრულო პოლიციის დეპარტამენტის დებულების დამტკიცების შესახებ“ საქართველოს შინაგან საქმეთა მინისტრის 2013 წლის 31 დეკემბრის №993 ბრძანებაში ცვლილების შეტანის თაობაზე

საქართველოს შინაგან საქმეთა მინისტრის

2017 წლის 6 მარტი

ქ. თბილისი

1.    მე-9 მუხლის პირველ პუნქტს:

ა) დაემატოს შემდეგი შინაარსის „დ¹“ ქვეპუნქტი:

„დ¹) პირადი შემადგენლობის მხარდაჭერის განყოფილება;“;

ბ) დაემატოს შემდეგი შინაარსის „ე²“ ქვეპუნქტი:

„ე²) მონიტორინგის სამმართველო;“.

2.  მე-10 მუხლის „ძ“ ქვეპუნქტი ამოღებულ იქნეს.

3. დაემატოს შემდეგი შინაარსის 10¹ მუხლი:

„მუხლი 10¹. პირადი შემადგენლობის მხარდაჭერის განყოფილება

 პირადი შემადგენლობის მხარდაჭერის განყოფილება:

ა) კომპეტენციის ფარგლებში უზრუნველყოფს დეპარტამენტის მოსამსახურეთა თანამდებობრივი გადაადგილების, მივლინების, მოკლევადიანი შვებულების, სახელმწიფო სპეციალური წოდების მინიჭების, წახალისების შესახებ დოკუმენტების მომზადებას და სამინისტროს ადამიანური რესურსების მართვის დეპარტამენტში წარდგენას;

ბ) სამინისტროს ადამიანური რესურსების მართვის დეპარტამენტთან ერთად მონაწილეობს დეპარტამენტის მოსამსახურეთა ატესტაციის ორგანიზებაში;

გ) ამზადებს წინადადებებს დეპარტამენტის სტრუქტურისა და საშტატო განრიგის შესახებ;

დ) ამზადებს მასალებს  მოსამსახურეთა  სახელმწიფო საიდუმლოებაზე დაშვების შესახებ;

ე) იღებს მოქალაქეთა განცხადებებს სსიპ – საქართველოს შინაგან საქმეთა სამინისტროს აკადემიაში (შემდგომში – აკადემია) პატრულ-ინსპექტორის საბაზისო კურსების გავლის შესახებ და შემდგომი რეაგირების მიზნით წარუდგენს სამინისტროს ადამიანური რესურსების მართვის დეპარტამენტს;

ვ) უზრუნველყოფს დეპარტამენტში შტატით გათვალისწინებულ ვაკანტურ თანამდებობაზე სახელმწიფო სპეციალური წოდებით მისაღები პირების შესარჩევად სპეციალური კონკურსის ორგანიზებას;

ზ) მონაწილეობას იღებს აკადემიაში პატრულ-ინსპექტორების საბაზისო მოსამზადებელ კურსებზე ჩასარიცხ კანდიდატებთან გასაუბრების პროცესში;

თ) უზრუნველყოს მოსამსახურეთა დაზღვევის მიზნით შესაბამისი დოკუმენტაციის მომზადებასა და სადაზღვევო კომპანიისათვის წარდგენას;

ი) ახორციელებს საქართველოს კანონმდებლობით გათვალისწინებულ სხვა უფლებამოსილებებს.“.

4. დაემატოს შემდეგი შინაარსის 13¹ მუხლი:

„მუხლი 13¹. მონიტორინგის სამმართველო

მონიტორინგის სამმართველო:

ა) კომპეტენციის ფარგლებში აწარმოებს დეპარტამენტის თანამშრომელთა სამსახურებრივ შემოწმებას და განიხილავს დეპარტამენტის თანამშრომელთა დისციპლინური გადაცდომის ფაქტებს;

ბ) დეპარტამენტის დირექტორს კომპეტენციის ფარგლებში წარუდგენს წინადადებებს დეპარტამენტის თანამშრომელთა მიმართ დისციპლინური პასუხისმგებლობის ზომების გამოყენების მიზანშეწონილობის თაობაზე.“.