„საგადახდო მომსახურების პროვაიდერის რეგისტრაციისა და რეგულირების წესის დამტკიცების შესახებ“ საქართველოს ეროვნული ბანკის პრეზიდენტის 2017 წლის 28 თებერვლის №29/04 ბრძანებაში ცვლილების შეტანის თაობაზე

საქართველოს ეროვნული ბანკის პრეზიდენტის

2017 წლის 13 მარტი

ქ. თბილისი

„მუხლი 17. გარდამავალი  პირობები

1. პროვაიდერებმა, რომლებიც ეროვნულ ბანკის მიერ დარეგისტრირდნენ ამ წესის ამოქმედებამდე, უნდა  უზრუნველყონ ამ წესის:

ა) მე-4 და მე-8 მუხლებით გათვალისწინებული მოთხოვნების შესრულება ამ წესის ამოქმედებიდან 4 თვის ვადაში;

ბ) აგენტებთან გაფორმებული ხელშეკრულებების ამ წესთან შესაბამისობაში მოყვანა ამ წესის ამოქმედებიდან 6 თვის ვადაში.

2. დაინტერესებულმა პირებმა, რომლებმაც ამ წესის ამოქმედებამდე ეროვნულ ბანკში პროვაიდერად რეგისტრაციის თაობაზე შეიტანეს განაცხადი, უნდა უზრუნველყონ ამ წესის:

ა) მე-4 მუხლის მე-2 პუნქტის „ბ“, „დ“, „ზ“, „ლ“ და “მ“ ქვეპუნქტების, მე-3 პუნქტის, ასევე ბენეფიციარ მესაკუთრესთან და უცხოურ საგადახდო მომსახურების პროვაიდერთან დაკავშირებული ამავე მუხლით განსაზღვრული მოთხოვნების შესრულება ამ წესის ამოქმედებიდან 4 თვის ვადაში;

ბ) მე-8 მუხლებით გათვალისწინებული მოთხოვნების შესრულება ამ წესის ამოქმედებიდან 4 თვის ვადაში;“.