კულტურული მემკვიდრეობის თვალსაზრისით ღირებული ობიექტებისათვის კულტურული მემკვიდრეობის უძრავი ძეგლის სტატუსის მინიჭების თაობაზე

საქართველოს კულტურული მემკვიდრეობის დაცვის ეროვნული სააგენტოს გენერალური დირექტორის

ბრძანება№2/24

2017 წლის 17 მარტი

ქ. თბილისი

კულტურული მემკვიდრეობის თვალსაზრისით ღირებული ობიექტებისათვის კულტურული მემკვიდრეობის უძრავი ძეგლის სტატუსის მინიჭების თაობაზე

საქართველოს უმნიშვნელოვანეს ისტორიულ-კულტურულ ფასეულობათა სამართლებრივი დაცვის უზრუნველყოფის მიზნით, „საქართველოს ზოგადი ადმინისტრაციული კოდექსის“ 51-ე, 52-ე, 53-ე მუხლების, „კულტურული მემკვიდრეობის შესახებ“ საქართველოს კანონის მე-15 მუხლის მე-3 პუნქტისა და საქართველოს კულტურული მემკვიდრეობის დაცვის ეროვნულ სააგენტოსა და კულტურისა და ძეგლთა დაცვის სამინისტროს შორის გაფორმებული 2015 წლის 30 ოქტომბრის №02 ადმინისტრაციული ხელშეკრულების პირველი მუხლის „ა“ პუნქტის შესაბამისად, ვბრძანებ:

1. მიენიჭოს კულტურული მემკვიდრეობის უძრავი ძეგლის სტატუსი ამ ბრძანების დანართში მითითებულ ობიექტებს.

2. დაევალოს საქართველოს კულტურული მემკვიდრეობის დაცვის ეროვნული სააგენტოს საინფორმაციო სისტემების სამსახურს ამ ბრძანების დანართში მითითებული ობიექტების მონაცემების ძეგლთა სახელმწიფო რეესტრში ასახვა.

3. დაევალოს სააგენტოს იურიდიულ სამსახურს ამ ბრძანების ამოქმედებიდან ერთი თვის ვადაში ბრძანების დანართში მითითებული ობიექტების მონაცემების კულტურისა და ძეგლთა დაცვის სამინისტროს ინტერნეტგვერდზე ასახვის მიზნით შესაბამისი ღონისძიების განხორციელება.

4. ბრძანება ამოქმედდეს გამოქვეყნებისთანავე.

ბრძანება შეიძლება გასაჩივრდეს დაინტერესებული მხარის მიერ ოფიციალური გაცნობიდან ერთი თვის ვადაში საქართველოს კულტურისა და ძეგლთა დაცვის სამინისტროში (მისამართი: ქ. თბილისი, სანაპიროს ქუჩა №4)

გენერალური დირექტორი                                                ნიკოლოზ ანთიძე

 

დანართი

 

№	ფოტო	სახელწოდება	ადგილმდებარეობა	სახეობა	თარიღი
1.		წმ. გიორგის სახელობის ეკლესია	ტყიბულის მუნიციპალიტეტი, სოფ. ახალდაბა	არქიტექტურის	გვიანი შუა საუკუნეები (1716 წ.)
2.		ყოფ. ევანგელურ-ლუთერული ეკლესია (დღევანდელი მდგომარეობით სპორტული კომპლექსი)	ქ. ბოლნისი, კოსტავას ქ. №8	არქიტექტურის	1854 წ.
3.		ეკლესია	დუშეთის მუნიციპალიტეტი, სოფ. ჩარგალი	მემორიალური	XIX ს. II ნახევარი
4.		წმ. გიორგის სახელობის ეკლესია	ჭიათურის მუნიციპალიტეტი. სოფ. მანდაეთი	არქიტექტურის	XIX ს-ის ბოლო, XX ს-ის დას.
5.		ჭაქვინჯის ციხე	ზუგდიდის მუნიციპალიტეტი, სოფ. ჯიხაშკარი	არქიტექტურის/ არქეოლოგიური	V-XVII სს.
6.		წმ. გიორგის სახელობის ეკლესია	ჭიათურის მუნიციპალიტეტი. სოფ. ქვაციხე	არქიტექტურის	XIX ს-ის ბოლო, XX ს-ის დას.