საქართველოს განათლებისა და მეცნიერების სამინისტროსათვის „საქართველოს 2017 წლის სახელმწიფო ბიუჯეტის შესახებ“ საქართველოს კანონით გათვალისწინებულ შეზღუდვაზე გამონაკლისის დაშვების თაობაზე

საქართველოს მთავრობის

განკარგულება №5 45

2017 წლის 23 მარტი

ქ . თბილისი

საქართველოს განათლებისა და მეცნიერების სამინისტროსათვის „საქართველოს 2017 წლის სახელმწიფო ბიუჯეტის შესახებ“ საქართველოს კანონით გათვალისწინებულ შეზღუდვაზე გამონაკლისის დაშვების თაობაზე

1. „საქართველოს 2017 წლის სახელმწიფო ბიუჯეტის შესახებ“ საქართველოს კანონის 22-ე მუხლის მე-7 პუნქტის შესაბამისად, საქართველოს განათლებისა და მეცნიერების სამინისტროზე არ გავრცელდეს ამავე კანონის 22-ე მუხლის პირველი პუნქტით გათვალისწინებული შეზღუდვა და მიეცეს თანხმობა:

ა) საქართველოს განათლებისა და მეცნიერების სამინისტროს აპარატისა და აპარატის მიერ განსახორციელებელი პროგრამების ფარგლებში, შტატგარეშე მომუშავეთა რაოდენობა განსაზღვროს არაუმეტეს 230 ერთეულით;

ბ) საქართველოს განათლებისა და მეცნიერების სამინისტროს ტერიტორიული ორგანოების − საგანმანათლებლო რესურსცენტრების შტატგარეშე მომუშავეთა რაოდენობა განსაზღვროს არაუმეტეს 105 ერთეულით.

2. განკარგულება ძალაშია 2017 წლის 1 მარტიდან.

 

 

პრემიერ - მინისტრი                                            გიორგი კვირიკაშვილი