„ქალაქ ახალციხის მუნიციპალიტეტის საკრებულოს რეგლამენტის დამტკიცების შესახებ“ ქალაქ ახალციხის მუნიციპალიტეტის საკრებულოს 2014 წლის 14 ივლისის №1 დადგენილებაში ცვლილების შეტანის თაობაზე
ჰკითხე AI-ს ამ კანონის შესახებ
🕸️ გრაფი — კავშირების ვიზუალიზაცია
← უკუმითითება ცვლილება → 🧬 სემანტიკური ეს აქტი
📥 უკუმითითებები — 1 დოკუმენტი
მუნიციპალიტეტის საკრებულოს დადგენილება (1)
დოკუმენტის ტექსტი
|
ქალაქ ახალციხის მუნიციპალიტეტის საკრებულოს დადგენილება №7 |
|
2017 წლის 28 მარტი ქ. ახალციხე |
,,ქალაქ ახალციხის მუნიციპალიტეტის საკრებულოს რეგლამენტის დამტკიცების შესახებ“ ქალაქ ახალციხის მუნიციპალიტეტის საკრებულოს 2014 წლის 14 ივლისის №1 დადგენილებაში ცვლილების შეტანის თაობაზე
„ნორმატიული აქტების შესახებ’’ საქართველოს კანონის მე-20 მუხლის მე-4 პუნქტის შესაბამისად, ქალაქ ახალციხის მუნიციპალიტეტის საკრებულო ადგენს:
მუხლი 1
შევიდეს ცვლილება ,,ქალაქ ახალციხის მუნიციპალიტეტის საკრებულოს რეგლამენტის დამტკიცების შესახებ’’ ქალაქ ახალციხის მუნიციპალიტეტის საკრებულოს 2014 წლის 14 ივლისის №1 დადგენილებაში (www.matsne.gov.ge 16/07/2014, სარეგისტრაციო კოდი: 010250020.35.173.016001) და დადგენილებით დამტკიცებული დანართის(რეგლამენტი):
1.
119-ე მუხლის 1-ლი პუნქტი ჩამოყალიბდეს შემდეგი რედაქციით:
,,1. საზოგადოებრივი დარბაზი იქმნება საკრებულოს განკარგულების საფუძველზე თვითმმართველი ერთეულის ტერიტორიაზე მოქმედი სამეწარმეო და არასამეწარმეო (არაკომერციული) იურიდიული პირების და საზოგადოების წარმომადგენლებისაგან.’’.
2.
119-ე მუხლის მე-3 პუნქტი ჩამოყალიბდეს შემდეგი რედაქციით:
„3. საზოგადოებრივი დარბაზი მოიწვევა საკრებულოს სამ თვეში ერთხელ მაინც.“.
3.
119-ე მუხლის მე-8 პუნქტი ჩამოყალიბდეს შემდეგი რედაქციით:
,,8. საზოგადოებრივი დარბაზის სხდომის ოქმის შედგენას და გამოქვეყნებას, სხდომის ჩატარების ორგანიზებას უზრუნველყოფს საკრებულოს აპარატი.“.
4.
135-ე მუხლის პირველ პუნქტს დაემატოს ,,ფ’’ ქვეპუნქტი შემდეგი რედაქციით:
,,ფ) ახალციხის მუნიციპალიტეტის საზოგადოებრივი დარბაზის ოქმები შესაბამისი სხდომის გამართვიდან 10 დღის ვადაში.’’.
მუხლი 2
დადგენილება ამოქმედდეს გამოქვეყნებისთანავე.
|