„თანამდებობის პირის ქონებრივი მდგომარეობის დეკლარაციის წარდგენის წესისა და იმ თანამდებობის პირთა თანამდებობრივი რეესტრის დამტკიცების შესახებ, რომელთათვისაც სავალდებულოა ქონებრივი მდგომარეობის დეკლარაციის შევსება“ საქართველოს მთავრობის 2014 წლის 12 თებერვლის №139 დადგენილებაში ცვლილების შეტანის თაობაზე

„მუხლი 14

საქართველოს ფინანსთა სამინისტროში:

ა) სახელმწიფო ვალის და საგარეო დაფინანსების დეპარტამენტის უფროსი, მისი მოადგილე; სახელმწიფო ვალის და საგარეო დაფინანსების დეპარტამენტის უფროსის მოადგილე – სამმართველოს უფროსი;

ბ) იურიდიული დეპარტამენტის უფროსი, მისი მოადგილე;

გ) ადმინისტრაციული დეპარტამენტის უფროსი, მისი მოადგილე; ადმინისტრაციული დეპარტამენტის უფროსის მოადგილე – სამმართველოს უფროსი;

დ) საბიუჯეტო დეპარტამენტის უფროსი, მისი მოადგილე; საბიუჯეტო დეპარტამენტის  უფროსის მოადგილე – სამმართველოს უფროსი;

ე) შიდა აუდიტის დეპარტამენტის უფროსი, მისი მოადგილე;

ვ) სახელმწიფო შიდა კონტროლის დეპარტამენტის უფროსი, მისი მოადგილე;

ზ) საგადასახადო და საბაჟო პოლიტიკის დეპარტამენტის უფროსი, მისი მოადგილე;

თ) მაკროეკონომიკური ანალიზისა და ფისკალური პოლიტიკის დაგეგმვის  დეპარტამენტის უფროსი, მისი მოადგილე;

ი) საზოგადოებასთან ურთიერთობისა და პროტოკოლის დეპარტამენტის უფროსი, მისი მოადგილე; საზოგადოებასთან ურთიერთობისა და პროტოკოლის დეპარტამენტის  უფროსის მოადგილე – სამმართველოს უფროსი;

კ) ადამიანური რესურსების მართვის დეპარტამენტის უფროსი;

ლ) დავების განხილვის სამსახურის უფროსი, მისი მოადგილე;

მ) საფინანსო-ეკონომიკური საქმიანობის სფეროში რისკების ანალიზის სამსახურის უფროსი;

ნ) ფისკალური რისკების მართვის სამმართველოს უფროსი;

ო) სტრუქტურული რეფორმების სამმართველოს უფროსი;

პ) სახელმწიფო ინვესტიციებისა და საბიუჯეტო პროგრამების ეფექტიანობის შეფასების სამმართველოს უფროსი;

ჟ) გადასახადის გადამხდელების მოტივირების უზრუნველყოფის სამმართველოს უფროსი;

რ) სათამაშო ბიზნესის პოლიტიკის სამმართველოს უფროსი;

ს) შემოსავლების ადმინისტრირების ხარისხის შეფასებისა და განვითარების უზრუნველყოფის სამმართველოს უფროსი;

ტ)  დაფინანსების შესაძლებლობების გამოვლენის სამმართველოს უფროსი;

უ) სახელმწიფო საშინაო ვალის ინსტრუმენტების განვითარების სამმართველოს უფროსი;   

ფ) სამინისტროს სტრუქტურული ქვედანაყოფის სამმართველოს უფროსი;

ქ) სახელმწიფო საქვეუწყებო დაწესებულებების – საქართველოს ფინანსთა სამინისტროს საგამოძიებო სამსახურის, სახაზინო სამსახურის და ბუღალტრული აღრიცხვის, ანგარიშგებისა და აუდიტის ზედამხედველობის სამსახურის ხელმძღვანელები, მათი მოადგილეები;

ღ) შემოსავლების სამსახურის შემადგენლობაში შემავალი საგადასახადო ორგანოს ხელმძღვანელი.“.