1. საფინანსო-ეკონომიკური საქმიანობის სფეროში რისკების ანალიზის სამსახურის ამოცანები და ფუნქციებია:

ა) კომპეტენციის ფარგლებში, საფინანსო დანაშაულის პრევენციისკენ მიმართული საგადასახადო პოლიტიკის ხელშეწყობის მიზნით, მინისტრის ან/და საქართველოს ფინანსთა სამინისტროს საგამოძიებო სამსახურისათვის (შემდგომში - სგამოძიებო სამსახური) შესაბამის რეკომენდაციათა შემუშავება;

ბ) საფინანსო ურთიერთობათა სფეროში კანონმდებლობის დარღვევის ხელშემწყობი მიზეზების, პირობების შესწავლა-ანალიზი და რეკომენდაციების შემუშავება მინისტრის ან/და საგამოძიებო სამსახურისათვის;

გ) საფინანსო დანაშაულის პრევენციის პოლიტიკის შესახებ ცნობიერების ამაღლების მიზნით სამუშაო შეხვედრების, კონფერენციებისა და სხვა ღონისძიებების ორგანიზება;

დ) საფინანსო-ეკონომიკურ სფეროში არსებულ დანაშაულებთან დაკავშირებით გასატარებელი სახელმწიფო პოლიტიკიდან გამომდინარე, სისხლის სამართლის კანონმდებლობის სრულყოფის მიზნით შესაბამისი წინადადებებისა და რეკომენდაციების მომზადება;

ე) მინისტრის სახელით:

ე.ა) განსაზღვრული პერიოდულობით საგამოძიებო სამსახურისათვის მისი საქმიანობის შესახებ ანგარიშის წარმოდგენის მოთხოვნა;

ე.ბ) განსაზღვრული პერიოდულობით საგამოძიებო სამსახურისათვის მისი საქმიანობის პრიორიტეტული მიმართულებების თაობაზე ინფორმაციის წარმოდგენა.

2. საფინანსო-ეკონომიკური საქმიანობის სფეროში რისკების ანალიზის სამსახური, საქმიანობის ეფექტურად და შეუფერხებლად განხორციელების მიზნით, უფლებამოსილია საქართველოს კანონმდებლობით დადგენილი წესით მოითხოვოს მისთვის აუცილებელი ინფორმაცია სამინისტროს სტუქტურული ქვედანაყოფებისგან, სამინისტროს მმართველობის სფეროში შემავალი საჯარო სამართლის იურიდიული პირებისაგან და საქვეუწყებო დაწესებულებებისაგან, ასევე სხვა შესაბამისი სახელმწიფო ორგანოებისგან, ფიზიკური და იურიდიული პირებისაგან.

3. საფინანსო-ეკონომიკური საქმიანობის სფეროში რისკების ანალიზის სამსახური მასზე დაკისრებული ფუნქციების განხორციელებისას, თანამშრომლობს სამინისტროს სტრუქტურულ ქვედანაყოფებთან და სამინისტროს სისტემის ორგანოებთან.

თავი XV

ფისკალური რისკების მართვის სამმართვე