სსიპ - სასწრაფო სამედიცინო დახმარების ცენტრის რეორგანიზაციისა და სსიპ - საგანგებო სიტუაციების კოორდინაციისა და გადაუდებელი დახმარების ცენტრად გარდაქმნის შესახებ

სსიპ - სასწრაფო სამედიცინო დახმარების ცენტრის რეორგანიზაციისა და სსიპ - საგანგებო სიტუაციების კოორდინაციისა და გადაუდებელი დახმარების ცენტრად გარდაქმნის შესახებ საქართველოს მთავრობის დადგენილება №197 2017 წლის 13 აპრილი ქ. თბილისი სსიპ – სასწრაფო სამედიცინო დახმარების ცენტრის რეორგანიზაციისა და სსიპ – საგანგებო სიტუაციების კოორდინაციისა და გადაუდებელი დახმარების ცენტრად გარდაქმნის შესახებ მუხლი 1🔗 „საჯარო სამართლის იურიდიული პირის შესახებ“ საქართველოს კანონის მე-5 მუხლის შესაბამისად, სსიპ – სასწრაფო სამედიცინო დახმარების ცენტრი რეორგანიზებულ იქნეს (გარდაიქმნას) სსიპ – საგანგებო სიტუაციების კოორდინაციისა და გადაუდებელი დახმარების ცენტრად.  მუხლი 2🔗 საქართველოს შრომის, ჯანმრთელობისა და სოციალური დაცვის სამინისტრომ განახორციელოს: 1. სსიპ – საგანგებო სიტუაციების კოორდინაციისა და გადაუდებელი დახმარების ცენტრის სახელმწიფო კონტროლი. 2.  სსიპ – საგანგებო სიტუაციების კოორდინაციისა და გადაუდებელი დახმარების ცენტრის დებულების დამტკიცება და წარმომადგენლობაზე უფლებამოსილი პირის – ხელმძღვანელის დანიშვნა. მუხლი 3🔗 სსიპ – საგანგებო სიტუაციების კოორდინაციისა და გადაუდებელი დახმარების ცენტრი წარმოადგენს სსიპ – სასწრაფო სამედიცინო დახმარების ცენტრის უფლებამონაცვლეს ყველა სახის ურთიერთობებში.  მუხლი 4🔗 საქართველოს შრომის, ჯანმრთელობისა და სოციალური დაცვის სამინისტრომ 2017 წლის 1 ივნისამდე უზრუნველყოს სსიპ – საგანგებო სიტუაციების კოორდინაციისა და გადაუდებელი დახმარების ცენტრის ფუნქციონირებისათვის საჭირო სამართლებრივი პროექტების მომზადებისათვის/მიღებისათვის საჭირო ღონისძიებების გატარება (მათ შორის, სსიპ – სასწრაფო სამედიცინო დახმარების ცენტრში კონკურსის წესით დანიშნულ თანამშრომელთა სსიპ – საგანგებო სიტუაციების კოორდინაციისა და გადაუდებელი დახმარების ცენტრის შესაბამის თანამდებობებზე უკონკურსოდ გადაყვანის/გადანიშვნის ღონისძიებების კოორდინაცია).  მუხლი 5🔗 „ნორმატიული აქტების  შესახებ“ საქართველოს კანონის 25-ე მუხლის შესაბამისად, ძალადაკარგულად გამოცხადდეს „საჯარო სამართლის იურიდიული პირის – სასწრაფო სამედიცინო დახმარების ცენტრის დაფუძნების შესახებ“ საქართველოს მთავრობის 2013 წლის 5 დეკემბრის №314 დადგენილება. მუხლი 6🔗 დადგენილება, გარდა პირველი, მე-2, მე-3 და მე-5 მუხლებისა, ამოქმედდეს გამოქვეყნებისთანავე. დადგენილების პირველი, მე-2, მე-3 და მე-5 მუხლები ამოქმედდეს 2017 წლის 1 ივნისიდან.  პრემიერ-მინისტრიგიორგი კვირიკაშვილი