საჯარო სამართლის იურიდიული პირის - საქართველოს ტურიზმის ეროვნული ადმინისტრაციის მიერ ტურისტულად მნიშვნელოვანი კულტურული ღონისძიებების ნაწილობრივი დაფინანსების შესახებ

საქართველოს მთავრობის

განკარგულება №762

2017 წლის 13 აპრილი

ქ. თბილისი

საჯარო სამართლის იურიდიული პირის – საქართველოს ტურიზმის ეროვნული ადმინისტრაციის მიერ ტურისტულად მნიშვნელოვანი კულტურული ღონისძიებების ნაწილობრივი დაფინანსების შესახებ

„საქართველოს მთავრობის სტრუქტურის, უფლებამოსილებისა და საქმიანობის წესის შესახებ“ საქართველოს კანონის მე-5 მუხლის „თ“ და „ი“ ქვეპუნქტების შესაბამისად, საჯარო სამართლის იურიდიულმა პირმა – საქართველოს ტურიზმის ეროვნულმა ადმინისტრაციამ, საქართველოში გასამართი ტურისტულად მნიშვნელოვანი კულტურული ღონისძიებების შეუფერხებლად ჩატარებისა და ქვეყანაში უცხოელი ტურისტების მოზიდვის მიზნით, უზრუნველყოს: „ფოლკლორული ფესტივალის რეგიონებში“, „თანამედროვე მუსიკისა და ხელოვნების ფესტივალის – Sou Fest“, ფესტივალის „მუსიკა საზღვრებს გარეშე“ და ღონისძიების „Sofar Sounds Tbilisi“ ნაწილობრივი დაფინანსება,  „საქართველოს 2017 წლის სახელმწიფო ბიუჯეტის შესახებ“ საქართველოს კანონით მისთვის განსაზღვრულ ასიგნებათა ფარგლებში (პროგრამული კოდი: 24 05 02). 

 

პრემიერ-მინისტრი                                                          გიორგი კვირიკაშვილი