,,ზუგდიდის მუნიციპალიტეტის გამგეობის ზედამხედველობისა და არქიტექტურის სამსახურის დებულების დამტკიცების შესახებ“ ზუგდიდის მუნიციპალიტეტის საკრებულოს 2016 წლის 29 დეკემბრის №31 დადგენილებაში ცვლილების შეტანის თაობაზე

ა) მე-5 მუხლი  ჩამოყალიბდეს შემდეგი რედაქციით:

,,მუხლი 5. საორგანიზაციო განყოფილება

განყოფილება დადგენილი წესით უზრუნველყოფს:

ა) ორგანიზაციებისა და ფიზიკური პირების მიერ წარმოდგენილი განცხადებების,  დოკუმენტაციის    შესწავლას,  მომზადებას და გადაცემას შესაბამის სამსახურებზე;

ბ) საპროექტო-სამშენებლო დოკუმენტაციის აღრიცხვის კონტროლს;

გ)მიმწოდებელ ორგანიზაციებთან გაფორმებული ხელშეკრულებების მიხედვით შესრულებულ სამშენებლო-სარეაბილიტაციო სამუშაოებზე წარმოდგენილი დოკუმენტაციის პროექტთან შესაბამისობის დადგენას, მასთან დაკავშირებული დოკუმენტების მომზადებას და შესრულებული სამუშაოების ღირებულების ანაზღაურების მიზნით ერთობლივი დოკუმენტაციის გადაცემას შესაბამისი სამსახურისათვის;

დ) ხელშეკრულებით გათვალისწინებული სამუშაოების ვადაგადაცილებით შესრულების შემთხვევაში (წარმოდგენილი დოკუმენტაციის საფუძველზე) სათანადო დოკუმენტაციის მომზადებას და საჭირო პროცედურების განხორციელებას;

ე) გამგეობის სხვა სამსახურებისათვის სათანადო ინფორმაციის მიწოდებას ხელშეკრულებებით გათვალისწინებული სამუშაოების შესახებ;

ვ) გამგეობის მიერ შემსრულებელ ორგანიზაციებთან გაფორმებული ხელშეკრულებებით გათვალისწინებული სამუშაოების აღრიცხვას და ინფორმაციული ბაზის შედგენას;

ზ) მოქმედი კანონმდებლობითა და მუნიციპალიტეტის სამართლებრივი აქტებით განსაზღვრული სხვა ფუნქციების განხორციელებას.“;

ბ) მე-7 მუხლი   ჩამოყალიბდეს შემდეგი რედაქციით:

,,მუხლი 7.  არქიტექტურის  განყოფილება

განყოფილება  დადგენილი  წესით უზრუნველყოფს:

ა) არქიტექტურული და ურბანული დაგეგმარების სფეროში ზუგდიდის მუნიციპალიტეტის ტერიტორიაზე თავისი  კომპეტენციის განხორციელებას;

ბ)  დადგენილი წესით შეთანხმებული და დამტკიცებული ,,განაშენიანების რეგულირების  წესების“  შესაბამისად, ზუგდიდის მუნიციპალიტეტში დასახლებათა ტერიტორიების გამოყენებისა და განაშენიანების საკითხების  რეგულირებას;

გ) კანონმდებლობის შესაბამისად, სივრცით-ტერიტორიული დაგეგმვის დოკუმენტაციების შემუშავებასა და მშენებლობის  პროცესზე ზედამხედველობას;

დ)  დასახლებათა სივრცითი მოწყობისა და მშენებლობის პრინციპების დაცვას, სივრცით-ტერიტორიული დაგეგმვის  საჯარო განხილვას;

ე)  შენობა-ნაგებობების (მათ შორის, ხაზოვანი ობიექტების), მიწისზედა და მიწისქვეშა საინჟინრო კომუნიკაციების, კეთილმოწყობის და სხვა სახის არქიტექტურულ - სამშენებლო საქმიანობაზე ბრძანებების პროექტების და სივრცით - ტერიტორიული დაგეგმვის დოკუმენტაციების განხილვას, მომზადებასა და წარდგენას  ზუგდიდის  მუნიციპალიტეტის გამგებელთან;

ვ)   მშენებლობის მონაწილეებზე წერილობით   შეტყობინებებს სამშენებლო ნორმებისა და   წესების მოთხოვნების  დარღვევათა  გამოსწორების შესახებ;

ზ)  მშენებლობის ობიექტზე არსებული და/ან შემოტანილი სამშენებლო მასალების, ნაკეთობების და კონსტრუქციების გამოყენების აკრძალვას, როდესაც ვერ პასუხობენ დადგენილ    მოთხოვნებს;

თ)  შეაჩეროს სათანადო ნებართვის გარეშე მიმდინარე მშენებლობა ან უნებართვო დემონტაჟი, რომლის საფუძველი    შეიძლება  იყოს:

თ.ა)   საპროექტო   დოკუმენტაციის,   სამშენებლო   ნორმების   და   წესების,    სხვა  ნორმატიული აქტების მოთხოვნათა გაუთვალისწინებლობა, რომელთა გამოსწორება მშენებლობის შეჩერების გარეშე შეუძლებელია;

 თ.ბ) სამსახურის მიწერილობის დადგენილ ვადებში    შეუსრულებლობა;

ი) კანონმდებლობით გათვალისწინებული წესის შესაბამისად, მშენებლობადამთავრებული ობიექტების ექსპლუატაციაში  მიღებას;

კ) კანონმდებლობით გათვალისწინებული წესის შესაბამისად უნებართვო ან/და პროექტის დარღვევით აშენებული ობიექტების ან მათი ნაწილების ლეგალიზებაზე საკითხის    მომზადებას;

ლ) მუნიციპალიტეტის ფარგლებში საზოგადოებრივ სივრცეზე სამუშაოებისა და ხაზოვანი ნაგებობების განთავსებაზე  ნებართვების გაცემას;

მ) ფიზიკური და იურიდიული პირების განცხადებების კანონით დადგენილ ვადებში და წესით განხილვას;

ნ) ზუგდიდის მუნიციპალიტეტის ადმინისტრაციულ საზღვრებში (სოფლებში)  ტერიტორიების განვითარების კონცეფციის შემუშავებას, მისი სივრცით-ტერიტორიული დაგეგმარების თაობაზე შესაბამისი კვლევების ჩატარებას და რეკომენდაციების მომზადებას;

ო) ტერიტორიების განაშენიანების რეგულირების გეგმის (გრგ) დავალების გაცემის და დამტკიცების თაობაზე შესაბამისი გადაწყვეტილებების პროექტის მომზადებას საკრებულოში წარსადგენად;

პ) მიწათსარგებლობის უფლებრივი ზონირების რუკების დამუშავებისთვის და დამტკიცებისთვის საკრებულოს გადაწყვეტილებათა პროექტის მომზადებას;

ჟ)   სპეციალური ზონალური შეთანხმებისათვის გადაწყვეტილების პროექტის მომზადებას;

რ) მშენებლობის, დემონტაჟის და რეკლამის განთავსების სანებართვო პირობების დადგენას;

ს)  სხვადასხვა კომისიებში მონაწილეობას;

ტ)მოქმედი კანონმდებლობითა და მუნიციპალიტეტის სამართლებრივი აქტებით განსაზღვრული სხვა ფუნქციების  განხორციელებას.“.