საჯარო სამართლის იურიდიული პირის - სახელმწიფო სამხედრო სამეცნიერო-ტექნიკური ცენტრი „დელტას“ გენერალური დირექტორის დამატებითი საკვალიფიკაციო მოთხოვნების დამტკიცების შესახებ

საჯარო სამართლის იურიდიული პირის - სახელმწიფო სამხედრო სამეცნიერო-ტექნიკური ცენტრი „დელტას“ გენერალური დირექტორის დამატებითი საკვალიფიკაციო მოთხოვნების დამტკიცების შესახებ საქართველოს თავდაცვის მინისტრის ბრძანება №45 2017 წლის 14 ივნისი ქ. თბილისი საჯარო სამართლის იურიდიული პირის – სახელმწიფო სამხედრო სამეცნიერო-ტექნიკურ ცენტრ ,,დელტას“ გენერალური დირექტორის დამატებითი საკვალიფიკაციო მოთხოვნების დამტკიცების შესახებ „საჯარო სამსახურის შესახებ“ საქართველოს კანონის მე-19 მუხლის პირველი პუნქტისა და „საქართველოს თავდაცვის სამინისტროს დებულების დამტკიცების შესახებ“ საქართველოს მთავრობის 2013 წლის 22 ნოემბრის №297 დადგენილებით დამტკიცებული საქართველოს თავდაცვის სამინისტროს დებულების  მე-3 მუხლის მე-3 პუნქტის „ე“ ქვეპუნქტის შესაბამისად, ვბრძანებ: მუხლი 1🔗 დამტკიცდეს ,,საჯარო სამართლის იურიდიული პირის – სახელმწიფო სამხედრო სამეცნიერო-ტექნიკურ ცენტრ ,,დელტას“ გენერალური დირექტორის დამატებითი საკვალიფიკაციო მოთხოვნები“. მუხლი 2🔗 ეს ბრძანება ამოქმედდეს გამოქვეყნებისთანავე. საქართველოს თავდაცვის მინისტრის მოვალეობის შემსრულებელიგიორგი ბუთხუზი საჯარო სამართლის იურიდიული პირის – სახელმწიფო სამხედრო სამეცნიერო-ტექნიკურ ცენტრ ,,დელტას“ გენერალური დირექტორის დამატებითი საკვალიფიკაციო მოთხოვნები 1. უმაღლესი განათლება  – მაგისტრის  ხარისხი (ბიზნესის ადმინისტრირების და მართვის ან ინჟინერიის მიმართულებით). 2. სამუშაო გამოცდილება არანაკლებ 10 წელი, მათ შორის 5 წელი ხელმძღვანელ  თანამდებობაზე. 3. ორგანიზაციის მართვის პრინციპებისა და საფუძვლების ცოდნა. 4. პროექტების მართვის გამოცდილება. 5. შემდეგი კანონმდებლობის ცოდნა: ა) საქართველოს კონსტიტუცია (ზოგადი ცოდნა); ბ) საქართველოს შრომის კოდექსი (ზოგადი ცოდნა); გ) ,,საჯარო სამართლის იურიდიული პირის შესახებ“ საქართველოს კანონი (ზოგადი ცოდნა); დ) ,,ქვეყანაში არსებული სამხედრო დანიშნულების სახელმწიფო ქონების, ზენორმატიული, ვადაგასული (საუტილიზაციო) სამხედრო ტექნიკის, შეიარაღებისა და საბრძოლო მასალების შემდგომი გამოყენების შესახებ“ საქართველოს პრეზიდენტის 2001 წლის 9 ივლისის N273 ბრძანებულება; ე) ,,საქართველოს თავდაცვის სამინისტროს დებულების დამტკიცების შესახებ” საქართველოს მთავრობის 2013 წლის 22 ნოემბრის №297 დადგენილება (ზოგადი ცოდნა); ვ) ,,საჯარო სამართლის იურიდიული პირის – სახელმწიფო სამხედრო სამეცნიერო-ტექნიკურ ცენტრ ,,დელტას" დებულების დამტკიცების შესახებ“ საქართველოს თავდაცვის მინისტრის 2015 წლის 25 აგვისტოს № 25 ბრძანება. 6. ინგლისური და რუსული ენების სრულყოფილი ცოდნა. 7. კომპიუტერის ძირითადი საოფისე პროგრამების, ოპერაციული სისტემების, პროგრამული უზრუნველყოფის შემუშავების პროცესების მართვის მეთოდების waterfall, agile, spiral, RAD model, Code and Fix, პროგრამული ენა python-ის და პროგრამა CATIA V5-ის ცოდნა. 8. ტექნიკური ნახაზის, საკონსტრუქტორო დოკუმენტაციის ზოგადი და წარმოებაში მოქმედი ტექნოლოგიური პროცესების ცოდნა.