,,აჭარის ავტონომიური რესპუბლიკის განათლების, კულტურისა და სპორტის სამინისტროს სტრუქტურული ქვედანაყოფების დებულებების დამტკიცების შესახებ’’ აჭარის ავტონომიური რესპუბლიკის განათლების, კულტურისა და სპორტის მინისტრის 2013 წლის 1 მარტის №48 ბრძანებაში ცვლილებების შეტანის თაობაზე

აჭარის ავტონომიური რესპუბლიკის განათლების, კულტურისა და სპორტის მინისტრის

ბრძანება №1

ქ. ბათუმი

ა) ამოღებულ იქნეს ბრძანების პირველი პუნქტის „ვ“ ქვეპუნქტი;

ბ) ბრძანების პირველ პუნქტს დაემატოს შემდეგი შინაარსის 1¹  პუნქტი:

„1¹. სამინისტროს სტრუქტურული ქვედანაყოფები ხელმძღვანელობენ საქართველოს კონსტიტუციით, საქართველოს საერთაშორისო ხელშეკრულებებითა და შეთანხმებებით, აჭარის ავტონომიური რესპუბლიკის კონსტიტუციით, სამინისტროს დებულებით, აჭარის ავტონომიური რესპუბლიკის განათლების, კულტურისა და სპორტის მინისტრის (შემდგომში – მინისტრი) სამართლებრივი აქტებით, ამ დებულებით, საქართველოსა და აჭარის ავტონომიური რესპუბლიკის საკანონმდებლო და კანონქვემდებარე ნორმატიული აქტებით.“;

გ) ამოღებულ იქნეს ბრძანების დანართ №1, №2, №3, №7-ით დამტკიცებული დებულებების მე-2 მუხლები, დანართ  №4-ით დამტკიცებული დებულების მე-3 მუხლი და დანართ №5-ით დამტკიცებული მე-2 მუხლის მეორე პუნქტი;

დ) ბრძანების დანართ №1-ით დამტკიცებული დებულების მე-5 მუხლის „დ“ ქვეპუნქტი შეიცვალოს და ჩამოყალიბდეს შემდეგი რედაქციით:

„დ) აწარმოებს ზოგადსაგანმანათლებლო დაწესებულებათა რეესტრს. რეგისტრაციაში ატარებს საჯარო სკოლის დირექტორს, დირექტორის მოვალეობის შემსრულებელს, დირექტორის/დირექტორის მოვალეობის შემსრულებლის მიერ თავისი უფლებამოსილების განხორციელების შეუძლებლობის შემთხვევაში − მისი მოვალეობის შემსრულებელი მოადგილის, ხოლო დირექტორის მოადგილის თანამდებობის არარსებობის შემთხვევაში − სკოლის სხვა თანამშრომლის, სამეურვეო საბჭოს წევრის უფლებამოსილებასა და უფლებამოსილების შეწყვეტას და აღნიშნულ მონაცემებს სარეგისტრაციოდ უგზავნის განათლების მართვის საინფორმაციო სისტემას. მონაცემთა განათლების მართვის საინფორმაციო სისტემაში რეგისტრაცია იწვევს მათ ძალაში შესვლას;“;

ე) ბრძანების დანართ №1-ით დამტკიცებული დებულების მე-5 მუხლის „ნ“ ქვეპუნქტი შეიცვალოს და ჩამოყალიბდეს შემდეგი რედაქციით:

„ნ) სამინისტროს სხვა სტრუქტურულ ქვედანაყოფებთან ერთად შეიმუშავებს სამინისტროს პროგრამებს განათლების სფეროში;“;

ვ) ბრძანების დანართ №1-ით დამტკიცებული დებულების მე-5 მუხლის „ნ“ ქვეპუნქტს დაემატოს შემდეგი შინაარსის „ნ¹“ ქვეპუნქტი:

„ნ¹. უზრუნველყოფს სამინისტროს მიერ განათლების სფეროში გაფორმებული სახელმწიფო შესყიდვების შესახებ ხელშეკრულებების პირობების შესრულებაზე მონიტორინგის განხორციელებას დადგენილი წესის შესაბამისად;“;

ზ) ბრძანების დანართ №1-ით დამტკიცებული დებულების მე-7 მუხლის „ე“ ქვეპუნქტი შეიცვალოს და ჩამოყალიბდეს შემდეგი რედაქციით:

„ე) ხელს აწერს დეპარტამენტში მომზადებულ  დოკუმენტებს  და  თავისი  კომპეტენციის  ფარგლებში ვიზირებით  ადასტურებს მათ;“;

თ) ამოღებულ იქნეს ბრძანების დანართ №1-ით დამტკიცებული დებულების მე-8 მუხლის პირველი პუნქტი;      

ი) ბრძანების დანართ №2-ით დამტკიცებული დებულების მე-3 მუხლის მე-2 პუნქტი შეიცვალოს და ჩამოყალიბდეს შემდეგი რედაქციით:

„2. დეპარტამენტის საქმიანობაზე ზედამხედველობას ახორციელებს აჭარის ავტრონომიური რესპუბლიკის განათლების, კულტურისა და სპორტის მინისტრის (შემდგომში − მინისტრი)  ინდივიდუალური ადმინისტრაციულ-სამართლებრივი აქტით განსაზღვრული მინისტრის ერთ-ერთი მოადგილე (შემდგომში - კურატორი მოადგილე).“;

კ) ბრძანების დანართ №2-ით დამტკიცებული დებულების მე-4 მუხლის „ყ“ ქვეპუნქტს დაემატოს შემდეგი შინაარსის „ყ ¹“ ქვეპუნქტი:

„ყ¹. უზრუნველყოფს სამინისტროს მიერ კულტურის სფეროში გაფორმებული სახელმწიფო შესყიდვების შესახებ ხელშეკრულებების პირობების შესრულებაზე მონიტორინგის განხორციელებას დადგენილი წესის შესაბამისად;“;

ლ) ბრძანების დანართ №4-ით დამტკიცებული დებულების მე-6 მუხლის  „ნ“ ქვეპუნქტი შეიცვალოს და ჩამოყალიბდეს შემდეგი რედაქციით:

„ნ) ვაკანტური თანამდებობის დასაკავებლად კონკურსის, მობილობის, მოხელის კარიერული განვითარების, მოხელის შეფასების, რეზერვში ჩარიცხვის პროცესის ორგანიზება, მოხელისათვის რანგის/კლასის მინიჭების პროცესში მონაწილეობა;“;

მ) ბრძანების დანართ №4-ით დამტკიცებული დებულების მე-7 მუხლის  „დ“ ქვეპუნქტი შეიცვალოს და ჩამოყალიბდეს შემდეგი რედაქციით:

„დ) მოამზადოს ინდივიდუალური ადმინისტრაციულ-სამართლებრივი აქტები და მოახდინოს მათი ვიზირება კანონმდებლობით გათვალისწინებული წესით;“;

ნ) ბრძანების დანართ №4-ით დამტკიცებული დებულების მე-9 მუხლის  მე-2 პუნქტი შეიცვალოს და ჩამოყალიბდეს შემდეგი რედაქციით:

„2. საქმისწარმოებისა და ადმინისტრირების  განყოფილების უფლება- მოვალეობებია:

ა) მოქმედი ნორმატიული აქტების შესაბამისად დოკუმენტებზე მუშაობის და დოკუმენტბრუნვის ორგანიზაცია, ერთიანი საქმისწარმოების უზრუნველყოფა;

ბ) სამინისტროში შემოსული და სამინისტროდან გასული ნებისმიერი დოკუმენტის რეგისტრაცია;

გ) შემოსული დოკუმენტების დროული განხილვა, განაწილება და ხელმძღვანელობისათვის წარდგენის ორგანიზება;

დ) ხელმძღვანელობის მიერ განხილული დოკუმენტაციის შესაბამის თანამშრომლებზე განაწილება;

ე) დოკუმენტების შესრულების მიმდინარეობის, დადგენილ ვადაში მისი გაფორმებისა და შესრულების რეგულირება;

ვ) დამტკიცებული ნომენკლატურის შესაბამისად, სამინისტროს საქმეთა წარმოება, საქმეთა შენახვისა და დოკუმენტური ინფორმაციის ოპერატიული გამოყენების უზრუნველყოფა;

ზ) სამინისტროს საქმისწარმოებისა და დოკუმენტბრუნვის შესახებ ანალიტიკური და სტატისტიკური მონაცემების მომზადება;

თ) სახელმწიფო არქივში ჩასაბარებელი საქმეების გაფორმების სისწორის კონტროლის განხორციელება;

ი) სამინისტროს საარქივო ფონდის დაკომპლექტების, საარქივო დოკუმენტების აღრიცხვის, დაცვისა და მათი გამოყენების უზრუნველყოფა;

კ) სამინისტროში მომზადებული დოკუმენტაციის ადრესატებისათვის დაგზავნის უზრუნველყოფა;

ლ) შემოტანილ განცხადებასთან დაკავშირებით განმცხადებლის წერილობითი და სიტყვიერი ინფორმირების უზრუნველყოფა;

მ) დადგენილი წესის შესაბამისად, სამინისტროს საჯარო მოსამსახურეთა დანიშვნის, სამსახურებრივი გადაყვანის, გათავისუფლებისა და წახალისების ღონისძიების გამოყენების, შვებულებისა და მივლინების შესახებ ბრძანებების პროექტების მომზადება;

ნ) მინისტრთან ჩატარებული თათბირების ოქმების მომზადება;

ო) სამინისტროში სტაჟირებისა და პრაქტიკის გავლასთან დაკავშირებული საკითხების ორგანიზება;

პ) დადგენილი წესის შესაბამისად, სამინისტროს სისტემაში არსებული ვაკანტური თანამდებობების დასაკავებლად კონკურსის ჩატარების ორგანიზება;

ჟ) მოქმედი კანონმდებლობის შესაბამისად, მოხელის კარიერული განვითარების, მოხელის შეფასების, რეზერვში ჩარიცხვის პროცესის ორგანიზება, მოხელისათვის რანგის/კლასის მინიჭების, მობილობის, წახალისების პროცესში მონაწილეობა;

რ) ადამიანური რესურსების მართვასთან დაკავშირეებული საქმიანობის განხორციელების უზრუნველყოფა  და პირადი საქმეების წარმოება;

ს) სამინისტროს დებულებით და წინამდებარე დებულებით, მინისტრის ბრძანებითა  და საქართველოს კანონმდებლობით განსაზღვრულ სხვა ფუნქციების განხორციელება.“.