„თეთრი სიის წარმოების წესისა და პირობების დამტკიცების შესახებ“ სახელმწიფო შესყიდვების სააგენტოს თავმჯდომარის 2016 წლის 26 თებერვლის №2 ბრძანებაში ცვლილების შეტანის თაობაზე

სახელმწიფო შესყიდვების სააგენტოს თავმჯდომარის

2017 წლის 25 აგვისტო

ქ. თბილისი

1. ბრძანებით დამტკიცებული წესის მე-10 მუხლის პირველი პუნქტის „ა“ ქვეპუნქტი ჩამოყალიბდეს შემდეგი რედაქციით:

„ა) თავისუფლდება სარეგისტრაციო/უფლებრივი მონაცემების ამსახველი დოკუმენტ(ებ)ის წარდგენის ვალდებულებისაგან, იმისდა მიუხედავად, ითვალისწინებს თუ არა სატენდერო/საკონკურსო დოკუმენტაცია სარეგისტრაციო/უფლებრივი მონაცემების ამსახველი დოკუმენტ(ებ)ის წარდგენის მოთხოვნას;“.

2. ბრძანების დანართი შეიცვალოს ამ ბრძანებას თანდართული დანართით.

ეს ცნობა ადასტურებს, რომ მიმწოდებელმა [მიმწოდებლის სახელწოდება/სახელი და საიდენტიფიკაციო კოდი/პირადი ნომერი] ჯეროვნად შეასრულა სახელმწიფო შესყიდვის შესახებ ხელშეკრულებით გათვალისწინებული ვალდებულებები:

რეკვიზიტები: [ხელშეკრულების დადების თარიღი და ნომერი, სატენდერო/საკონკურსო განცხადების ან ხელშეკრულების სისტემის CMR მოდულში რეგისტრაციის ნომერი];

ხელშეკრულების ღირებულება: [თანხა ციფრებითა და სიტყვიერად, ასევე  ვალუტის დასახელება. თუ ჯეროვნად შესრულებული ხელშეკრულების ფაქტობრივი ღირებულება ნაკლებია ხელშეკრულების ღირებულებაზე, მაშინ მიეთითება ფაქტობრივად შესრულებული ვალდებულებების თანხაც].

ხელშეკრულების ჯეროვნად შესრულება დასტურდება შემდეგი დოკუმენტ(ებ)ით: [ხელშეკრულების ღირებულების სრულად გადახდის დამადასტურებელი დოკუმენტ(ებ)ი (საგადახდო დავალება) და მიღება-ჩაბარების აქტ(ებ)ი. თუ მითითებული დოკუმენტები სრულად არის ატვირთული სისტემაში, ისინი სააგენტოს აღარ წარედგინება].

წინამდებარე ცნობა გაიცემა სახელმწიფო შესყიდვების სააგენტოში წარსადგენად.

[შემსყიდველი ორგანიზაციის უფლებამოსილი პირის ხელმოწერა]

[ბეჭედი (არსებობის შემთხვევაში)].