„მცხეთის მუნიციპალიტეტის საკრებულოს თანამდებობის პირთა და აპარატის საჯარო მოსამსახურეთა თანამდებობრივი სარგოების დამტკიცების შესახებ“ მცხეთის მუნიციპალიტეტის საკრებულოს 2016 წლის 31 მაისის #15 დადგენილებაში ცვლილების შეტანის თაობაზე

საქართველოს ორგანული კანონის „ადგილობრივი თვითმმართველობის კოდექსი“ 24-ე  მუხლის  პირველი ნაწილის „დ.ე“ ქვეპუნქტის, 61-ე მუხლის პირველი და მე-2 ნაწილების, „საჯარო სამსახურის შესახებ“ საქართველოს კანონის 125-ე მუხლის პირველი და მე-2 პუნქტების, „პროფესიული საჯარო მოხელეების თანამდებობათა დასახელებებისა და იერარქიულ რანგებში განაწილების წესის, შესაბამისი იერარქიული რანგისთვის მიკუთვნებული მოხელეთა თანამდებობების იერარქიული ჩამონათვალის განსაზღვრის შესახებ“ საქართველოს მთავრობის 2017 წლის 26 აპრილის №215 დადგენილების, „მცხეთის მუნიციპალიტეტის საკრებულოს აპარატის სტრუქტურისა და საშტატო ნუსხის დამტკიცების შესახებ“ მცხეთის მუნიციპალიტეტის საკრებულოს  2017 წლის  27 ივნისის  №48  განკარგულებისა და ,,ნორმატიული აქტების შესახებ“ საქართველოს კანონის მე-20 მუხლის მე-4 პუნქტის საფუძველზე, მცხეთის მუნიციპალიტეტის საკრებულო ადგენს:

შეტანილ იქნეს ცვლილება  „მცხეთის  მუნიციპალიტეტის საკრებულოს  თანამდებობის პირთა და აპარატის საჯარო მოსამსახურეთა თანამდებობრივი სარგოების დამტკიცების შესახებ“ მცხეთის მუნიციპალიტეტის საკრებულოს 2016 წლის 31 მაისის  №15 დადგენილებაში (www.matsne.gov.ge, 190040000.35.153.016328, 01.06.2016), კერძოდ, დადგენილებით დამტკიცებული დანართი ჩამოყალიბდეს ახალი რედაქციით.

დადგენილება ამოქმედდეს გამოქვეყნებისთანავე.