„ადიგენის მუნიციპალიტეტის გამგეობის ინფრასტრუქტურის, სივრცითი მოწყობის, არქიტექტურისა და მშენებლობის სამსახურის ზედამხედველობის განყოფილების შესაბამის სპეციალისტებზე ადმინისტრაციულ სამართალდარღვევათა შესახებ ოქმების შედგენის უფლებამოსილების მინიჭების შესახებ“ ადიგენის მუნიციპალიტეტის საკრებულოს 2015 წლის 7 ივლისის №36 დადგენილებაში ცვლილების შეტანის შესახებ

1. დადგენილების სათაური  ჩამოყალიბდეს შემდეგი რედაქციით:

„ადიგენის მუნიციპალიტეტის გამგეობის   ზედამხედველობის სამსახურის  შესაბამის სპეციალისტებზე ადმინისტრაციულ სამართალდარღვევათა შესახებ ოქმების შედგენის უფლებამოსილების მინიჭების შესახებ“.

2. დადგენილების  პირველი  მუხლი  ჩამოყალიბდეს შემდეგი რედაქციით:

„მუხლი 1

საქართველოს ადმინისტრაციულ სამართალდარღვევათა კოდექსის 51³, 53³, 55-ე, 55², 119¹, 150-ე, 151-ე 153⁴, 159-ე, 159¹ მუხლებით, აგრეთვე საქართველოს ორგანული კანონის ,,საქართველოს საარჩევნო კოდექსი“ მე-80 მუხლით გათვალისწინებულ ადმინისტრაციულ სამართალდარღვევებზე ადმინისტრაციულ სამართალდარღვევათა ოქმების შედგენის უფლებამოსილება მიენიჭოს ადიგენის მუნიციპალიტეტის გამგეობის ზედამხედველობის სამსახურის მეორე კატეგორიის უფროს სპეციალისტებს   ადმინისტრაციულ სამართალდარღვევათა ზედამხედველობის საკითხებში.“;

3. დადგენილების  მე-2  მუხლი  ჩამოყალიბდეს შემდეგი რედაქციით:

„მუხლი 2

 საქართველოს ადმინისტრაციულ სამართალდარღვევათა კოდექსის 146¹, 148-ე მუხლის 1-ლი, მე-2 და მე-4 ნაწილებით, 150-ე, 152-ე, 152² მუხლებით გათვალისწინებულ ადმინისტრაციულ სამართალდარღვევებზე ადმინისტრაციულ სამართალდარღვევათა ოქმების შედგენის უფლებამოსილება მიენიჭოს ადიგენის მუნიციპალიტეტის გამგეობის ზედამხედველობის სამსახურის მეორე კატეგორიის უფროს სპეციალისტს არქიტექტურისა და კეთილმოწყობის საკითხებში.“.

4. დადგენილების  მე-3  მუხლი  ჩამოყალიბდეს შემდეგი რედაქციით:

„მუხლი 3

საქართველოს ადმინისტრაციულ სამართალდარღვევათა კოდექსის 151-ე მუხლით, აგრეთვე საქართველოს კანონის „ნარჩენების მართვის კოდექსი“  31-ე, 32-ე, 33-ე, 34-ე, 35-ე, 36-ე მუხლის 1-ლი და მე-2 ნაწილებით, 39-ე და 43-ე მუხლებით გათვალისწინებულ ადმინისტრაციულ სამართალდარღვევებზე ადმინისტრაციულ სამართალდარღვევათა ოქმების შედგენის უფლებამოსილება მიენიჭოს ადიგენის მუნიციპალიტეტის გამგეობის  ზედამხედველობის სამსახურის  მეორე კატეგორიის უფროს სპეციალისტებს გარემოს დაცვისა და ბუნებრივი რესურსების საკითხებში.“.