2017 წლის გამოშვების ახალი მოდიფიკაციის 5 ლარის ნომინალის ბანკნოტების მიმოქცევაში გაშვების თაობაზე

2017 წლის გამოშვების ახალი მოდიფიკაციის 5 ლარის ნომინალის ბანკნოტების მიმოქცევაში გაშვების თაობაზე საქართველოს ეროვნული ბანკის საბჭოს დადგენილება №1 2017 წლის 22 აგვისტო ქ. თბილისი 2017 წლის გამოშვების ახალი მოდიფიკაციის 5 ლარის ნომინალის ბანკნოტების მიმოქცევაში გაშვების თაობაზე „საქართველოს ეროვნული ბანკის შესახებ“ საქართველოს ორგანული კანონის მე-9 მუხლის „ვ“ და „ი” ქვეპუნქტების, 35-ე მუხლის პირველი, მე-2 და მე-3 პუნქტების შესაბამისად, საქართველოს ეროვნული ბანკის საბჭო  ადგენს: მუხლი 1🔗 2017 წლის პირველი სექტემბრიდან მიმოქცევაში გაშვებულ იქნეს ახალი მოდიფიკაციის 5 ლარის ნომინალის ბანკნოტები, როგორც გადახდის კანონიერი საშუალება, №1 და № 2 დანართებში მოცემული დიზაინის, აღწერილობისა და დამცავი ნიშნების მიხედვით, გამოშვების წლით „2017“. მუხლი 2🔗 2017 წლის გამოშვების ახალი მოდიფიკაციის 5 ლარის ნომინალის ბანკნოტები მიმოიქცევა წინა წლების გამოშვების იგივე ნომინალის ბანკნოტების პარალელურად. მუხლი 3🔗 საქართველოს ტერიტორიაზე 2017 წლის გამოშვების ახალი მოდიფიკაციის 5 ლარის ნომინალის ბანკნოტებით ანგარიშსწორება განხორციელდეს შეუფერხებლად. მუხლი 4🔗 ეს დადგენილება ამოქმედდეს 2017 წლის პირველი სექტემბრიდან. საქართველოს ეროვნული ბანკის ვიცე–პრეზიდენტი (მოვალეობის შემსრულებელი)არჩილ მესტვირიშვილი