სსიპ – საქართველოს სახელმწიფო უზრუნველყოფის სააგენტოს მიერ სახელმწიფო შესყიდვის გამარტივებული შესყიდვის საშუალებით განხორციელების შესახებ

სსიპ – საქართველოს სახელმწიფო უზრუნველყოფის სააგენტოს მიერ სახელმწიფო შესყიდვის გამარტივებული შესყიდვის საშუალებით განხორციელების შესახებ საქართველოს მთავრობის განკარგულება №1854 2017 წლის 1 სექტემბერი ქ. თბილისი სსიპ – საქართველოს სახელმწიფო უზრუნველყოფის სააგენტოს მიერ სახელმწიფო შესყიდვის გამარტივებული შესყიდვის საშუალებით განხორციელების შესახებ „სახელმწიფო შესყიდვების შესახებ“ საქართველოს კანონის 10​1 მუხლის მე-3 პუნქტის „დ“ ქვეპუნქტის შესაბამისად, სახელმწიფოებრივი და საზოგადოებრივი მნიშვნელობის ღონისძიების შეზღუდულ ვადებში შეუფერხებლად ჩატარების მიზნით, სსიპ – საქართველოს სახელმწიფო უზრუნველყოფის სააგენტოს მიეცეს უფლება, ქ. თბილისში საქართველოს პრეზიდენტის ადმინისტრაციის ადმინისტრაციული შენობის (აბდუშელიშვილის ქ. №1) ელექტროსისტემისათვის საჭირო აკუმულატორების, უწყვეტი კვების წყაროების (UPS) და საჭირო სათადარიგო ნაწილების, გაგრილების სისტემის, აგრეთვე თანმდევი მონტაჟის, პროგრამირებისა და სარემონტო-სარეაბილიტაციო მომსახურების სახელმწიფო შესყიდვა განახორციელოს გამარტივებული შესყიდვის საშუალებით, 150 000 (ას ორმოცდაათი ათასი) ევროს ეკვივალენტი ლარის ფარგლებში, წინასწარი ანგარიშსწორების წესით, შესაბამისი გარანტიის საფუძველზე. პრემიერ-მინისტრი                                                       გიორგი კვირიკაშვილი