„საქართველოს საკონსტიტუციო სასამართლოს წევრთა სოციალური დაცვის გარანტიების შესახებ“ საქართველოს კანონის თაობაზე

საქართველოს პარლამენტის დადგენილება

„საქართველოს საკონსტიტუციო სასამართლოს წევრთა სოციალური დაცვის გარანტიების შესახებ“საქართველოს კანონის თაობაზე

საქართველოს პარლამენტი ადგენს:

1. „საქართველოს საკონსტიტუციო სასამართლოს შესახებ“საქართველოს კანონის ამოქმედების თაობაზე“საქართველოს პარლამენტის 1996 წლის 31 იანვრის დადგენილების მე-3 პუნქტში სიტყვები „1996 წლის 1 ივნისიდან“შეიცვალოს სიტყვებით „1997 წლის 1 ივლისიდან“.

2. ეთხოვოს საქართველოს პრეზიდენტს გადაწყვიტოს საქართველოს საკონსტიტუციო სასამართლოს განთავსების საკითხი და 1997 წლის ბიუჯეტის კანონპროექტში გაითვალისწინოს ქალაქ მცხეთაში საკონსტიტუციო სასამართლოს შენობის რეკონსტრუქცია-გაფართოებისათვის საჭირო ფინანსები.

3. ეს კანონი ამოქმედდეს საქართველოს საკონსტიტუციო სასამართლოს ყველა წევრის მიერ ფიცის დადების დღიდან.

საქართველოს პარლამენტის

თავმჯდომარე ზ. ჟვანია

თბილისი,

1996 წლის 25 ივნისი.

№294–IIს