შპს „ბლექ სი სატის“ კრედიტორთა კრების მოწვევის თაობაზე

საქმე № 2/ 36717-16

 

განჩინება

საქართველოს სახელით

კრედიტორთა კრების მოწვევის თაობაზე

2017 წლის 20 ოქტომბერი

ქ. თბილისი

 

თბილისის საქალაქო სასამართლოს სამოქალაქო საქმეთა კოლეგია

მოსამართლე - თამარ ბურჯანაძე

 

განმცხადებლები (კრედიტორები) - 1. შპს „კომპანის ბლექ სი გრუპ”

(ს.კ 204477734 - დირექტორი ამირან მამუჭაძე)

 

2 - შპს „ღვინის ქარხანა №1”

(ს.კ. 404401544 - დირექტორი - არჩილ ივარდავა)

 

მოვალე - შპს „ბლექ სი სატი” (ს.კ 417875115)

 

გაკოტრების მმართველი - აღსრულების ეროვნული ბიურო

წარმომადგენელი - ლელა ხაციკიდუ

 

სასამართლომ ზეპირი მოსმენის გარეშე განიხილა კრედიტორთა კრების მოწვევის საკითხი და

 

გ ა მ ო ა რ კ ვ ი ა:

 

თბილისის საქალაქო სასამართლოს სამოქალაქო საქმეთა კოლეგიას 2016 წლის 1 დეკემბერს განცხადებით მომართეს შპს „კომპანის ბლექ სი გრუპის” დირექტორმა ამირან მამუჭაძემ და შპს „ღვინის ქარხანა №1”-ის დირექტორმა არჩილ ივარდავამ და მოითხოვეს შპს „ბლექ სი სატის” მიმართ გადახდისუუნარობის საქმის წარმოების დაწყება.

თბილისის საქალაქო სასამართლოს სამოქალაქო საქმეთა კოლეგიის მიერ განცხადება მიღებულ იქნა წარმოებაში.

2017 წლის 2 მაისს მოწვეულ კრედიტორთა კრებაზე მომრიგებელი საბჭოს წევრებად დანიშნულ იქნენ: კახა ჭკუასელი, ნიკოლოზ ცქიმანაური და ანეტა ხურციძე.

თბილისის საქალაქო სასამართლოს სამოქალაქო საქმეთა კოლეგიაში 2017 წლის 17 მაისს მომრიგებელი საბჭოს წევრების მიერ წარმოდგენილ იქნა მომრიგებელი საბჭოს გადაწყვეტილება შპს ,,ბლექ სი სატის“ გაკოტრების თაობაზე.

თბილისის საქალაქო სასამართლოს სამოქალაქო საქმეთა კოლეგიის 2017 წლის 30 მაისის განჩინებით შპს ,,ბლექ სი სატის“ მიმართ დაიწყო გაკოტრების საქმის წარმოება და გაკოტრების მმართველად დაინიშნა საჯარო სამართლის იურიდიული პირი – აღსრულების ეროვნული ბიურო.

2017 წლის 19 ოქტომბერს, თბილისის საქალაქო სასამართლოს სამოქალაქო საქმეთა კოლეგიას განცხადებით მომართა გაკოტრების მმართველმა – აღსრულების ეროვნული ბიუროს წარმომადგენელმა მიხეილ ლომთაძემ, რომელმაც შპს „ბლექ სი სატის“ გაკოტრების საქმის წარმოებასთან დაკავშირებით წარმოადგინა საბოლოო ანგარიში. ამავე მომართვიდან გაკოტრების მმართველმა მოითხოვა შპს ,,ბლექ სი სატის“ გაკოტრების საქმის წარმოების დასრულება და მისი სამეწარმეო რეესტრში რეგისტრაციის გაუქმება.

 ,,გადახდისუუნარობის საქმის წარმოების შესახებ’’ 42-ე მუხლის თანახმად, გაკოტრების საქმის წარმოება დასრულდება გაკოტრების მმართველის მიერ სამეურვეო ქონების რეალიზაციისა და რეალიზაციით მიღებული თანხის ამ კანონის შესაბამისად განაწილებისთანავე. სამეურვეო ქონების რეალიზაციის შემდეგ გაკოტრების მმართველი ადგენს მოვალის გაკოტრების ანგარიშს, რომელსაც წარუდგენს კრედიტორებსა და სასამართლოს. გაკოტრების მმართველისა და კრედიტორთა ინფორმაციის შესაბამისად სასამართლოს გამოაქვს განჩინება გაკოტრების საქმის წარმოების დასრულებისა და საწარმოს სამეწარმეო რეესტრში რეგისტრაციის გაუქმების შესახებ.

სასამართლო მიიჩნევს, რომ გაკოტრების მმართველის სსიპ ,,აღსრულების ეროვნული ბიუროს" 2017 წლის 19 ოქტომბრის შუამდგომლობის საფუძვლეზე მოწვეული უნდა იქნეს კრედიტორთა კრება შემდეგი დღის წესრიგით: ა) დაგვიანებით წარმოდგენილი განცხადების განხილვა კრედიტორად აღიარების თაობაზე; ბ) გაკოტრების მმართველის საბოლოო ანგარიშის მოსმენა; გ)შპს ,,ბლექ სი სატის“ გაკოტრების საქმის წარმოების დასრულების საკითხის განხილვა.

სასამართლომ იხელმძღვანელა „გადახდისუუნარობის საქმის წარმოების შესახებ’’ საქართველოს კანონის მე-7, მე-8, 27-ე 42-ე მუხლებით, საქართველოს სამოქალაქო საპროცესო კოდექსის 284-285-ე მუხლებით,

 

დ ა ა დ გ ი ნ ა:

 

1. კრედიტორთა კრება მოწვეულ იქნეს 2017 წლის 8 ნოემბერს, 15 საათზე, თბილისის საქალაქო სასამართლოში (მდებარე ქ. თბილისში, დ. აღმაშენებლის ხეივანი, მე-12 კმ. №6) სხდომის დარბაზი №19 შემდეგი დღის წესრიგით:

● დაგვიანებით წარმოდგენილი განცხადების განხილვა კრედიტორად აღიარების თაობაზე;

● გაკოტრების მმართველის საბოლოო ანგარიშის მოსმენა;

● შპს ,,ბლექ სი სატის“ გაკოტრების საქმის წარმოების დასრულების საკითხის განხილვა;

2. განჩინება გამოქვეყნდეს ,,საკანონმდებლო მაცნეში’’, სასამართლოს დაფაზე და ვებგვერდზე www.tcc.gov.ge.

3. განჩინება შეიძლება გასაჩივრდეს გამოქვეყნებიდან 5 (ხუთი) დღის ვადაში კერძო საჩივრით თბილისის საქალაქო სასამართლოს სამოქალაქო საქმეთა კოლეგიაში.

 

მოსამართლე                                                                                  თამარ ბურჯანაძე