მესტიის მუნიციპალიტეტის მერიის სოციალური დაცვის სამსახურის დებულების დამტკიცების შესახებ

მესტიის მუნიციპალიტეტის მერიის სოციალური დაცვის სამსახურის დებულების დამტკიცების შესახებ მესტიის მუნიციპალიტეტის საკრებულოს დადგენილება №34 2017 წლის 22 ნოემბერი დაბა მესტია მესტიის მუნიციპალიტეტის მერიის სოციალური დაცვის სამსახურის დებულების დამტკიცების შესახებ საქართველოს ორგანულის კანონის ,,ადგილობრივი თვითმმართველობის კოდექსი 24-ე მუხლის პირველი პუნქტის „გ.ბ“ ქვეპუნქტის, „ნორმატიული აქტების შესახებ“ საქართველოს კანონის მე-20 მუხლის და 25-ე მუხლის პირველი პუნქტის „ბ“ ქვეპუნქტის  შესაბამისად, მესტიის მუნიციპალიტეტის საკრებულო ადგენს: მუხლი 1🔗 დამტკიცდეს თანდართული მესტიის მუნიციპალიტეტის მერიის სოციალური დაცვის სამსახურის დებულება. მუხლი 2🔗 ამ დადგენილების ამოქმედებიდან ძალადაკარგულად გამოცხადდეს მესტიის მუნიციპალიტეტის გამგეობის  სოციალური დაცვის სამსახურის დებულების დამტკიცების შესახებ. მესტიის მუნიციპალიტეტის საკრებულოს 2014 წლის 10 სექტემბრის №21 დადგენილება (www.matsne.gov.ge, 15/09/2014, სარეგისტრაციო კოდი: 010260020.35.103.016127). მუხლი 3🔗 დადგენილება ამოქმედდეს გამოქვეყნებისთანავე. მესტიის მუნიციპალიტეტის საკრებულოს თავმჯდომარემაიზერ ჯაფარიძე დანართი  №1 მესტიის მუნიციპალიტეტის მერიის სოციალური დაცვის სამსახურის დებულება მუხლი 1🔗. სოციალური დაცვის სამსახური 1. მესტიის მუნიციპალიტეტის მერიის სოციალური დაცვის სამსახური (შემდგომში – სამსახური) არის მესტიის მუნიციპალიტეტის მერიის სტრუქტურული ერთეული და მისი შემადგენელი ნაწილი. სამსახურის ძირითად ფუნქციას წარმოადგენს მესტიის მუნიციპალიტეტის ტერიტორიაზე მოსახლეობის ჯანმრთელობისა და სოციალური დაცვის პროგრამების და პროექტების განხორციელების უზრუნველყოფა.  2. სამსახური საქმიანობას ახორციელებს საქართველოს კონსტიტუციით, საქართველოს ორგანილი კანონით ,,ადგილობრივი თვითმმართველობის კოდექსი“, საქართველოს კანონით ,,საჯარო სამსახურის შესახებ“, მესტიის მუნიციპალიტეტის მერიის დებულებით, ამ დებულებით, მუნიციპალიტეტის სხვა სამართლებრივი აქტებითა და სახელმწიფოში მოქმედი სხვა საკანონმდებლო აქტებით. 3. სამსახურის საშტატო გრაფიკი და თანამდებობრივი სარგოები განისაზღვრება საკრებულოს მიერ დამტკიცებული მერიის საშტატო ნუსხით.  4. სამსახურს აქვს დებულება, ბლანკი, ბეჭედი სამსახურის სახელწოდების აღნიშვნით, აგრეთვე ამ სტატუსის მქონე სამსახურისათვის ნებადართული სხვა ოფიციალური რეკვიზიტები.  მუხლი 2🔗. სამსახურის სტრუქტურა 1.სამსახური შედგება სამსახურის უფროსისა და სტრუქტურული ქვედანაყოფების – განყოფილებებისგან: ა) სოციალური დაცვისა და ჯანმრთელობის დაცვის განყოფილება; ბ) უსახლკაროთა, უმუშევართა და დასაქმების განყოფილება. 2. სამსახურის საქმიანობა წარმართავს სამსახურის უფროსი, რომლის უფლებამოსილებები და სამსახურებრივი ფუნქციები განისაზღვრება მერიის დებულებით და სამსახურის უფროსის სამუშაო აღწერილობით. უფროსის არყოფნის შემთხვევაში მის მოვალეობას ასრულებს ერთ-ერთ განყოფილების უფროსი. 3. სამსახურის განყოფილება შედგება განყოფილების უფროსისგან და განყოფილების მოხელეებისაგან. 4. განყოფილების საქმიანობას ხელმძღვანელობს განყოფილების უფროსი, რომლის უფლებამოსილებები და სამსახურებრივი ფუნქციები განისაზღვრება მერიის დებულებით და სამუშაო აღწერილობით. 5. განყოფილების უფროსების უფლება-მოვალეობები, წახალისება, წინსვლა და დისციპლინური პასუხისმგებლობის საკითხები განისაზღვრება "საჯარო სამსახურის შესახებ" საქართველოს კანონით, მერიის დებულებით, მერიის შინაგანაწესით, თანამდებობრივი ინსტრუქციებითა და მუნიციპალიტეტის სამართლებრივი აქტებით. მუხლი 3🔗. სამსახურის საქმიანობის ძირითადი მიმართულებები სამსახური დადგენილი წესით უზრუნველყოფს: ა) ჯანმრთელობის დაცვის მუნიციპალური პროგრამების შემუშავებას; ბ) ჯანმრთელობის დაცვის მუნიციპალური პროგრამების განხორციელებას და ამ სფეროში მონაწილე სახელმწიფო და კერძო სტრუქტურებთან კოორდინაციას; გ) საზოგადოებრივი ჯანდაცვის სფეროში მუნიციპალიტეტისთვის დელეგირებული უფლებამოსილების განხორციელებას; დ) ჯანმრთელობის დაცვის მუნიციპალური დაწესებულებების მართვას; ე) უმუშევართა, დავრდომილთა, უმწეოთა, უსახლკაროთა, შეზღუდული შესაძლებლობის მქონე პირთა აღრიცხვის და შესაბამისი სოციალური დაცვის პროგრამების მომზადებასა და შედგენას; ვ) დასაქმების მუნიციპალური პროგრამების შემუშავებას; ზ) უმუშევართა რეგისტრაციას, მათი პროფესიული გადამზადებისა და სოციალური რეაბილიტაციის ხელშეწყობას; თ) სოციალური დაცვის მუნიციპალური დაწესებულებების მართვას; ი) საქართველოს კანონმდებლობით განსაზღვრული, მერიის დებულებითა და მუნიციპალიტეტის სამართლებრივი აქტებით განსაზღვრული სხვა ფუნქციების შესრულებას; მუხლი 4🔗. სოციალური დაცვისა და ჯანმრთელობის დაცვის განყოფილების ფუნქციები სოციალური დაცვისა და ჯანმრთელობის დაცვის განყოფილების სამსახური უზრუნველყოფს: 1. კომპეტენციის შესაბამისად მოქალაქეების მიღებას და კონსულტირებას. 2. კომპეტენციის შესაბამისად მოქალაქეების წერილების და განცხადებების განხილვას და რეაგირებას. 3. ჯანმრთელობის დაცვის მუნიციპალური პროგრამების შემუშავება, განხორციელებას. 4. შშმ პირთა, მარჩენალდაკარგულთა, უმწეო სოციალურად დაუცველთა და მრავალშვილიანი ოჯახების, ხანდაზმულთა სააღრიცხვო ბაზის შექმნა, სოციალური დაცვის მუნიციპალური პროგრამების შემუშავება, განხორციელებას. 5. ჯანმრთელობის დაცვის მუნიციპალური პროგრამების განხორციელება და ამ სფეროში მონაწილე სახელმწიფო და კერძო სტრუქტურებთან კოორდინაციას. 6. საზოგადოებრივი ჯანდაცვის სფეროში მუნიციპალიტეტისთვის დელეგირებული უფლებამოსილების განხორციელებას. მუხლი 5🔗. უსახლკაროთა, უმუშევართა და დასაქმების განყოფილების ფუნქციები უსახლკაროთა, უმუშევართა და დასაქმების განყოფილება დადგენილი წესით უზრუნველყოფს: 1. კომპეტენციის შესაბამისად მოქალაქეების მიღება-კონსულტირებას. 2. კომპეტენციის შესაბამისად მოქალაქეების წერილების და განცხადებების განხილვა და რეაგირებას. 3. უმუშევართა, დავრდომილთა, უსახლკაროთა (სტიქიით დაზარალებული ოჯახების), იძულებით გადაადგილებულ პირებთა სააღრიცხვო ბაზის შექმნა, ვეტერანთა საკაბელო ბაზის შექმნა, შესაბამისი სოციალური პროგრამების მომზადება, შედგენა, განხორციელება. 4. უმუშევართა რეგისტრაცია, მათი პროფესიული გადამზადებისა და სოციალური რეაბილიტაციის ხელშეწყობა. 5. კომპეტენციის შესაბამისად ხელმძღვანელი პირების სამსახურებრივი დავალებების შესრულებას. 6. ხელმძღვანელობის მიერ სხვა სამსახურებრივი დავალებების შესრულება, რაც არ ეწინააღმდეგება მოქმედ კანონმდებლობას. მუხლი 5🔗. დებულებაში ცვლილებების შეტანა 1. ამ დებულებაში ცვლილებები და დამატებების შეტანა ხდება მერიის დებულებაში გათვალისწინებული წესების და პროცედურების მიხედვით. 2. ეს დებულება ძალაში შედის 2017 წლის ადგილობრივი თვითმმართველობის არჩევნების შედეგების ოფიციალურად ძალაში შესვლის დღიდან.