სამკურნალო/სამედიცინო მიზნებისათვის განკუთვნილი საქონლის ნუსხის განსაზღვრის შესახებ, რომლის მიწოდება ან/და იმპორტი გათავისუფლებულია დამატებული ღირებულების გადასახადისგან

სამკურნალო/სამედიცინო მიზნებისათვის განკუთვნილი საქონლის ნუსხის განსაზღვრის შესახებ, რომლის მიწოდება ან/და იმპორტი გათავისუფლებულია დამატებული ღირებულების გადასახადისგან საქართველოს შრომის, ჯანმრთელობისა და სოციალური დაცვის მინისტრისა და საქართველოს ფინანსთა მინისტრის ერთობლივი ბრძანება   №01-69/ნ/№451 2017 წლის 15 დეკემბერი ქ. თბილისი სამკურნალო/სამედიცინო მიზნებისთვის განკუთვნილი სახელმწიფო პროგრამების ფარგლებში  „სახელმწიფო შესყიდვების შესახებ“ საქართველოს კანონის შესაბამისად შესყიდული იმ საქონლის ნუსხის განსაზღვრის შესახებ, რომლის  მიწოდება ან/და იმპორტი გათავისუფლებულია დამატებითი ღირებულების გადასახადისაგან ჩათვლის უფლების გარეშე საქართველოს საგადასახადო კოდექსის 168-ე მუხლის პირველი ნაწილის ,,კ​1“ ქვეპუნქტის საფუძველზე, ვბრძანებ: მუხლი 1🔗 განისაზღვროს სამკურნალო/სამედიცინო მიზნებისათვის განკუთვნილი სახელმწიფო პროგრამის ფარგლებში „სახელმწიფო შესყიდვების შესახებ“ საქართველოს კანონის შესაბამისად შესყიდული იმ საქონლის ნუსხა, რომლის მიწოდება ან/და იმპორტი გათავისუფლებულია დამატებითი ღირებულების გადასახადისაგან ჩათვლის უფლების გარეშე, შემდეგი სახით: 1. ჰემოდიალიზის ფარგლებში: ა) ჰემოდიალიზური მოწყობილობები (ხელოვნური თირკმელები, ხელოვნური თირკმლის აპარატები, დიალიზატორები); ბ) ჰემოდიალიზატორი; გ) ნატრიუმის ბიკარბონატი (ნებისმიერი ფორმით - ფხვნილი, კარტრიჯი, ,,ბიბეგი“); დ)ჰემოდიალიზური ა/ვ სისხლის მაგისტრალი; ე)ჰემოდიალიზური ა/ვ საპუნქციე ნემსი. 2. პერიტონეული დიალიზის ფარგლებში: ა) პერიტონეული დიალიზის კათეტერის დამცავი სადეზინფექციო ხუფი; ბ) კათეტერის დამაგრძელებელი (გადამყვანი); გ) პერიტონეული დიალიზის კათეტერი; დ) კათეტერის ადაპტორი (ტიტანის); ე) გამომავალი მაგისტრალის ჩამკეტი; ვ) მაგისტრალი ჩამცლელი ჩანთით (აპდ მიმღები); ზ) კასეტა (აპდ სისტემა). მუხლი 2🔗 ბრძანება ამოქმედდეს გამოქვეყნებისთანავე. საქართველოს შრომის, ჯანმრთელობისა და სოციალური დაცვის მინისტრიდავით სერგეენკოსაქართველოს ფინანსთა მინისტრიმამუკა ბახტაძე