შპს „არენა მშენის“ კრედიტორთა რიგგარეშე კრების მოწვევის შესახებ

საქმე №2/ 1492-16

 

განჩინება

საქართველოს სახელით

კრედიტორთა რიგგარეშე კრების მოწვევის შესახებ

 

2017 წლის 14 დეკემბერი

ქ თბილისი

 

თბილისის საქალაქო სასამართლოს სამოქალაქო საქმეთა კოლეგია

მოსამართლე თამარ ჭუნიაშვილი

 

განმცხადე ბელ ი – მოვალე – შპს ,,არენა მშენი“

(საიდენტიფიკაციო ნომერი 204388402)

დირექტორი – თამაზ ონიკაძე

წარმომადგენელი – ლაზარე ძირკველიშვილი

 

რეაბილიტაციის მმართველი – შერმადინ გიგოლაშვილი

 

მოთხოვნა –კრედიტორთა რიგგარეშე კრების მოწვევა

 

სასამართლომ ზეპირი მოსმენით განიხილა კრედიტორთა რიგგარეშე კრების მოწვევის საკითხი და,

 

გამოარკვია:

 

თბილისის საქალაქო სასამართლოს სამოქალაქო საქმეთა კოლეგიის განხილვაშია შპს ,,არენა მშენის“ რეაბილიტაციის საქმე.

2017 წლის 8 დეკემბერს თბილისის საქალაქო სასამართლოს სამოქალაქო საქმეთა კოლეგიას განცხადებით მომართა რეაბილიტაციის მმართველმა, რომელმაც მოითხოვა კრედიტორთა რიგგარეშე კრების მოწვევა შემდეგი დღის წესრიგით: 1) რეაბილიტაციის მმართველის არჩევა, 2) სხვა მიმდინარე საკითხების განხილვა.

2017 წლის 14 დეკემბერს კრედიტორთა რიგგარეშე კრებაზე არ იქნა წარმოდგენილი კრედიტორთა ხმების საერთო რაოდენობის 51%-ს, რის გამოც კრედიტორთა რიგგარეშე კრება არ შედგა.

,,გადახდისუუნარობის საქმის წარმოების შესახებ’’ საქართველოს კანონის 27-ე მუხლის მე-3 ნაწილის თანახმად, კრედიტორთა რიგგარეშე კრების მოწვევის უფლება აქვთ მეურვეს, კრედიტორს (კრედიტორებს), რომელიც ფლობს კრედიტორთა ხმების საერთო რაოდენობის სულ მცირე 10%-ს, მოვალეს. რიგგარეშე კრების მოწვევისა და დღის წესრიგის შესახებ შეტყობინება სასამართლომ უნდა დააგზავნოს კრედიტორთა რიგგარეშე კრების მოწვევის თაობაზე მოთხოვნის მიღებისთანავე. რიგგარეშე კრება უნდა გაიმართოს სასამართლოში მოთხოვნის წარდგენიდან მე-5 დღეს.

აღნიშნული მუხლის მე-4 ნაწილის მიხედვით, კრედიტორთა კრება უფლებამოსილია, თუ მას ესწრება ან მასზე წარმოდგენილია კრედიტორთა ხმების საერთო რაოდენობის სულ მცირე 51%-ს, მიუხედავად იმისა, ჩაჰბარდათ თუ არა კრების მოწვევის თაობაზე შეტყობინება დანარჩენ კრედიტორებს, თუ ამ კანონით სხვა რამ არ არის განსაზღვრული. ამასთანავე, შეტყობინება კრების მოწვევის თაობაზე უნდა გამოქვეყნდეს „საქართველოს საკანონმდებლო მაცნეს“ ოფიციალურ ვებგვერდზე.

სასამართლომ იხელმძღვანელა ,,გადახდისუუნარობის საქმის წარმოების შესახებ” საქართველოს კანონის მე-5, მე-7, მე-8, მე-9, 25-ე, 27-ე მუხლებით, საქართველოს სამოქალაქო საპროცესო კოდექსის 284-285-ე მუხლებით,

 

დ ა ა დ გ ი ნ ა:

 

1. კრედიტორთა რიგგარეშე კრება გაგრძელდეს 2018 წლის 26 იანვარს, 15:00 საათზე, თბილისის საქალაქო სასამართლოში (მდებარე ქ. თბილისში, დავით აღმაშენებლის ხეივანი მე-12 კმ., №6) სხდომის დარბაზი №29, იგივე დღის წესრიგით:

1.1. რეაბილიტაციის მმართველის არჩევა;

1.2. სხვა მიმდინარე საკითხების განხილვა.

2. განჩინება გამოქვეყნდეს „საქართველოს საკანონმდებლო მაცნეში“, სასამართლოს დაფაზე და ვებგვერდზე www.tcc.gov.ge.

3. განჩინება შეიძლება გასაჩივრდეს გამოცემიდან 5 დღის ვადაში კერძო საჩივრით თბილისის საქალაქო სასამართლოს სამოქალაქო საქმეთა კოლეგიაში.

 

მოსამართლე                                                                         თამარ ჭუნიაშვილი