დედოფლისწყაროს მუნიციპალიტეტის მერიის პირველადი სტრუქტურული ერთეულის - ადმინისტრაციული და შესყიდვების სამსახურის დებულების დამტკიცების შესახებ

დედოფლისწყაროს მუნიციპალიტეტის მერიის პირველადი სტრუქტურული ერთეულის - ადმინისტრაციული და შესყიდვების სამსახურის დებულების დამტკიცების შესახებ დედოფლისწყაროს მუნიციპალიტეტის საკრებულოს დადგენილება  №48 2017 წლის 19 დეკემბერი ქ. დედოფლისწყარო დედოფლისწყაროს მუნიციპალიტეტის მერიის პირველადი სტრუქტურული ერთეულის - ადმინისტრაციული და შესყიდვების სამსახურის დებულების დამტკიცების შესახებ საქართველოს ორგანული კანონის,,ადგილობრივი თვითმმართველობის კოდექსი“ 24-ე მუხლის პირველი პუნქტის ,,გ.ბ’’ ქვეპუნქტის,61-ე მუხლის 1-ლი და მე-2 პუნქტების, საქართველოს კანონის „ნორმატიული აქტების შესახებ“ მე-20 მუხლის მე-2 პუნქტის,25-ე მუხლის პირველი პუნქტის„ბ“ ქვეპუნქტის შესაბამისად, დედოფლისწყაროს მუნიციპალიტეტის საკრებულო ადგენს: მუხლი 1🔗 დამტკიცდეს  დედოფლისწყაროს მუნიციპალიტეტის   მერიის პირველადი სტრუქტურული ერთეულის – ადმინისტრაციული და შესყიდვების  სამსახურის დებულება  დანართის შესაბამისად (დანათი  თან ერთვის). მუხლი 2🔗 ძალადაკარგულად  გამოცხადდეს  დედოფლისწყაროს მუნიციპალიტეტის საკრებულოს 2017  წლის   8 დეკემბრის №28  დადგენილება „დედოფლისწყაროს მუნიციპალიტეტის მერიის პირველადი სტრუქტურული ერთეულის – ადმინისტრაციული სამსახურის დებულების დამტკიცების შესახებ“ (www.matsne.gov.ge. 14/12/2017 სარეგისტრაციო კოდი: 010250020.35.169.016318). მუხლი 3🔗 დადგენილება ძალაშია გამოქვეყნებისთანავე.დედოფლისწყაროს მუნიციპალიტეტის საკრებულოს თავმჯდომარენუგზარ პაპიაშვილი დანართი დედოფლისწყაროს მუნიციპალიტეტის მერიის პირველადი სტრუქტურული ერთეულის-ადმინისტრაციული და შესყიდვების სამსახურის დებულება მუხლი 1🔗. დედოფლისწყაროს   მუნიციპალიტეტის  მერიის  პირველადი სტრუქტურული ერთეული-ადმინისტრაციული და შესყიდვების  სამსახური 1. დედოფლისწყაროს  მუნიციპალიტეტის მერიის პირველადი სტრუქტურული ერთეული- ადმინისტრაციული და შესყიდვების  სამსახური (ტექსტში შემდგომ – სამსახური) შექმნილია საქართველოს ორგანული კანონის „ადგილობრივი თვითმმართველობის კოდექსის“  საფუძველზე და არის დედოფლისწყაროს მუნიციპალიტეტის მერიის სტრუქტურული ერთეული, რომელიც უზრუნველყოფს ადგილობრივი თვითმმართველობის ორგანოებისა და მერიის სამსახურების საქმისწარმოებას, მათ კომუნიკაციას ერთმანეთთან; ადამიანური რესურსების მართვას, ადგილობრივი თვითმმართველობის ორგანოების ურთიერთობის ორგანიზებას მოქალაქეებთან, იურიდიულ პირებთან და სხვა გაერთიანებებთან, სახელმწიფო ორგანოებთან, სხვა თვითმმართველ ერთეულებთან და საერთაშორისო ორგანიზაციებთან; საქართველოს კანონის „სახელმწიფო შესყდვების შესახებ“ შესაბამისად სახელმწიფო შესყიდვების განხორციელებას, მერიის  ოფიციალური ღონისძიებების დაგეგმვასა და ორგანიზებას. 2. სამსახური თავის საქმიანობას წარმართავს მოქმედი კანონმდებლობის, მერიის  დებულების, ამ დებულებისა და მუნიციპალიტეტის სხვა ადმინისტრაციულ-სამართლებრივი აქტების შესაბამისად.  3. სამსახურის საშტატო  განრიგი და მოხელეთა თანამდებობრივი  სარგოები განისაზღვრება  მერიის საშტატო ნუსხით. 4. სამსახურს აქვს შტამპი,  დადგენილი ფორმის ბეჭედი და ბლანკი სამსახურის სახელწოდების  აღნიშვნით და სხვა საჭირო რეკვიზიტებით.  5.  სამსახურის იურიდიული მისამართია ქ.დედოფლისწყარო, კოსტავას  ქუჩა №44 მუხლი 2🔗. სამსახურის სტრუქტურა 1. სამსახური შედგება მერიის პირველადი სტრუქტურული ერთეულის ხელმძღვანელის– ადმინისტრაციული და შესყიდვების  სამსახურის უფროსის (ტექსტში შემდგომ -  სამსახურის უფროსი), მეორადი სტრუქტურული ერთეულის ხელმძღვანელების -განყოფილების უფროსებისგან და სამსახურის საჯარო მოსამსახურეებისაგან, სამსახური იყოფა მერიის მეორად სტრუქტურულ ერთეულებად-ქვედანაყოფებად (ტექსტში შემდგომ – განყოფილება). 2.  სამსახურის განყოფილებებია: ა) ადამიანური რესურსების და საქმისწარმოების განყოფილება; ბ) ადმინისტრაციულ ერთეულებთან ურთიერთობის კოორდინაციის განყოფილება; გ) მოქალაქეთა მომსახურების განყოფილება; დ) შესყიდვების განყოფილება. 3. სამსახურის საქმიანობას წარმართავს სამსახურის უფროსი, რომლის უფლებამოსილებები განისაზღვრება მერიის  დებულების მე-11 მუხლით.  სამსახურის უფროსის არყოფნის შემთხვევაში (განთავისუფლება, შვებულება, საავადმყოფო ფურცელზე ყოფნა და სხვა) მერის ბრძანებით, სამსახურის უფროსის უფლება-მოვალეობებს ახორციელებს მერიის ერთ-ერთი სამსახურის უფროსი ან მეორადი სტრუქტურული ერთეულის ხელმძღვანელი-განყოფილების უფროსი ასეთის არსებობის შემთხვევაში ან შესაბამისი სამსახურის მოსამსახურე. 4. სამსახურის განყოფილება შედგება მეორადი სტრუქტურული ერთეულის ხელმძღვანელის-განყოფილების უფროსისა (ტექსტში შემდგომ -  განყოფილების უფროსი) და განყოფილების მოხელეებისაგან. 5. განყოფილების უფროსს საქართველოს კანონისა ,,საჯარო სამსახურის შესახებ“'  და მერიის  დებულების შესაბამისად თანამდებობაზე ნიშნავს და თანამდებობიდან ათავისუფლებს მერი.  განყოფილების უფროსი  წარმართავს განყოფილების საქმიანობას. 6. განყოფილების უფროსი:                                             ა) წარმართავს განყოფილების საქმიანობას; ბ) უზრუნველყოფს განყოფილების მიერ სამსახურის დებულებით განსაზღვრული ფუნქციების განხორციელებას; გ) ანაწილებს დავალებებს განყოფილების მოხელეებს შორის, უზრუნველყოფს მერის, მერის პირველი მოადგილის, კურატორი მოადგილის და სამსახურის უფროსის ცალკეული დავალებებით გათვალისწინებული ღონისძიებების განხორციელებას; დ) იღებს და აფასებს მოხელეების ანგარიშებს გაწეული საქმიანობის შესახებ; ე) ამზადებს და სამსახურის უფროსს წარუდგენს ანგარიშებს განყოფილების მიერ სამუშაოთა შესრულების შესახებ; ვ) უზრუნველყოფს დადგენილი წესით განყოფილების საქმისწარმოებას; ზ) უზუნველყოფს განყოფილების მოხელეთა მიერ მერიის შინაგანაწესის დაცვას, შრომის დისციპლინას. დადგენილი წესით აფასებს მოხელეების საქმიანობას, სამსახურის უფროსს წარუდგენს წინადადებებს მოხელეთა დაწინაურების, წახალისების ან მათ მიმართ დისციპლინური ზომების გამოყენების შესახებ; თ) ახორციელებს მოქმედი კანონმდებლობით, ამ დებულებით და სამსახურის დებულებით განსაზღვრულ სხვა უფლებამოსილებებს. 7. მერიის სამსახურის განყოფილების უფროსი ანგარიშვალდებულია მერიის სამსახურის უფროსის წინაშე. 8.განყოფილების უფროსის არყოფნის შემთხვევაში, (განთავისუფლება, შვებულება, საავადმყოფო ფურცელზე ყოფნა და სხვა)  მერის ბრძანებით განყოფილების უფროსის უფლება-მოვალეობებს ახორციელებს მერიის სამსახურის ერთ-ერთი განყოფილების უფროსი  ან ერთ-ერთი თანამშრომელი.   9. სამსახურის საჯარო მოსამსახურეთა უფლება-მოვალეობები განისაზღვრება მერიის დებულების მე-19 მუხლით. 10. სამსახურის  მოსამსახურეების  თანამდებობაზე დანიშვნა-გათავისუფლების, მათ შორის, დაწინაურების, გადაყვანის წესები განისაზღვრება საქართველოს კანონის ,,საჯარო სამსახურის შესახებ"  შესაბამისად. მუხლი 3🔗. სამსახურის  ფუნქციები სამსახური დადგენილი წესით უზრუნველყოფს: 1. მუნიციპალიტეტის მერიის  კორესპონდენციის მიღებასა და ადრესატებისათვის გადაგზავნას; 2. ადგილობრივი თვითმმართველობის ორგანოებისა და თანამდებობის პირების სამართლებრივი აქტების და სხვა დოკუმენტების გამოქვეყნებას; 3. მიღებული კორესპონდენციის რეგისტრაციასა და მათ განაწილებას დანიშნულებისამებრ სამსახურებსა და ადმინისტრაციული ერთეულების წარმომადგენლებთან; 4. მერის   დავალებების რეგისტრაციას, მათი შესრულების კონტროლს; 5. სამსახურის სამუშაოთა გეგმების მომზადებას;  მერიის   სამსახურების სამუშაოთა გეგმების საფუძველზე  მერიის    სამუშაო გეგმის პროექტის მომზადებას; 6. ადმინისტრაციული წარმოების დადგენილი წესებისა და პროცედურების დაცვას; 7. საქმისწარმოებაში დაშვებული დოკუმენტების სათანადოდ გაფორმებას და დოკუმენტბრუნვას; 8. საქმეთა ნომენკლატურის შედგენას და არქივირებას; 9. გამართულ კომუნიკაციას მუნიციპალიტეტის ორგანოებსა და სტრუქტურულ ერთეულებს შორის, ადგილობრივი თვითმმართველობის თანამდებობის პირთა კომუნიკაციას მოქალაქეებთან, სახელმწიფო ორგანოებთან, იურიდიულ პირებთან და სხვა გაერთიანებებთან; 10.  მოქალაქეთა საინფორმაციო მომსახურეობას ,,ერთი ფანჯრის" პრინციპის დაცვით; 11. მუნიციპალიტეტის სხვა თვითმმართველ ერთეულებთან, ადგილობრივ თვითმმართველობათა ეროვნულ ასოციაციასთან, საერთაშორისო ორგანიზაციებთან თანამშრომლობის ორგანიზებას; 12.  მუნიციპალიტეტის ოფიციალური ღონისძიებების დაგეგმვასა და ორგანიზებას; 13. ოფიციალური დელეგაციების მიღებას, საგარეო ვიზიტების დაგეგმვასა და ორგანიზებას; 14. ადგილობრივი თვითმმართველობის თანამდებობის პირების პრეს-კონფერენციების ჩატარების ორგანიზებას, ადგილობრივი თვითმმართველობის ორგანოების საქმიანობის შესახებ ყოველთვიური პრეს-დაიჯესტის მომზადებასა და გამოქვეყნებას; მათ ურთიერთობას მასობრივ საინფორმაციო საშუალებებთან; 15. ორგანიზებას უწევს საერთაშორისო ფონდებთან და არასამთავრობო ორგანიზაციებთან, დაწესებულებებთან, მუნიციპალიტეტის მერიის ურთიერთობას; 16. კოორდინაციას უწევს მერიის თანამდებობის პირების და მერიის მოსამსახურეთა შეხვედრას საერთაშორისო ფონდებთან და არასამთავრობო ორგანიზაციების წარმომადგენლებთან; 17.  საჯარო ინფორმაციის რეესტრის წარმოებას; 18. დადგენილი წესით საჯარო ინფორმაციის პროაქტიული წესით გამოქვეყნებას, 19.  საჯარო ინფორმაციის ხელმისაწვდომობას; 20. მოქმედი კანონმდებლობით, მერიის დებულებით და მუნიციპალიტეტის სხვა სამართლებრივი აქტებით განსაზღვრული ფუნქციების განხორციელებას. მუხლი 4🔗. ადამიანური რესურსების და საქმისწარმოების განყოფილების  ფუნქციები ადამიანური რესურსების მართვის განყოფილება უზრუნველყოფს: 1. მუნიციპალიტეტის მერიის საჯარო მოსამსახურეთათვის მოხელის კლასის მინიჭების საკითხის მომზადებას; 2. მუნიციპალიტეტის მერიის საჯარო მოსამსახურეთა სტაბილურობის, სამსახურებრივი გადაადგილების და დენადობის თაობაზე სტატისტიკური მონაცემების დამუშავებას, პერიოდულ ანალიზს და შეფასებას; 3. მუნიციპალიტეტის მერიის საჯარო მოსამსახურეთა რეზერვის შექმნასა და რეზერვისტთა მიზნობრივ გამოყენებას; 4. მუნიციპალიტეტის მერიის საჯარო მოსამსახურეთა შეფასების  ჩატარების ორგანიზებას; 5. მუნიციპალიტეტის მერიის მოსამსახურეთა პროფესიული დონის ანალიზს, მათი მომზადების, გადამზადების, კვალიფიკაციის ამაღლების ორგანიზებას; 6. მუნიციპალიტეტის  მერიის მოსამსახურეთა პირადი საქმეების წარმოებას; 7. მუნიციპალიტეტში  მერიაში შრომითი ხელშეკრულებით დასასაქმებელ პიროვნებებზე შრომითი ხელშეკრულების გაფორმებას, აღრიცხვას და კონტროლს ხელშეკრულებით გათვალისწინებული პირობების დაცვაზე;  8. მუნიციპალიტეტის მერიის მოსამსახურეთა დისციპლინური გადაცდომის შესახებ საკითხების განხილვას და დისციპლინური ზომის გამოყენების თაობაზე შესაბამისი წინადადებების მომზადებას კანონით დადგენილი წესით; 9. მუნიციპალიტეტის მერიაში საჯარო მოსამსახურეთა  ჯილდოებზე წარსადგენი დოკუმენტების მომზადებას. მოსამსახურეთა წახალისების შესახებ წინადადებების მომზადებას; 10. მუნიციპალიტეტის მერიაში ვაკანტურ თანამდებობაზე კონკურსის ჩატარების ორგანიზებას; 11. ღია, დახურული და გამარტივებული კონკურსის სხდომის ოქმის წარმოებას და მიღებულ გადაწყვეტილებათა გაფორმებას. 12. მუნიციპალიტეტის მერიის  კორესპონდენციის მიღებასა და ადრესატებისათვის გადაგზავნას; 13. მიღებული კორესპონდენციის რეგისტრაციასა და მათ განაწილებას დანიშნულებისამებრ სამსახურებსა და ადმინისტრაციული ერთეულების წარმომადგენლებთან; 14. მერის   დავალებების რეგისტრაციას, მათი შესრულების კონტროლს; 15. ადმინისტრაციული წარმოების დადგენილი წესებისა და პროცედურების დაცვას; 16. საქმისწარმოებაში დაშვებული დოკუმენტების სათანადოდ გაფორმებას და დოკუმენტბრუნვას; 17. საქმეთა ნომენკლატურის შედგენას და არქივირებას; 18.  საჯარო ინფორმაციის რეესტრის წარმოებას. მუხლი 5🔗. ადმინისტრაციულ ერთეულებთან ურთიერთობის კოორდინაციის განყოფილების ფუნქციები სამსახურის ადმინისტრაციულ ერთეულებთან ურთიერთობის კოორდინაციის  განყოფილება დადგენილი წესით უზრუნველყოფს: 1. მუნიციპალიტეტის  ადმინისტრაციულ  ერთეულებთან    კოორდინირებულ  მუშაობას; 2. მოქმედი კანონმდებლობით,  მერიის დებულებითა და მუნიციპალიტეტის სხვა სამართლებრივი აქტებით განსაზღვრული ფუნქციების განხორციელებას. მუხლი 6🔗. მოქალაქეთა მომსახურების  განყოფილების  ფუნქციები მოქალაქეთა  მომსახურებისა განყოფილება დადგენილი წესით  უზრუნველყოფს: 1. მოქალაქეთა მისაღების მეშვეობით ,,ერთი ფანჯრის" პრინციპის დაცვით მოქალაქეთა საინფორმაციო მომსახურებას; 2. მოქალაქეთა წერილებისა და განცხადებების მიღებასა და რეგისტრაციას; 3. მოქალაქეთა  განცხადებებზე   მიღებული პასუხების   მოქალაქეთათვის გაცნობასა და ჩაბარებას; 4.  მოქალაქეებისათვის  სხვადასხვა ინფორმაციის მიწოდებას  კომპეტენციის ფარგლებში; 5. მოქალაქეებისათვის   კონსულტაციებისა და განმარტებების მიცემას. 6. მოქმედი კანონმდებლობით, მერიის დებულებითა და  მუნიციპალიტეტის სხვა სამართლებრივი  აქტებით  განსაზღვრული ფუნქციების  განხორციელებას. მუხლი 7🔗. შესყიდვების  განყოფილების  ფუნქციები განყოფილება თავისი კომპეტენციის ფარგლებში ახორციელებს:  1. წლის განმავლობაში მუნიციპალური შესყიდვების პროცედურების განხორციელებას მოქმედი კანონმდებლობის შესაბამისად – შესყიდვის საშუალების შერჩევას და შერჩეული საშუალების შესაბამისი კანონმდებლობით გათვალისწინებული დოკუმენტაციის შედგენას (წარმოდგენილი მოთხოვნების შესაბამისად), შესყიდვების პროცედურების მომზადებას, სატენდერო/საკონკურსო კომისიის აპარატის საქმიანობაში მონაწილეობასა და სატენდერო /საკონკურსო პროცედურების ტექნიკურად უზრუნველყოფას; 2. სახელმწიფო შესყიდვების გამარტივებული შესყიდვის საშუალებით განხორციელებისას მასალების მომზადებას; 3. სახელმწიფო შესყიდვების ელექტრონული ტენდერისა და კონკურსის საშუალებით განხორციელებისას მასალების მომზადებას;  4.  სახელმწიფო შესყიდვების შესახებ ხელშეკრულებების მომზადება/აღრიცხვას; 5. სატენდერო/საკონკურსო  კომისიის  ოქმებისა და სხვა დოკუმენტების წარმოებას; 6. ტენდერის/კონკურსის შესახებ განცხადებებისა და სატენდერო/საკონკურსო დოკუმენტაციის მომზადებასა და გამოქვეყნებას; 7. მუნიციპალიტეტის სატენდერო და საკონკურსო კომისიების გადაწყვეტილებების შესაბამისად ხელშეკრულებების შემუშავებას;  8. სახელმწიფო შესყიდვების მარეგულირებელი კანონმდებლობით  გათვალისწინებულ ანგარიშგებას; 9. სატენდერო კომისიის წევრებისათვის კონსულტაციების გაწევას, სახელმწიფო შესყიდვების სფეროში მოქმედ კანონმდებლობასთან დაკავშირებით; 10. შესყიდვის პროცედურის კანონიერების დაცვას, შესყიდვებში მონაწილეთა მიმართ სამართლიანი და არადისკრიმინაციული მიდგომის უზრუნველყოფას; 11. კანონმდებლობის შესაბამისად, სახელმწიფო შესყიდვების განხორციელების მიზნით, მუნიციპალიტეტის დაქვემდებარებაში არსებული შემსყიდველი ორგანიზაციებისათვის კონსულტაციების გაწევას; 12. დედოფლისწყაროს  მუნიციპალიტეტის მერის დავალებით სხვა უფლებამოსილებების განხორციელებას; 13. სამსახურის კომპეტენციას მიკუთვნებული საკითხის სრულყოფილი განხილვა-გადაწყვეტისათვის ურთიერთობის წარმოებას მერიის სხვა სამსახურებთან, მერის წარმომადგენლებთან, ადმინისტრაციულ ორგანოებთან, დაწესებულებებთან და ორგანიზაციებთან;  14.  ადგილობრივი ბიუჯეტის პროექტის შედგენასა და ფორმირებაში მონაწილეობას; 15. სახელმწიფო შესყიდვების შესახებ ხელშეკრულებების პირობების ცვლილებებთან დაკავშირებით, დედოფლისწყაროს მუნიციპალიტეტის მერიის სტრუქტურული ერთეულების წერილობითი მოთხოვნის საფუძველზე, შეთანხმების აქტის ან/და გადაწყვეტილებების პროექტების მომზადებას სამსახურის კომპეტენციის ფარგლებში; 16. სამსახურის მიერ სახელმწიფო შესყიდვების განხორციელების პროცესში შემოსული საჩივრის განხილვის ორგანიზებას და საჩივრის განხილვის შედეგად მიღებული გადაწყვეტილებების პროექტების მომზადებას სამსახურის უფლებამოსილების ფარგლებში და სახელმწიფო შესყიდვების მარეგულირებელი კანონმდებლობის შესაბამისად;  17. სამსახურის კომპეტენციის ფარგლებში საჯარო ინფორმაციის ხელმისაწვდომობას; 18. მოქმედი კანონმდებლობითა და დედოფლისწყაროს მუნიციპალიტეტის ორგანოების სამართლებრივი აქტებით განსაზღვრული სხვა ფუნქციების განხორციელებას. მუხლი 8🔗. დებულებაში ცვლილებების შეტანა, სამსახურის რეორგანიზაცია და  ლიკვიდაცია სამსახურის დებულებაში ცვლილებების  შეტანა, სამსახურის რეორგანიზაცია და მისი საქმიანობის შეწყვეტა (ლიკვიდაცია) ხდება კანონმდებლობით დადგენილი წესით.