„თიღვის მუნიციპალიტეტის სოციალური დახმარების პროგრამის დამტკიცების შესახებ“ თიღვის მუნიციპალიტეტის საკრებულოს 2018 წლის 3 იანვრის №1 დადგენილებაში ცვლილების შეტანის თაობაზე

საქართველოს ორგანული კანონის „ადგილობრივი თვითმმართველობის კოდექსი“ მე-16 მუხლის მე-3 და მე-4 პუნქტების და 61-ე მუხლის 1-ლი და მე-2 პუნქტების, „ნორმატიული აქტების შესახებ“ საქართველოს კანონის მე-20 მუხლის მე-4 პუნქტის შესაბამისად, თიღვის მუნიციპალიტეტის საკრებულო ადგენს:

„თიღვის მუნიციპალიტეტის სოციალური დახმარების პროგრამის დამტკიცების შესახებ“ თიღვის მუნიციპალიტეტის საკრებულოს 2018 წლის 3 იანვრის №1 დადგენილებაში (www.matsne.gov.ge, 09/01/2018; 010250000.35.145.016145) შეტანილ იქნეს შემდეგი ცვლილება:

ა) დადგენილებით დამტკიცებული №2 დანართის მე-4 მუხლის 1-ლ პუნქტს დაემატოს შემდეგი შინაარსის „ვ“ ქვეპუნქტი:

„ვ) ბავშვის მარტოხელა დედის მიერ დაბადების შემთხვევაში – მარტოხელა დედობის დამადასტურებელი დოკუმენტი.“;

ბ) დადგენილებით დამტკიცებული №4 დანართის მე-2 მუხლის 1-ლი პუნქტი ჩამოყალიბდეს შემდეგი რედაქციით:

„1. დახმარების მისაღებად მოქალაქემ, ოპერაციის ჩატარებამდე 15 დღით ადრე,  მუნიციპალიტეტში  უნდა წარმოადგინოს შემდეგ სახის დოკუმენტაცია:

ა) განცხადება მუნიციპალიტეტის გამგებლის სახელზე (განმცხადებელი: მოსარგებლე ან მისი მშობელი, და, ძმა, მეუღლე);

ბ) დახმარების მიმღების (პაციენტი) პირადობის მოწმობისა და დევნილობის მოწმობის  ასლები;

გ) ცნობა ჯანმრთელობის მდგომარეობის შესახებ (ფორმა №100);

დ) ანგარიშ-ფაქტურა სამედიცინო დაწესებულებიდან, პაციენტის მიერ გადასახდელი თანხის დამადასტურებელი დოკუმენტი, საბოლოო კალკულაცია და მიმართვა (სოციალური მომსახურების სააგენტოდან) – ასეთის არსებობის შემთხვევაში;

ე) საბანკო რეკვიზიტები.“;

გ) დადგენილებით დამტკიცებული №5 დანართის მე-2 მუხლი ჩამოყალიბდეს შემდეგი რედაქციით:

„მუხლი 2. პროგრამის მოსარგებლეები

 პროგრამის მოსარგებლე არის მრავალშვილიანი ოჯახის მამა, მარტოხელა დედა ან დედა, რომელსაც გარდაეცვალა მეუღლე.“;

დ) დადგენილებით დამტკიცებული №5 დანართის მე-3 მუხლის 1-ლ პუნქტს დაემატოს შემდეგი შინაარსის „თ“ და „ი“ ქვეპუნქტები:

„თ) ბავშვის მარტოხელა დედის მიერ დაბადების შემთხვევაში – მარტოხელა დედობის დამადასტურებელი დოკუმენტი.“;

„ი) მამის გარდაცვალების მოწმობა.“.