მარნეულის მუნიციპალიტეტის საკრებულოს 2011 წლის 3 თებერვლის მშენებლობის, დასახლებული ტერიტორიის დასუფთავების და სათამაშო ბიზნესის ადგილობრივი მოსაკრებლების განაკვეთების განსაზღვრის და შესაბამისი ინსტრუქციების დაწესების შესახებ“ №2/3 დადგენილებაში ცვლილების შეტანის თაობაზე

✨ ჰკითხე AI-ს ამ კანონის შესახებ
მუნიციპალიტეტის საკრებულოს დადგენილება ძალადაკარგული მოსაკრებლები
მიღების თარიღი
18.01.2018
გამომცემი ორგანო
მარნეულის მუნიციპალიტეტი
ნომერი
№6
სარეგისტრაციო კოდი
210020010.35.159.016325
გამოქვეყნების წყარო
matsne.gov.ge , 25/01/2018
📥 მინიშნება 1
🕸️ გრაფი — კავშირების ვიზუალიზაცია
← უკუმითითება ცვლილება → 🧬 სემანტიკური ეს აქტი
📥 უკუმითითებები — 1 დოკუმენტი

მუნიციპალიტეტისა და თვითმმართველი ქალაქის საკრებულოს დადგენილება (1)

დოკუმენტის ტექსტი

 

მარნეულის მუნიციპალიტეტის საკრებულოს

დადგენილება  №6

2018 წლის 18 იანვარი

ქ. მარნეული

 

მარნეულის მუნიციპალიტეტის საკრებულოს 2011 წლის 3 თებერვლის მშენებლობის, დასახლებული ტერიტორიის დასუფთავების და სათამაშო ბიზნესის ადგილობრივი მოსაკრებლების განაკვეთების განსაზღვრის და შესაბამისი ინსტრუქციების დაწესების შესახებ“ №2/3 დადგენილებაში ცვლილების შეტანის თაობაზე
საქართველოს ორგანული კანონის „ადგილობრივი თვითმმართველობის კოდექსი“ მე-16 მუხლის მე-2 ნაწილის „დ“ პუნქტის, 24-ე მუხლის პირველი ნაწილის „დ“ ქვეპუნქტის „დ.ბ“ პუნქტის, 61-ე მუხლის მე-2 ნაწილის, „ნორმატიული აქტების შესახებ“ საქართველოს კანონის მე-20 მუხლის მე-2 და მე-4 პუნქტების შესაბამისად, მარნეულის მუნიციპალიტეტის საკრებულო ადგენს:

მუხლი 1
შევიდეს ცვლილება მარნეულის მუნიციპალიტეტის საკრებულოს 2011 წლის 3  თებერვლის №2/3 დადგენილებაში ,,მშენებლობის, დასახლებული ტერიტორიის დასუფთავების და სათამაშო ბიზნესის ადგილობრივი მოსაკრებლების განაკვეთების განსაზღვრის და შესაბამისი ინსტრუქციების დაწესების შესახებ’’  (www.matsne.gov.ge; 08/02/2011წ., 210020010.35.159.016024) და მე-6 მუხლი ჩამოყალიბდეს შემდეგი რედაქციით:

„მუხლი 6. მშენებლობის ნებართვის მოსაკრებელი

1. მარნეულის მუნიციპალიტეტის ტერიტორიაზე მშენებლობის ნებართვის მოსაკრებელი განისაზღვროს განაშენიანების ფართობის თითოეული კვადრატული მეტრისათვის 1 (ერთი) ლარის ოდენობით.

2. მარნეულის მუნიციპალიტეტის ტერიტორიაზე მიწისქვეშა ხაზობრივი ნაგებობის მშენებლობის დროს მოსაკრებელი განისაზღვროს სამშენებლო ტერიტორიის ტრანშეის (არხის) ერთ კვადრატულ მეტრზე 1 (ერთი) ლარის ოდენობით, ხოლო მიწისზედა ხაზობრივი ნაგებობის მშენებლობის დროს ხაზობრივი ნაგებობის ერთ გრძივ მეტრზე 0,30 (ოცდაათი თეთრი) ლარის ოდენობით.

3. ამ მუხლის პირველი და მე-2 პუნქტებით გათვალისწინებული მოსაკრებლის გადახდისაგან გათავისუფლდეს მარნეულის მუნიციპალიტეტის ადგილობრივი ბიუჯეტიდან დაფინანსებული სამშენებლო სამუშაოები და მე-2 პუნქტით გათვალისწინებული მოსაკრებლის გადახდისაგან გათავისუფლდეს მარნეულის მუნიციპალიტეტის ტერიტორიაზე წყალმომარაგების სისტემის სამშენებლო/სარეაბილიტაციო სამუშაოების პროექტის განმახორციელებელი იურიდიული პირი, რომლის წილის/აქციების 50 პროცენტზე მეტი სახელმწიფოს ან/და ადგილობრივი თვითმმართველობის საკუთრებაშია, ასევე კანონით ან კანონქვემდებარე აქტით მოსაკრებლის გადახდისაგან გათავისუფლებული დაინტერესებული სუბიექტი.“.

მუხლი 2
დადგენილება ამოქმედდეს გამოქვეყნებისთანავე.

მარნეულის მუნიციპალიტეტის საკრებულოს თავმჯდომარეამირან გიორგაძე