„ბოლნისის მუნიციპალიტეტის საკრებულოს რეგლამენტის დამტკიცების შესახებ“ ბოლნისის მუნიციპალიტეტის საკრებულოს 2017 წლის 20 ნოემბრის №48 დადგენილებაში ცვლილების შეტანის შესახებ

1. დადგენილებით დამტკიცებული დანართ №1-ს დაემატოს 15¹ მუხლი და ჩამოყალიბდეს შემდეგი რედაქციით:

„მუხლი 15¹. საკრებულოს თანამდებობის პირები

მუნიციპალიტეტის საკრებულოს თანამდებობის პირები არიან:

 ა)  საკრებულოს თავმჯდომარე;

ბ)  საკრებულოს თავმჯდომარის მოადგილე;

გ)  საკრებულოს კომისიის თავმჯდომარე;

დ) საკრებულოს ფრაქციის თავმჯდომარე;

ე)  საკრებულოს ფრაქციის თავმჯდომარის მოადგილე.“.

2. დადგენილებით დამტკიცებული დანართი №1-ის მე-19 მუხლის პირველი პუნქტი ჩამოყალიბდეს შემდეგი რედაქციით:

„1. საკრებულოს საქმიანობის ორგანიზების და ადგილობრივი თვითმმართველობის თანამდებობის პირთა საქმიანობის კონტროლის მიზნით საკრებულოს თავმჯდომარის, მისი მოადგილის, კომისიის და  ფრაქციის თავმჯდომარეების, ფრაქციის თავმჯდომარის მოადგილეების შემადგენლობით იქმნება საკრებულოს ბიურო.“.