საჩხერის მუნიციპალიტეტის მერიის რეორგანიზაციის შესახებ

საჩხერის მუნიციპალიტეტის მერიის რეორგანიზაციის შესახებ საჩხერის მუნიციპალიტეტის საკრებულოს დადგენილება №66 2018 წლის 31 იანვარი ქ. საჩხერე საჩხერის მუნიციპალიტეტის მერიის რეორგანიზაციის შესახებ საქართველოს კანონის „საჯარო სამსახურის შესახებ“ 52-ე, 102-ე, 103-ე, 104-ე, 110-ე, 114-ე მუხლების, 108-ე მუხლის ,,ბ“ ქვეპუნქტისა და ,,საჩხერის მუნიციპალიტეტის მერიის დებულების დამტკიცების შესახებ“ საჩხერის მუნიციპალიტეტის საკრებულოს 2017 წლის 20 ნოემბრის №32 დადგენილების 35-ე მუხლის საფუძველზე, საჩხერის მუნიციპალიტეტის საკრებულო ადგენს: მუხლი 1🔗 საჩხერის მუნიციპალიტეტის მერიის ეფექტიანი მმართველობის უზრუნველყოფის მიზნით 2018 წლის 1 მაისამდე განხორციელდეს მერიის რეორგანიზაცია. მუხლი 2🔗 დამტკიცდეს საჩხერის მუნიციპალიტეტის მერიის რეორგანიზაციის გეგმა თანდართული დანართის შესაბამისად. მუხლი 3🔗 დადგენილება ძალაში შედის გამოქვეყნებისთანავე და ძალაშია 2018 წლის 1 მაისამდე. საჩხერის მუნიციპალიტეტის საკრებულოს თავმჯდომარელევან ივანაშვილი დანართი საჩხერის მუნიციპალიტეტის მერიის რეორგანიზაციის გეგმა მუხლი 1🔗. ზოგადი დებულებანი საჩხერის მუნიციპალიტეტის მერიის რეორგანიზაციის გეგმა (შემდგომში – გეგმა) შედგენილია „საჯარო სამსახურის შესახებ“ საქართველოს კანონისა და საჩხერის მუნიციპალიტეტის მერიის დებულების შესაბამისად. მუხლი 2🔗. სარეორგანიზაციო სტრუქტურა რეორგანიზაცია შეეხება საჩხერის მუნიციპალიტეტის მერიის სივრცითი მოწყობის, არქიტექტურის, მშენებლობისა და ზედამხედველობის სამსახურს. მუხლი 3🔗. სარეორგანიზაციო ღონისძიებები და ჩატარების ვადები 1. მერიის რეორგანიზაცია უნდა დასრულდეს 2018 წლის 1 მაისამდე. 2. რეორგანიზაციის პროცესში ტარდება შემდეგი ღონისძიებები: ა) მერიისა და მერიის რეორგანიზაციას დაქვემდებარებული სტრუქტურული ერთეულის დებულებების პროექტების მომზადება და საკრებულოში წარდგენა, არაუგვიანეს 2018 წლის 20 თებერვლისა; ბ) მერიის საშტატო ნუსხის პროექტის მომზადება და საკრებულოში წარდგენა, არაუგვიანეს 2018 წლის 20 თებერვლისა; გ) მერიის სივრცითი მოწყობის, არქიტექტურის, მშენებლობისა და ზედამხედველობის სამსახურის მოსამსახურეთა გაფრთხილება რეორგანიზაციისა და შტატების მოსალოდნელი შემცირების თაობაზე, არაუგვიანეს 2018 წლის 15 მარტისა; დ) მერიის თანამდებობათა სამუშაო აღწერილობების თაობაზე მერის ბრძანების პროექტების მომზადება არაუგვიანეს2018 წლის 1 აპრილისა; ე) მერიის თანამდებობათა დამატებითი საკვალიფიკაციო მოთხოვნების თაობაზე მერის ბრძანების პროექტის მომზადება არაუგვიანეს 2018 წლის 1 აპრილისა; ვ) მერიის რეორგანიზაციის თაობაზე საჯარო სამსახურის ბიუროსთვის ინფორმაციის მიწოდება არაუგვიანეს 2018 წლის 20 თებერვლისა; ზ) რეორგანიზებულ სტრუქტურულ ერთეულები საშტატო ნუსხით გათვალისწინებულ თანამდებობებზე მობილობის წესით თანამშრომელთა გადაყვანის თაობაზე მერის ბრძანების პროექტების მომზადება, არაუგვიანეს 2018 წლის 15 აპრილისა; თ) რეორგანიზაციის შედეგად შტატების შემცირებათან დაკავშირებით მოხელეთა სამსახურიდან გათავისუფლების, მოხელეთა სხვა საჯარო დაწესებულებაში მობილობის და თუ მობილობა შეუძლებელია, მოხელეთა რეზერვში ჩარიცხვის შესახებ მერის ბრძანებების პროექტების მომზადება არაუგვიანეს 2018 წლის 15 აპრილისა; ი) რეორგანიზაციის შედეგად დარჩენილ ვაკანტურ თანამდებობაზე (არსებობის შემთხვევაში) რეორგანიზაციის დამთავრებისთანავე კონკურსების გამოცხადება. მუხლი 4🔗. რეორგანიზაციის პროცესში მერიის მუშაობის რეჟიმი რეორგანიზაციის პროცესში მერია მუშაობს მერიისა და სტრუქტურული ერთეულების მოქმედი დებულებებისა და საშტატო ნუსხის შესაბამისად. მუხლი 5🔗. გეგმის შესრულებაზე პასუხისმგებელი პირები 1. გეგმის შესრულებას კოორდინაციას უწევს საჩხერის მუნიციპალიტეტის მერი, რომელმაც გეგმის მე-3 მუხლის მე-2 პუნქტის,,ა“ და ,,ბ“ ქვეპუნქტებით გათვალისწინებული ღონისძეიებების შესასრულებლად, ვადების დაცვით, საჩხერის მუნიციპალიტეტის საკრებულოს დასამტკიცებლად უნდა წარუდგინოს შესაბამისი სამართლებრივი აქტების პროექტები. ამასთან, ამავე გეგმის მე-3 მუხლის მე-2 პუნქტის ,,გ“-,,ი“ ქვეპუნქტებით გათვალისწინებული ღონისძიებების შესრულების მიზნით, დადგენილ ვადებში გამოსცეს შესაბამისი ბრძანებები. 2. გეგმის მე-3 მუხლის მე-2 პუნქტის „ა“-,,თ“ ქვეპუნქტებით გათვალისწინებული ღონისძიებების შესრულებაზე პასუხისმგებელია მერიის ადმინისტრაციული სამსახური და რეორგანიზაციას დაქვემდებარებული სტრუქტურული ერთეული.