„ქ. მცხეთაში კულტურული მემკვიდრეობის დაცვის ზონაში სამშენებლო სამუშაოების ან მშენებლობის ეტაპის მშენებლობის ნებართვით დადგენილ ვადაში დაუსრულებლობისთვის და არსებული არაფუნქციონირებადი/მიტოვებული შენობა-ნაგებობის განვითარების მიზნით, მშნებელობის ნებართვის დადგენილ ვადაში აუღებლობისთვის ჯარიმის ოდენობის განსაზღვრის შესახებ“

„ქ. მცხეთაში კულტურული მემკვიდრეობის დაცვის ზონაში სამშენებლო სამუშაოების ან მშენებლობის ეტაპის მშენებლობის ნებართვით დადგენილ ვადაში დაუსრულებლობისთვის და არსებული არაფუნქციონირებადი/მიტოვებული შენობა-ნაგებობის განვითარების მიზნით, მშნებელობის ნებართვის დადგენილ ვადაში აუღებლობისთვის ჯარიმის ოდენობის განსაზღვრის შესახებ“ მცხეთის მუნიციპალიტეტის საკრებულოს დადგენილება №25 2018 წლის 22 თებერვალი ქ. მცხეთა ქ. მცხეთაში კულტურული მემკვიდრეობის დაცვის ზონაში სამშენებლო სამუშაოების ან მშენებლობის ეტაპის მშენებლობის ნებართვით დადგენილ ვადაში დაუსრულებლობისთვის და არსებული არაფუნქციონირებადი/მიტოვებული შენობა-ნაგებობის განვითარების მიზნით, მშნებელობის ნებართვის დადგენილ ვადაში აუღებლობისთვის ჯარიმის ოდენობის განსაზღვრის შესახებ საქართველოს ორგანული კანონის   „ადგილობრივი თვითმმართველობის კოდექსი“  61-ე მუხლის პირველი და მეორე პუნქტების,  „პროდუქტის უსაფრთხოების და თავისუფალი მიმოქცევის კოდექსი“ საქართველოს კანონის 46-ე-47-ე მუხლების, „ნორმატიული აქტების შესახებ“ საქართველოს კანონის 25-ე მუხლის პირველი პუნქტის „ბ“ ქვეპუნქტის და  „ქ. მცხეთის, კულტურული მემკვიდრეობის დამცავი ზონების დადგენის შესახებ“ საქართველოს მთავრობის 2012 წლის 17 სექტემბრის  №1750 განკარგულების საფუძველზე, მცხეთის მუნიციპალიტეტის საკრებულო ადგენს: მუხლი 1🔗 სამშენებლო სამუშაოების ან მშენებლობის ეტაპის მშენებლობის ნებართვით დადგენილ ვადაში დაუსრულებლობისთვის ყოველ ვადაგადაცილებულ დღეზე შემოწმების აქტის შედგენის დღისთვის არსებული სამშენებლო პროექტით გათვალისწინებული ასაშენებელი (სადემონტაჟო) შენობა-ნაგებობის საერთო ფართობის თითოეულ კვადრატულ მეტრზე ჯარიმის ოდენობა ქ. მცხეთაში – კულტურული მემკვიდრეობის  დაცვის ზონაში  (ქ. მცხეთის არქეოლოგიური დაცვის ზონა,  ქ. მცხეთის განაშენიანების რეგულირების ზონა, ქ. მცხეთის ისტორიული ლანდშაფტის დაცვის ზონა, ქ. მცხეთის ისტორიული განაშენიანების დაცვის ზონა) – განისაზღვროს – 0,5 ლარის ოდენობით. მუხლი 2🔗 1. ქ. მცხეთაში – კულტურული მემკვიდრეობის  დაცვის ზონაში (ქ. მცხეთის არქეოლოგიური დაცვის ზონა, ქ. მცხეთის განაშენიანების რეგულირების ზონა, ქ. მცხეთის ისტორიული ლანდშაფტის დაცვის ზონა, ქ.მცხეთის ისტორიული განაშენიანების დაცვის ზონა) მდებარე არაფუნქციონირებადი/მიტოვებული შენობა-ნაგებობის (რომელიც აღარ გამოიყენება საცხოვრებელი, კომერციული ან სხვა საზოგადოებრივი ფუნქციით და საჭიროებს განვითარებას) განვითარების მიზნით, მშენებლობის ნებართვის დადგენილ ვადაში აუღებლობისთვის ყოველ ვადაგადაცილებულ დღეზე საკუთრებაში არსებული შენობა-ნაგებობის საერთო ფართობის თითოეულ კვადრატულ მეტრზე ჯარიმის ოდენობა განისაზღვროს – 0,5 ლარის ოდენობით. 2. პირველი პუნქტით გათვალისწინებულ შემთხვევაში,  მშენებლობის ნებართვის აღებამდე მესაკუთრე ვალდებულია შენობა-ნაგებობა შეფუთოს სპეციალური ბადით ან ბანერით, რომლის სახეობა და ფერი უნდა შეთანხმდეს მცხეთის მუნიციპალიტეტის მერიის სივრცითი მოწყობის და ინფრასტრუქტურის სამსახურთან. მუხლი 3🔗 ძალადაკარგულად გამოცხადდეს „ქალაქ მცხეთის მუნიციპალიტეტის ტერიტორიაზე კულტურული მემკვიდრეობის დაცვის, სარეკრეაციო ტერიტორიების განვითარებისა და დასახლებათა სივრცით-ტერიტორიული დაგეგმვის ხელშეწყობის მიზნით ზონების დადგენისა და სამშენებლო სამუშაოების ან მშენებლობის ეტაპის მშენებლობის ნებართვით დადგენილ ვადაში დაუსრულებლობის და არაფუნქციონირებადი/მიტოვებული შენობა-ნაგებობის განვითარების მიზნით მშენებლობის ნებართვის დადგენილ ვადაში აუღებლობისთვის ჯარიმის ოდენობის განსაზღვრის შესახებ“ ქალაქ მცხეთის მუნიციპალიტეტის საკრებულოს 2016 წლის 21 იანვრის №2 დადგენილება (www.matsne.gov.ge, 010250000.35.175.016115, 27.01.2016.) და „სამშენებლო სამუშაოების ან მშენებლობის ეტაპის მშენებლობის ნებართვით დადგენილ ვადაში დაუსრულებლობის შემთხვევაში და არსებული არაფუნქციონირებადი/მიტოვებული შენობა-ნაგებობის განვითარების მიზნით მშენებლობის ნებართვის დადგენილ ვადაში აუღებლობისთვის შესაბამისი ზონების მიხედვით ჯარიმის ოდენობების განსაზღვრის შესახებ“ მცხეთის მუნიციპალიტეტის საკრებულოს 2015 წლის 27 თებერვლის №16 დადგენილება (www.matsne.gov.ge, 010260020.35.153.016266, 05.03.2015.). მუხლი 4🔗 დადგენილება ამოქმედდეს გამოქვეყნებისთანავე.მცხეთის მუნიციპალიტეტის საკრებულოს თავმჯდომარეგელა ბაქრაძე