სს „საქართველოს სახელმწიფო ელექტროსისტემის“ მიერ სახელმწიფო შესყიდვების გამარტივებული შესყიდვის საშუალებით განხორციელების შესახებ

სს „საქართველოს სახელმწიფო ელექტროსისტემის“ მიერ სახელმწიფო შესყიდვების გამარტივებული შესყიდვის საშუალებით განხორციელების შესახებ საქართველოს მთავრობის განკარგულება №2199  2017  წლის 19  ოქტომბერი ქ. თბილისი სს „საქართველოს სახელმწიფო ელექტროსისტემის“ მიერ სახელმწიფო შესყიდვების გამარტივებული შესყიდვის საშუალებით განხორციელების შესახებ „სახელმწიფო შესყიდვების შესახებ“ საქართველოს კანონის 10​1 მუხლის მე-3 პუნქტის „დ“ ქვეპუნქტის შესაბამისად, სახელმწიფოებრივი და საზოგადოებრივი მნიშვნელობის ღონისძიების შეზღუდულ ვადებში შეუფერხებლად განხორციელების მიზნით, სს „საქართველოს სახელმწიფო ელექტროსისტემამ“, მცხეთა-მთიანეთის რეგიონში ახალი 500 კვ ელექტროგადამცემი ხაზის „ქსანი-სტეფანწმინდის“ მშენებლობის პროექტის უზრუნველსაყოფად, დუშეთის მუნიციპალიტეტის სოფლების: ჭართალის, ხამუშის, მუგუდის, ხანდოს, წითლიანისა და დაბა ფასანაურის მიმდებარე მონაკვეთის ალტერნატიულ მარშრუტზე სამშენებლო სამუშაოების წარმოებისათვის საჭირო 500 კვ ეგხ „ქსანი-სტეფანწმინდის“ 12.6 კმ-იანი მონაკვეთისთვის საყრდენების, კუთხოვანებისა და ასამაღლებელი სექციების მოწყობის, სპეციალური ტექნიკის გადაზიდვისა და ალტერნატიული მარშრუტისათვის განსახლების გეგმის მომსახურებების სახელმწიფო შესყიდვები განახორციელოს გამარტივებული შესყიდვის საშუალებით. პრემიერ-მინისტრი                                                                გიორგი კვირიკაშვილი