საქართველოს სახელმწიფო უსაფრთხოების სამსახურისთვის უძრავი ქონების უსასყიდლო უზუფრუქტის, ხოლო მოძრავი ქონების თხოვების ფორმით გადაცემაზე თანხმობის მიცემის შესახებ

საქართველოს სახელმწიფო უსაფრთხოების სამსახურისთვის უძრავი ქონების უსასყიდლო უზუფრუქტის, ხოლო მოძრავი ქონების თხოვების ფორმით გადაცემაზე თანხმობის მიცემის შესახებ საქართველოს მთავრობის განკარგულება №2561 2017 წლის 7 დეკემბერი    ქ. თბილისი  საქართველოს  სახელმწიფო უსაფრთხოების  სამსახურისთვის უძრავი ქონების უსასყიდლო უზუფრუქტის, ხოლო მოძრავი ქონების თხოვების ფორმით გადაცემაზე თანხმობის მიცემის შესახებ 1. „სახელმწიფო ქონების შესახებ“ საქართველოს კანონის 36-ე მუხლის მე-2 პუნქტის შესაბამისად, საქართველოს  სახელმწიფო უსაფრთხოების  სამსახურს  მიეცეს თანხმობა, კვებითი მომსახურების უზრუნველსაყოფად 2018 წლის  1 იანვრიდან  2018 წლის  31  დეკემბრის ჩათვლით  გადასცეს ფიზიკურ ან კერძო სამართლის იურიდიულ პირ(ებ)ს: ა) უსასყიდლო უზუფრუქტის  უფლებით, ამ განკარგულების  №1 დანართში მითითებული   უძრავი ქონება; ბ) თხოვების უფლებით,  ამ  განკარგულების  №2 დანართში მითითებული   მოძრავი  ქონება. 2. საქართველოს  სახელმწიფო უსაფრთხოების  სამსახურმა,  ამ განკარგულების შესრულების მიზნით, უზრუნველყოს კანონმდებლობით გათვალისწინებული ღონისძიების განხორციელება.  პრემიერ-მინისტრი                                          გიორგი კვირიკაშვილი.