მესტიის აეროპორტის დამატებითი სამშენებლო სამუშაოების განხორციელებისათვის მშენებლობის ნებართვის გამარტივებული წესით გაცემის შესახებ

„მშენებლობის ნებართვის გაცემის წესისა და სანებართვო პირობების შესახებ“ საქართველოს მთავრობის 2009 წლის 24 მარტის №57 დადგენილების 39-ე მუხლის მე-5 პუნქტის შესაბამისად, ქვეყნისთვის განსაკუთრებული სოციალურ-ეკონომიკური მნიშვნელობიდან გამომდინარე, საჯარო  სამართლის იურიდიულმა პირმა − ტექნიკური და სამშენებლო ზედამხედველობის სააგენტომ, წარდგენილი საპროექტო დოკუმენტაციისა და გამოკვლევის შედეგების საფუძველზე, გამარტივებული წესით გასცეს მესტიის აეროპორტის დამატებითი სამშენებლო სამუშაოების განხორციელებისათვის საჭირო მშენებლობის ნებართვა.