საქართველოს თავდაცვის სამინისტროსა და შპს „სახელმწიფო მომსახურების ბიუროს“ მიერ განსახორციელებელ რიგ ღონისძიებათა შესახებ

საქართველოს თავდაცვის სამინისტროსა და შპს „სახელმწიფო მომსახურების ბიუროს“ მიერ განსახორციელებელ რიგ ღონისძიებათა შესახებ საქართველოს მთავრობის განკარგულება №2580 2017 წლის 14 დეკემბერი ქ. თბილისი საქართველოს თავდაცვის სამინისტროსა და შპს „სახელმწიფო მომსახურების ბიუროს“ მიერ განსახორციელებელ რიგ ღონისძიებათა შესახებ 1. „საქართველოს მთავრობის სტრუქტურის, უფლებამოსილებისა და საქმიანობის წესის შესახებ“ საქართველოს კანონის მე-5 მუხლის „კ“ ქვეპუნქტის შესაბამისად, მოწონებულ იქნეს შპს „სახელმწიფო მომსახურების ბიუროსა“ (ს/ნ: 404389372) და საქართველოს თავდაცვის სამინისტროს შორის ხელშეკრულების გაფორმების საკითხი, რომლის შედეგადაც  განხორციელდება: ა) შპს „მენო ინტერნეიშენალის“ (ს/ნ: 208213084) მიმართ შპს „სახელმწიფო მომსახურების ბიუროს“ ვალდებულების (დავალიანება 1 099 027.39 ლარი (ერთი მილიონ ოთხმოცდაცხრამეტი ათას ოცდაშვიდი ლარი და ოცდაცხრამეტი თეთრი)), რომელიც გამომდინარეობს ამავე პირებს შორის არსებული 2010 წლის 17 მარტს დადებული №241 ხელშეკრულებიდან, საქართველოს თავდაცვის სამინისტროსათვის გადაცემა; ბ) შპს „მენო ინტერნეიშენალის“ მიმართ თბილისის საქალაქო სასამართლოს 2016 წლის 29 ნოემბრის განაჩენით (საქმე №1/1923-14 №092191112003) დადასტურებული შპს „სახელმწიფო მომსახურების ბიუროს“ 2 384 530 (ორი მილიონ სამას ოთხმოცდაოთხი ათას ხუთას ოცდაათი) ლარის მოთხოვნის უფლების საქართველოს თავდაცვის სამინისტროსათვის დათმობა. 2. საქართველოს თავდაცვის სამინისტრომ უზრუნველყოს ამ განკარგულების პირველი პუნქტით გათვალისწინებული მოთხოვნებისა და ვალდებულებების მიღება სახელმწიფოს სახელით. 3. ამ განკარგულების შესრულების მიზნით, შპს „სახელმწიფო მომსახურების ბიუროს“ ეთხოვოს, ხოლო საქართველოს თავდაცვის სამინისტროს დაევალოს კანონმდებლობით გათვალისწინებული შესაბამისი ღონისძიებების განხორციელება.   პრემიერ-მინისტრი                                   გიორგი კვირიკაშვილი